| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༨༤. པཀྑགཎནཱདིཨུགྒཧཎཱནུཛཱནནཀཐཱ
84. Pakkhagaṇanādiuggahaṇānujānanakathā
༡༥༦. ཀཏིནཾ པཱུརཎཱིཏི ཀཏིནཾ ཏིཐཱིནཾ པཱུརཎཱི། ཀོ དིཝསོཏི ཀིཏྟཀོ དིཝསོ། ཨཡྻཱཡཏྟནྟི ཨཡྻེཧི བྷིཀྑཱུཧི ཨཱཡཏྟཾ ཨཱབདྡྷཾ། སཾཧརིཏྭཱཏི པུན སལཱཀཾ སཾཧརིཏྭཱ། ཨཡཾ པཱཋོ ཀེསུཙི ཨཊྛཀཐཱཔོཏྠཀེསུ ནཏྠི། ཀཱལཝཏོཏི ཨེཏྠ ཝནྟུཔཙྩཡོ སྭཏྠོཏི ཨཱཧ ‘‘ཀཱལསྶེཝཱ’’ཏི། ཨེཝསདྡོ པན སམྦྷཝཏོ ཡུཛྫིཡཏི། པགེཝཱཏི པཱཏོཝ།
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
༡༥༨. སཱཡམྤཱིཏི སཱཡནྷེཔི། པིསདྡེན ཨཉྙམྤི སརཎཀཱལཾ སམྤིཎྜེཏི།
158.Sāyampīti sāyanhepi. Pisaddena aññampi saraṇakālaṃ sampiṇḍeti.
༡༥༩. ཨཱཎཱཔེཏུནྟི ཨེཏྠ ཨནཱཎཱཔེཏབྦབྷིཀྑཱུ ཨཔནེཏྭཱ ཨཱཎཱཔེཏབྦབྷིཀྑཱུ དསྶེཏུཾ ཝུཏྟཾ ‘‘ཀིཉྩི ཀམྨ’’ནྟིཨཱདི། སདཱཀཱལམེཝ ཀིཉྩི ཀམྨཾ ཀརོནྟོཏི ཡོཛནཱ། དྷམྨཀཐིཀཱདཱིསཱུཏིཨཱདིསདྡེན གཎཝཱཙཀཱདཡོ སངྒཎྷཱཏི། ཝཱརེནཱཏི པརིཡཱཡེན། སམྨུཉྩནིནྟི ཡཊྛིསམྨུཉྩནིཾ ཝཱ མུཊྛིསམྨུཉྩནིཾ ཝཱ། སམཾ, སུཊྛུ ཝཱ མུཉྩཏི སོདྷེཏི ཨིམཱཡཱཏི སམྨུཉྩནཱི, ཏཱལུཛོ པཋམོ། ཏམྤཱིཏི སཱཁཱབྷངྒམྤི།
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
༡༦༠. ཝུཏྟནཡེནེཝཱཏི སམྨཛྫནེ ཝུཏྟནཡེནེཝ། པུན ཨཱཧརིཏབྦཱནཱིཏི སངྒྷིཀཱཝཱསཾ ཨཱསནཱནི པུན ཨཱཧརིཏབྦཱནི། ཏཊྚིཀཱཡོཔཱིཏི ཝེཎུཨཱདིམཡཱ ཏཊྚིཀཱཡོཔི།
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
༡༦༡. ཀཔལླིཀཱ ཝཱཏི ཀཔཱལེསུ པརིཡཱཔནྣཱ པདཱིཔཀཔཱལཱ ཝཱ། ཏནྟི ཏེལཱདིཾ། པརིཡེསིཏབྦཱནཱིཏི ཨནཝཛྫཔརིཡེསནེན པརིཡེསིཏབྦཱནི།
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi
༨༤. པཀྑགཎནཱདིཨུགྒཧཎཱནུཛཱནནཱ • 84. Pakkhagaṇanādiuggahaṇānujānanā
༨༥. པུབྦཀརཎཱནུཛཱནནཱ • 85. Pubbakaraṇānujānanā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / པཀྑགཎནཱདིཨུགྒཧཎཱནུཛཱནནཀཐཱ • Pakkhagaṇanādiuggahaṇānujānanakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཀྑགཎནཱདིཨུགྒཧཎཱནུཛཱནནཀཐཱཝཎྞནཱ • Pakkhagaṇanādiuggahaṇānujānanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཀྑགཎནཱདིཨུགྒཧཎཱནུཛཱནནཀཐཱདིཝཎྞནཱ • Pakkhagaṇanādiuggahaṇānujānanakathādivaṇṇanā
