| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮੪. ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾ
84. Pakkhagaṇanādiuggahaṇānujānanakathā
੧੫੬. ਕਤਿਨਂ ਪੂਰਣੀਤਿ ਕਤਿਨਂ ਤਿਥੀਨਂ ਪੂਰਣੀ। ਕੋ ਦਿવਸੋਤਿ ਕਿਤ੍ਤਕੋ ਦਿવਸੋ। ਅਯ੍ਯਾਯਤ੍ਤਨ੍ਤਿ ਅਯ੍ਯੇਹਿ ਭਿਕ੍ਖੂਹਿ ਆਯਤ੍ਤਂ ਆਬਦ੍ਧਂ। ਸਂਹਰਿਤ੍વਾਤਿ ਪੁਨ ਸਲਾਕਂ ਸਂਹਰਿਤ੍વਾ। ਅਯਂ ਪਾਠੋ ਕੇਸੁਚਿ ਅਟ੍ਠਕਥਾਪੋਤ੍ਥਕੇਸੁ ਨਤ੍ਥਿ। ਕਾਲવਤੋਤਿ ਏਤ੍ਥ વਨ੍ਤੁਪਚ੍ਚਯੋ ਸ੍વਤ੍ਥੋਤਿ ਆਹ ‘‘ਕਾਲਸ੍ਸੇવਾ’’ਤਿ। ਏવਸਦ੍ਦੋ ਪਨ ਸਮ੍ਭવਤੋ ਯੁਜ੍ਜਿਯਤਿ। ਪਗੇવਾਤਿ ਪਾਤੋવ।
156.Katinaṃpūraṇīti katinaṃ tithīnaṃ pūraṇī. Ko divasoti kittako divaso. Ayyāyattanti ayyehi bhikkhūhi āyattaṃ ābaddhaṃ. Saṃharitvāti puna salākaṃ saṃharitvā. Ayaṃ pāṭho kesuci aṭṭhakathāpotthakesu natthi. Kālavatoti ettha vantupaccayo svatthoti āha ‘‘kālassevā’’ti. Evasaddo pana sambhavato yujjiyati. Pagevāti pātova.
੧੫੮. ਸਾਯਮ੍ਪੀਤਿ ਸਾਯਨ੍ਹੇਪਿ। ਪਿਸਦ੍ਦੇਨ ਅਞ੍ਞਮ੍ਪਿ ਸਰਣਕਾਲਂ ਸਮ੍ਪਿਣ੍ਡੇਤਿ।
158.Sāyampīti sāyanhepi. Pisaddena aññampi saraṇakālaṃ sampiṇḍeti.
੧੫੯. ਆਣਾਪੇਤੁਨ੍ਤਿ ਏਤ੍ਥ ਅਨਾਣਾਪੇਤਬ੍ਬਭਿਕ੍ਖੂ ਅਪਨੇਤ੍વਾ ਆਣਾਪੇਤਬ੍ਬਭਿਕ੍ਖੂ ਦਸ੍ਸੇਤੁਂ વੁਤ੍ਤਂ ‘‘ਕਿਞ੍ਚਿ ਕਮ੍ਮ’’ਨ੍ਤਿਆਦਿ। ਸਦਾਕਾਲਮੇવ ਕਿਞ੍ਚਿ ਕਮ੍ਮਂ ਕਰੋਨ੍ਤੋਤਿ ਯੋਜਨਾ। ਧਮ੍ਮਕਥਿਕਾਦੀਸੂਤਿਆਦਿਸਦ੍ਦੇਨ ਗਣવਾਚਕਾਦਯੋ ਸਙ੍ਗਣ੍ਹਾਤਿ। વਾਰੇਨਾਤਿ ਪਰਿਯਾਯੇਨ। ਸਮ੍ਮੁਞ੍ਚਨਿਨ੍ਤਿ ਯਟ੍ਠਿਸਮ੍ਮੁਞ੍ਚਨਿਂ વਾ ਮੁਟ੍ਠਿਸਮ੍ਮੁਞ੍ਚਨਿਂ વਾ। ਸਮਂ, ਸੁਟ੍ਠੁ વਾ ਮੁਞ੍ਚਤਿ ਸੋਧੇਤਿ ਇਮਾਯਾਤਿ ਸਮ੍ਮੁਞ੍ਚਨੀ, ਤਾਲੁਜੋ ਪਠਮੋ। ਤਮ੍ਪੀਤਿ ਸਾਖਾਭਙ੍ਗਮ੍ਪਿ।
159.Āṇāpetunti ettha anāṇāpetabbabhikkhū apanetvā āṇāpetabbabhikkhū dassetuṃ vuttaṃ ‘‘kiñci kamma’’ntiādi. Sadākālameva kiñci kammaṃ karontoti yojanā. Dhammakathikādīsūtiādisaddena gaṇavācakādayo saṅgaṇhāti. Vārenāti pariyāyena. Sammuñcaninti yaṭṭhisammuñcaniṃ vā muṭṭhisammuñcaniṃ vā. Samaṃ, suṭṭhu vā muñcati sodheti imāyāti sammuñcanī, tālujo paṭhamo. Tampīti sākhābhaṅgampi.
੧੬੦. વੁਤ੍ਤਨਯੇਨੇવਾਤਿ ਸਮ੍ਮਜ੍ਜਨੇ વੁਤ੍ਤਨਯੇਨੇવ। ਪੁਨ ਆਹਰਿਤਬ੍ਬਾਨੀਤਿ ਸਙ੍ਘਿਕਾવਾਸਂ ਆਸਨਾਨਿ ਪੁਨ ਆਹਰਿਤਬ੍ਬਾਨਿ। ਤਟ੍ਟਿਕਾਯੋਪੀਤਿ વੇਣੁਆਦਿਮਯਾ ਤਟ੍ਟਿਕਾਯੋਪਿ।
160.Vuttanayenevāti sammajjane vuttanayeneva. Puna āharitabbānīti saṅghikāvāsaṃ āsanāni puna āharitabbāni. Taṭṭikāyopīti veṇuādimayā taṭṭikāyopi.
੧੬੧. ਕਪਲ੍ਲਿਕਾ વਾਤਿ ਕਪਾਲੇਸੁ ਪਰਿਯਾਪਨ੍ਨਾ ਪਦੀਪਕਪਾਲਾ વਾ। ਤਨ੍ਤਿ ਤੇਲਾਦਿਂ। ਪਰਿਯੇਸਿਤਬ੍ਬਾਨੀਤਿ ਅਨવਜ੍ਜਪਰਿਯੇਸਨੇਨ ਪਰਿਯੇਸਿਤਬ੍ਬਾਨਿ।
161.Kapallikā vāti kapālesu pariyāpannā padīpakapālā vā. Tanti telādiṃ. Pariyesitabbānīti anavajjapariyesanena pariyesitabbāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੮੪. ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਾ • 84. Pakkhagaṇanādiuggahaṇānujānanā
੮੫. ਪੁਬ੍ਬਕਰਣਾਨੁਜਾਨਨਾ • 85. Pubbakaraṇānujānanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾ • Pakkhagaṇanādiuggahaṇānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾવਣ੍ਣਨਾ • Pakkhagaṇanādiuggahaṇānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਕ੍ਖਗਣਨਾਦਿਉਗ੍ਗਹਣਾਨੁਜਾਨਨਕਥਾਦਿવਣ੍ਣਨਾ • Pakkhagaṇanādiuggahaṇānujānanakathādivaṇṇanā
