| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
84. පක්‌ඛගණනාදිඋග්‌ගහණානුජානනකථා
84. Pakkhagaṇanādiuggahaṇānujānanakathā
156. කතිනං පූරණීති කතිනං තිථීනං පූරණී. කො දිවසොති කිත්‌තකො දිවසො. අය්‍යායත්‌තන්‌ති අය්‍යෙහි භික්‌ඛූහි ආයත්‌තං ආබද්‌ධං. සංහරිත්‌වාති පුන සලාකං සංහරිත්‌වා. අයං පාඨො කෙසුචි අට්‌ඨකථාපොත්‌ථකෙසු නත්‌ථි. කාලවතොති එත්‌ථ වන්‌තුපච්‌චයො ස්‌වත්‌ථොති ආහ ‘‘කාලස්‌සෙවා’’ති. එවසද්‌දො පන සම්‌භවතො යුජ්‌ජියති. පගෙවාති පාතොව.
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
158. සායම්‌පීති සායන්‌හෙපි. පිසද්‌දෙන අඤ්‌ඤම්‌පි සරණකාලං සම්‌පිණ්‌ඩෙති.
158.Sāyampīti sāyanhepi. Pisaddena aññampi saraṇakālaṃ sampiṇḍeti.
159. ආණාපෙතුන්‌ති එත්‌ථ අනාණාපෙතබ්‌බභික්‌ඛූ අපනෙත්‌වා ආණාපෙතබ්‌බභික්‌ඛූ දස්‌සෙතුං වුත්‌තං ‘‘කිඤ්‌චි කම්‌ම’’න්‌තිආදි. සදාකාලමෙව කිඤ්‌චි කම්‌මං කරොන්‌තොති යොජනා. ධම්‌මකථිකාදීසූතිආදිසද්‌දෙන ගණවාචකාදයො සඞ්‌ගණ්‌හාති. වාරෙනාති පරියායෙන. සම්‌මුඤ්‌චනින්‌ති යට්‌ඨිසම්‌මුඤ්‌චනිං වා මුට්‌ඨිසම්‌මුඤ්‌චනිං වා. සමං, සුට්‌ඨු වා මුඤ්‌චති සොධෙති ඉමායාති සම්‌මුඤ්‌චනී, තාලුජො පඨමො. තම්‌පීති සාඛාභඞ්‌ගම්‌පි.
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
160. වුත්‌තනයෙනෙවාති සම්‌මජ්‌ජනෙ වුත්‌තනයෙනෙව. පුන ආහරිතබ්‌බානීති සඞ්‌ඝිකාවාසං ආසනානි පුන ආහරිතබ්‌බානි. තට්‌ටිකායොපීති වෙණුආදිමයා තට්‌ටිකායොපි.
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
161. කපල්‌ලිකා වාති කපාලෙසු පරියාපන්‌නා පදීපකපාලා වා. තන්‌ති තෙලාදිං. පරියෙසිතබ්‌බානීති අනවජ්‌ජපරියෙසනෙන පරියෙසිතබ්‌බානි.
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
84. පක්‌ඛගණනාදිඋග්‌ගහණානුජානනා • 84. Pakkhagaṇanādiuggahaṇānujānanā
85. පුබ්‌බකරණානුජානනා • 85. Pubbakaraṇānujānanā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / පක්‌ඛගණනාදිඋග්‌ගහණානුජානනකථා • Pakkhagaṇanādiuggahaṇānujānanakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පක්‌ඛගණනාදිඋග්‌ගහණානුජානනකථාවණ්‌ණනා • Pakkhagaṇanādiuggahaṇānujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / පක්‌ඛගණනාදිඋග්‌ගහණානුජානනකථාදිවණ්‌ණනා • Pakkhagaṇanādiuggahaṇānujānanakathādivaṇṇanā
