| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๘๔. ปกฺขคณนาทิอุคฺคหณานุชานนกถา
84. Pakkhagaṇanādiuggahaṇānujānanakathā
๑๕๖. กตินํ ปูรณีติ กตินํ ติถีนํ ปูรณีฯ โก ทิวโสติ กิตฺตโก ทิวโสฯ อยฺยายตฺตนฺติ อเยฺยหิ ภิกฺขูหิ อายตฺตํ อาพทฺธํฯ สํหริตฺวาติ ปุน สลากํ สํหริตฺวาฯ อยํ ปาโฐ เกสุจิ อฎฺฐกถาโปตฺถเกสุ นตฺถิฯ กาลวโตติ เอตฺถ วนฺตุปจฺจโย สฺวโตฺถติ อาห ‘‘กาลเสฺสวา’’ติฯ เอวสโทฺท ปน สมฺภวโต ยุชฺชิยติฯ ปเควาติ ปาโตวฯ
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
๑๕๘. สายมฺปีติ สายเนฺหปิฯ ปิสเทฺทน อญฺญมฺปิ สรณกาลํ สมฺปิเณฺฑติฯ
158.Sāyampīti sāyanhepi. Pisaddena aññampi saraṇakālaṃ sampiṇḍeti.
๑๕๙. อาณาเปตุนฺติ เอตฺถ อนาณาเปตพฺพภิกฺขู อปเนตฺวา อาณาเปตพฺพภิกฺขู ทเสฺสตุํ วุตฺตํ ‘‘กิญฺจิ กมฺม’’นฺติอาทิฯ สทากาลเมว กิญฺจิ กมฺมํ กโรโนฺตติ โยชนาฯ ธมฺมกถิกาทีสูติอาทิสเทฺทน คณวาจกาทโย สงฺคณฺหาติฯ วาเรนาติ ปริยาเยนฯ สมฺมุญฺจนินฺติ ยฎฺฐิสมฺมุญฺจนิํ วา มุฎฺฐิสมฺมุญฺจนิํ วาฯ สมํ, สุฎฺฐุ วา มุญฺจติ โสเธติ อิมายาติ สมฺมุญฺจนี, ตาลุโช ปฐโมฯ ตมฺปีติ สาขาภงฺคมฺปิฯ
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
๑๖๐. วุตฺตนเยเนวาติ สมฺมชฺชเน วุตฺตนเยเนวฯ ปุน อาหริตพฺพานีติ สงฺฆิกาวาสํ อาสนานิ ปุน อาหริตพฺพานิฯ ตฎฺฎิกาโยปีติ เวณุอาทิมยา ตฎฺฎิกาโยปิฯ
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
๑๖๑. กปลฺลิกา วาติ กปาเลสุ ปริยาปนฺนา ปทีปกปาลา วาฯ ตนฺติ เตลาทิํฯ ปริเยสิตพฺพานีติ อนวชฺชปริเยสเนน ปริเยสิตพฺพานิฯ
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๘๔. ปกฺขคณนาทิอุคฺคหณานุชานนา • 84. Pakkhagaṇanādiuggahaṇānujānanā
๘๕. ปุพฺพกรณานุชานนา • 85. Pubbakaraṇānujānanā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / ปกฺขคณนาทิอุคฺคหณานุชานนกถา • Pakkhagaṇanādiuggahaṇānujānanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปกฺขคณนาทิอุคฺคหณานุชานนกถาวณฺณนา • Pakkhagaṇanādiuggahaṇānujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปกฺขคณนาทิอุคฺคหณานุชานนกถาทิวณฺณนา • Pakkhagaṇanādiuggahaṇānujānanakathādivaṇṇanā
