| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၈၄. ပက္ခဂဏနာဒိဥဂ္ဂဟဏာနုဇာနနကထာ
84. Pakkhagaṇanādiuggahaṇānujānanakathā
၁၅၆. ကတိနံ ပူရဏီတိ ကတိနံ တိထီနံ ပူရဏီ။ ကော ဒိဝသောတိ ကိတ္တကော ဒိဝသော။ အယ္ယာယတ္တန္တိ အယ္ယေဟိ ဘိက္ခူဟိ အာယတ္တံ အာဗဒ္ဓံ။ သံဟရိတ္ဝာတိ ပုန သလာကံ သံဟရိတ္ဝာ။ အယံ ပာဌော ကေသုစိ အဋ္ဌကထာပောတ္ထကေသု နတ္ထိ။ ကာလဝတောတိ ဧတ္ထ ဝန္တုပစ္စယော သ္ဝတ္ထောတိ အာဟ ‘‘ကာလသ္သေဝာ’’တိ။ ဧဝသဒ္ဒော ပန သမ္ဘဝတော ယုဇ္ဇိယတိ။ ပဂေဝာတိ ပာတောဝ။
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
၁၅၈. သာယမ္ပီတိ သာယန္ဟေပိ။ ပိသဒ္ဒေန အညမ္ပိ သရဏကာလံ သမ္ပိဏ္ဍေတိ။
158.Sāyampīti sāyanhepi. Pisaddena aññampi saraṇakālaṃ sampiṇḍeti.
၁၅၉. အာဏာပေတုန္တိ ဧတ္ထ အနာဏာပေတဗ္ဗဘိက္ခူ အပနေတ္ဝာ အာဏာပေတဗ္ဗဘိက္ခူ ဒသ္သေတုံ ဝုတ္တံ ‘‘ကိဉ္စိ ကမ္မ’’န္တိအာဒိ။ သဒာကာလမေဝ ကိဉ္စိ ကမ္မံ ကရောန္တောတိ ယောဇနာ။ ဓမ္မကထိကာဒီသူတိအာဒိသဒ္ဒေန ဂဏဝာစကာဒယော သင္ဂဏ္ဟာတိ။ ဝာရေနာတိ ပရိယာယေန။ သမ္မုဉ္စနိန္တိ ယဋ္ဌိသမ္မုဉ္စနိံ ဝာ မုဋ္ဌိသမ္မုဉ္စနိံ ဝာ။ သမံ, သုဋ္ဌု ဝာ မုဉ္စတိ သောဓေတိ ဣမာယာတိ သမ္မုဉ္စနီ, တာလုဇော ပဌမော။ တမ္ပီတိ သာခာဘင္ဂမ္ပိ။
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
၁၆၀. ဝုတ္တနယေနေဝာတိ သမ္မဇ္ဇနေ ဝုတ္တနယေနေဝ။ ပုန အာဟရိတဗ္ဗာနီတိ သင္ဃိကာဝာသံ အာသနာနိ ပုန အာဟရိတဗ္ဗာနိ။ တဋ္ဋိကာယောပီတိ ဝေဏုအာဒိမယာ တဋ္ဋိကာယောပိ။
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
၁၆၁. ကပလ္လိကာ ဝာတိ ကပာလေသု ပရိယာပန္နာ ပဒီပကပာလာ ဝာ။ တန္တိ တေလာဒိံ။ ပရိယေသိတဗ္ဗာနီတိ အနဝဇ္ဇပရိယေသနေန ပရိယေသိတဗ္ဗာနိ။
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၈၄. ပက္ခဂဏနာဒိဥဂ္ဂဟဏာနုဇာနနာ • 84. Pakkhagaṇanādiuggahaṇānujānanā
၈၅. ပုဗ္ဗကရဏာနုဇာနနာ • 85. Pubbakaraṇānujānanā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ပက္ခဂဏနာဒိဥဂ္ဂဟဏာနုဇာနနကထာ • Pakkhagaṇanādiuggahaṇānujānanakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပက္ခဂဏနာဒိဥဂ္ဂဟဏာနုဇာနနကထာဝဏ္ဏနာ • Pakkhagaṇanādiuggahaṇānujānanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပက္ခဂဏနာဒိဥဂ္ဂဟဏာနုဇာနနကထာဒိဝဏ္ဏနာ • Pakkhagaṇanādiuggahaṇānujānanakathādivaṇṇanā
