| Library / Tipiṭaka / ཏིཔིཊཀ • Tipiṭaka / མཧཱཝགྒ-ཨཊྛཀཐཱ • Mahāvagga-aṭṭhakathā |
པཀྑགཎནཱདིཨུགྒཧཎཱནུཛཱནནཀཐཱ
Pakkhagaṇanādiuggahaṇānujānanakathā
༡༥༦. ཀཏིམཱི བྷནྟེཏི ཨེཏྠ ཀཏཱིནཾ པཱུརཎཱིཏི ཀཏིམཱི། ཀཱལཝཏོཏི ཀཱལསྶེཝ; པགེཝཱཏི ཨཏྠོ།
156.Katimī bhanteti ettha katīnaṃ pūraṇīti katimī. Kālavatoti kālasseva; pagevāti attho.
༡༥༨. ཡཾ ཀཱལཾ སརཏཱིཏི ཨེཏྠ སཱཡམྤི ‘‘ཨཛྫུཔོསཐོ སམནྣཱཧརཐཱ’’ཏི ཨཱརོཙེཏུཾ ཝཊྚཏི།
158.Yaṃ kālaṃ saratīti ettha sāyampi ‘‘ajjuposatho samannāharathā’’ti ārocetuṃ vaṭṭati.
༡༥༩. ཐེརེན བྷིཀྑུནཱ ནཝཾ བྷིཀྑུཾ ཨཱཎཱཔེཏུནྟི ཨེཏྠཱཔི ཀིཉྩི ཀམྨཾ ཀརོནྟོ ཝཱ སདཱཀཱལམེཝ ཨེཀོ ཝཱ བྷཱརནིཏྠརཎཀོ ཝཱ སརབྷཱཎཀདྷམྨཀཐིཀཱདཱིསུ ཨཉྙཏརོ ཝཱ ན ཨུཔོསཐཱགཱརསམྨཛྫནཏྠཾ ཨཱཎཱཔེཏབྦོ, ཨཝསེསཱ པན ཝཱརེན ཨཱཎཱཔེཏབྦཱ། སཙེ ཨཱཎཏྟོ སམྨུཉྫནིཾ ཏཱཝཀཱལིཀམྤི ན ལབྷཏི, སཱཁཱབྷངྒཾ ཀཔྤིཡཾ ཀཱརེཏྭཱ སམྨཛྫིཏབྦཾ, ཏམྤི ཨལབྷནྟསྶ ལདྡྷཀཔྤིཡཾ ཧོཏི།
159.Therena bhikkhunā navaṃ bhikkhuṃ āṇāpetunti etthāpi kiñci kammaṃ karonto vā sadākālameva eko vā bhāranittharaṇako vā sarabhāṇakadhammakathikādīsu aññataro vā na uposathāgārasammajjanatthaṃ āṇāpetabbo, avasesā pana vārena āṇāpetabbā. Sace āṇatto sammuñjaniṃ tāvakālikampi na labhati, sākhābhaṅgaṃ kappiyaṃ kāretvā sammajjitabbaṃ, tampi alabhantassa laddhakappiyaṃ hoti.
༡༦༠. ཨཱསནཔཉྙཱཔནཱཎཏྟིཡམྤི ཝུཏྟནཡེནེཝ ཨཱཎཱཔེཏབྦོ། ཨཱཎཏྟེན ཙ སཙེ ཨུཔོསཐཱགཱརེ ཨཱསནཱནི ནཏྠི, སངྒྷིཀཱཝཱསཏོཔི ཨཱཧརིཏྭཱ པཉྙཔེཏྭཱ པུན ཨཱཧརིཏབྦཱནི། ཨཱསནེསུ ཨསཏི ཀཊསཱརཀེཔི ཏཊྚིཀཱཡོཔི པཉྙཔེཏུཾ ཝཊྚཏི, ཏཊྚིཀཱསུཔི ཨསཏི སཱཁཱབྷངྒཱནི ཀཔྤིཡཾ ཀཱརེཏྭཱ པཉྙཔེཏབྦཱནི, ཀཔྤིཡཀཱརཀཾ ཨལབྷནྟསྶ ལདྡྷཀཔྤིཡཾ ཧོཏི།
160. Āsanapaññāpanāṇattiyampi vuttanayeneva āṇāpetabbo. Āṇattena ca sace uposathāgāre āsanāni natthi, saṅghikāvāsatopi āharitvā paññapetvā puna āharitabbāni. Āsanesu asati kaṭasārakepi taṭṭikāyopi paññapetuṃ vaṭṭati, taṭṭikāsupi asati sākhābhaṅgāni kappiyaṃ kāretvā paññapetabbāni, kappiyakārakaṃ alabhantassa laddhakappiyaṃ hoti.
༡༦༡. པདཱིཔཀརཎེཔི ཝུཏྟནཡེནེཝ ཨཱཎཱཔེཏབྦོ། ཨཱཎཱཔེནྟེན ཙ ‘‘ཨམུཀསྨིཾ ནཱམ ཨོཀཱསེ ཏེལཾ ཝཱ ཝཊྚི ཝཱ ཀཔལླིཀཱ ཝཱ ཨཏྠི, ཏཾ གཧེཏྭཱ ཀརོཧཱི’’ཏི ཝཏྟབྦོ། སཙེ ཏེལཱདཱིནི ནཏྠི, པརིཡེསིཏབྦཱནི, པརིཡེསིཏྭཱ ཨལབྷནྟསྶ ལདྡྷཀཔྤིཡཾ ཧོཏི། ཨཔིཙ ཀཔཱལེ ཨགྒིཔི ཛཱལེཏབྦོ།
161. Padīpakaraṇepi vuttanayeneva āṇāpetabbo. Āṇāpentena ca ‘‘amukasmiṃ nāma okāse telaṃ vā vaṭṭi vā kapallikā vā atthi, taṃ gahetvā karohī’’ti vattabbo. Sace telādīni natthi, pariyesitabbāni, pariyesitvā alabhantassa laddhakappiyaṃ hoti. Apica kapāle aggipi jāletabbo.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi
༨༤. པཀྑགཎནཱདིཨུགྒཧཎཱནུཛཱནནཱ • 84. Pakkhagaṇanādiuggahaṇānujānanā
༨༥. པུབྦཀརཎཱནུཛཱནནཱ • 85. Pubbakaraṇānujānanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཀྑགཎནཱདིཨུགྒཧཎཱནུཛཱནནཀཐཱཝཎྞནཱ • Pakkhagaṇanādiuggahaṇānujānanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཀྑགཎནཱདིཨུགྒཧཎཱནུཛཱནནཀཐཱདིཝཎྞནཱ • Pakkhagaṇanādiuggahaṇānujānanakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨༤. པཀྑགཎནཱདིཨུགྒཧཎཱནུཛཱནནཀཐཱ • 84. Pakkhagaṇanādiuggahaṇānujānanakathā
