| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾ
Pakkhagaṇanādiuggahaṇānujānanakathā
੧੫੬. ਕਤਿਮੀ ਭਨ੍ਤੇਤਿ ਏਤ੍ਥ ਕਤੀਨਂ ਪੂਰਣੀਤਿ ਕਤਿਮੀ। ਕਾਲવਤੋਤਿ ਕਾਲਸ੍ਸੇવ; ਪਗੇવਾਤਿ ਅਤ੍ਥੋ।
156.Katimī bhanteti ettha katīnaṃ pūraṇīti katimī. Kālavatoti kālasseva; pagevāti attho.
੧੫੮. ਯਂ ਕਾਲਂ ਸਰਤੀਤਿ ਏਤ੍ਥ ਸਾਯਮ੍ਪਿ ‘‘ਅਜ੍ਜੁਪੋਸਥੋ ਸਮਨ੍ਨਾਹਰਥਾ’’ਤਿ ਆਰੋਚੇਤੁਂ વਟ੍ਟਤਿ।
158.Yaṃ kālaṃ saratīti ettha sāyampi ‘‘ajjuposatho samannāharathā’’ti ārocetuṃ vaṭṭati.
੧੫੯. ਥੇਰੇਨ ਭਿਕ੍ਖੁਨਾ ਨવਂ ਭਿਕ੍ਖੁਂ ਆਣਾਪੇਤੁਨ੍ਤਿ ਏਤ੍ਥਾਪਿ ਕਿਞ੍ਚਿ ਕਮ੍ਮਂ ਕਰੋਨ੍ਤੋ વਾ ਸਦਾਕਾਲਮੇવ ਏਕੋ વਾ ਭਾਰਨਿਤ੍ਥਰਣਕੋ વਾ ਸਰਭਾਣਕਧਮ੍ਮਕਥਿਕਾਦੀਸੁ ਅਞ੍ਞਤਰੋ વਾ ਨ ਉਪੋਸਥਾਗਾਰਸਮ੍ਮਜ੍ਜਨਤ੍ਥਂ ਆਣਾਪੇਤਬ੍ਬੋ, ਅવਸੇਸਾ ਪਨ વਾਰੇਨ ਆਣਾਪੇਤਬ੍ਬਾ। ਸਚੇ ਆਣਤ੍ਤੋ ਸਮ੍ਮੁਞ੍ਜਨਿਂ ਤਾવਕਾਲਿਕਮ੍ਪਿ ਨ ਲਭਤਿ, ਸਾਖਾਭਙ੍ਗਂ ਕਪ੍ਪਿਯਂ ਕਾਰੇਤ੍વਾ ਸਮ੍ਮਜ੍ਜਿਤਬ੍ਬਂ, ਤਮ੍ਪਿ ਅਲਭਨ੍ਤਸ੍ਸ ਲਦ੍ਧਕਪ੍ਪਿਯਂ ਹੋਤਿ।
159.Therena bhikkhunā navaṃ bhikkhuṃ āṇāpetunti etthāpi kiñci kammaṃ karonto vā sadākālameva eko vā bhāranittharaṇako vā sarabhāṇakadhammakathikādīsu aññataro vā na uposathāgārasammajjanatthaṃ āṇāpetabbo, avasesā pana vārena āṇāpetabbā. Sace āṇatto sammuñjaniṃ tāvakālikampi na labhati, sākhābhaṅgaṃ kappiyaṃ kāretvā sammajjitabbaṃ, tampi alabhantassa laddhakappiyaṃ hoti.
੧੬੦. ਆਸਨਪਞ੍ਞਾਪਨਾਣਤ੍ਤਿਯਮ੍ਪਿ વੁਤ੍ਤਨਯੇਨੇવ ਆਣਾਪੇਤਬ੍ਬੋ। ਆਣਤ੍ਤੇਨ ਚ ਸਚੇ ਉਪੋਸਥਾਗਾਰੇ ਆਸਨਾਨਿ ਨਤ੍ਥਿ, ਸਙ੍ਘਿਕਾવਾਸਤੋਪਿ ਆਹਰਿਤ੍વਾ ਪਞ੍ਞਪੇਤ੍વਾ ਪੁਨ ਆਹਰਿਤਬ੍ਬਾਨਿ। ਆਸਨੇਸੁ ਅਸਤਿ ਕਟਸਾਰਕੇਪਿ ਤਟ੍ਟਿਕਾਯੋਪਿ ਪਞ੍ਞਪੇਤੁਂ વਟ੍ਟਤਿ, ਤਟ੍ਟਿਕਾਸੁਪਿ ਅਸਤਿ ਸਾਖਾਭਙ੍ਗਾਨਿ ਕਪ੍ਪਿਯਂ ਕਾਰੇਤ੍વਾ ਪਞ੍ਞਪੇਤਬ੍ਬਾਨਿ, ਕਪ੍ਪਿਯਕਾਰਕਂ ਅਲਭਨ੍ਤਸ੍ਸ ਲਦ੍ਧਕਪ੍ਪਿਯਂ ਹੋਤਿ।
160. Āsanapaññāpanāṇattiyampi vuttanayeneva āṇāpetabbo. Āṇattena ca sace uposathāgāre āsanāni natthi, saṅghikāvāsatopi āharitvā paññapetvā puna āharitabbāni. Āsanesu asati kaṭasārakepi taṭṭikāyopi paññapetuṃ vaṭṭati, taṭṭikāsupi asati sākhābhaṅgāni kappiyaṃ kāretvā paññapetabbāni, kappiyakārakaṃ alabhantassa laddhakappiyaṃ hoti.
੧੬੧. ਪਦੀਪਕਰਣੇਪਿ વੁਤ੍ਤਨਯੇਨੇવ ਆਣਾਪੇਤਬ੍ਬੋ। ਆਣਾਪੇਨ੍ਤੇਨ ਚ ‘‘ਅਮੁਕਸ੍ਮਿਂ ਨਾਮ ਓਕਾਸੇ ਤੇਲਂ વਾ વਟ੍ਟਿ વਾ ਕਪਲ੍ਲਿਕਾ વਾ ਅਤ੍ਥਿ, ਤਂ ਗਹੇਤ੍વਾ ਕਰੋਹੀ’’ਤਿ વਤ੍ਤਬ੍ਬੋ। ਸਚੇ ਤੇਲਾਦੀਨਿ ਨਤ੍ਥਿ, ਪਰਿਯੇਸਿਤਬ੍ਬਾਨਿ, ਪਰਿਯੇਸਿਤ੍વਾ ਅਲਭਨ੍ਤਸ੍ਸ ਲਦ੍ਧਕਪ੍ਪਿਯਂ ਹੋਤਿ। ਅਪਿਚ ਕਪਾਲੇ ਅਗ੍ਗਿਪਿ ਜਾਲੇਤਬ੍ਬੋ।
161. Padīpakaraṇepi vuttanayeneva āṇāpetabbo. Āṇāpentena ca ‘‘amukasmiṃ nāma okāse telaṃ vā vaṭṭi vā kapallikā vā atthi, taṃ gahetvā karohī’’ti vattabbo. Sace telādīni natthi, pariyesitabbāni, pariyesitvā alabhantassa laddhakappiyaṃ hoti. Apica kapāle aggipi jāletabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੮੪. ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਾ • 84. Pakkhagaṇanādiuggahaṇānujānanā
੮੫. ਪੁਬ੍ਬਕਰਣਾਨੁਜਾਨਨਾ • 85. Pubbakaraṇānujānanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾવਣ੍ਣਨਾ • Pakkhagaṇanādiuggahaṇānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾਦਿવਣ੍ਣਨਾ • Pakkhagaṇanādiuggahaṇānujānanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮੪. ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾ • 84. Pakkhagaṇanādiuggahaṇānujānanakathā
