| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
багкаббадижчаннабариваасо
Pakkhappaṭicchannaparivāso
121. д̇зна ко бана самаязна ааяасмаа уд̣̇ааяий згам̣ аабад̇д̇им̣ аабанно ход̇и сан̃жзд̇анигам̣ суггависсадтим̣ багкаббадижчаннам̣. со бхигкуунам̣ аарожзси – ‘‘ахам̣, аавусо, згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадтим̣ багкаббадижчаннам̣. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ‘‘д̇зна хи, бхигкавз, сан̇гхо уд̣̇ааяисса бхигкуно згиссаа аабад̇д̇ияаа сан̃жзд̇анигааяа суггависсадтияаа багкаббадижчаннааяа багкабариваасам̣ д̣̇зд̇у. зван̃жа бана, бхигкавз, д̣̇аад̇аб̣б̣о –
121. Tena kho pana samayena āyasmā udāyī ekaṃ āpattiṃ āpanno hoti sañcetanikaṃ sukkavissaṭṭhiṃ pakkhappaṭicchannaṃ. So bhikkhūnaṃ ārocesi – ‘‘ahaṃ, āvuso, ekaṃ āpattiṃ āpajjiṃ sañcetanikaṃ sukkavissaṭṭhiṃ pakkhappaṭicchannaṃ. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. ‘‘Tena hi, bhikkhave, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṃ detu. Evañca pana, bhikkhave, dātabbo –
‘‘д̇зна, бхигкавз, уд̣̇ааяинаа бхигкунаа сан̇гхам̣ убасан̇гамид̇ваа…бз… звамасса важанийяо – ‘ахам̣, бханд̇з, згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадтим̣ багкаббадижчаннам̣. сохам̣, бханд̇з, сан̇гхам̣ згиссаа аабад̇д̇ияаа сан̃жзд̇анигааяа суггависсадтияаа багкаббадижчаннааяа багкабариваасам̣ яаажаамий’д̇и. д̣̇уд̇ияамби яаажид̇аб̣б̣о. д̇ад̇ияамби яаажид̇аб̣б̣о. б̣яад̇д̇зна бхигкуно бадиб̣алзна сан̇гхо н̃аабзд̇аб̣б̣о –
‘‘Tena, bhikkhave, udāyinā bhikkhunā saṅghaṃ upasaṅkamitvā…pe… evamassa vacanīyo – ‘ahaṃ, bhante, ekaṃ āpattiṃ āpajjiṃ sañcetanikaṃ sukkavissaṭṭhiṃ pakkhappaṭicchannaṃ. Sohaṃ, bhante, saṅghaṃ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṃ yācāmī’ti. Dutiyampi yācitabbo. Tatiyampi yācitabbo. Byattena bhikkhuno paṭibalena saṅgho ñāpetabbo –
122. ‘‘сун̣аад̇у мз, бханд̇з, сан̇гхо. аяам̣ уд̣̇ааяий бхигку згам̣ аабад̇д̇им̣ аабаж̇ж̇и сан̃жзд̇анигам̣ суггависсадтим̣ багкаббадижчаннам̣. со сан̇гхам̣ згиссаа аабад̇д̇ияаа сан̃жзд̇анигааяа суггависсадтияаа багкаббадижчаннааяа багкабариваасам̣ яаажад̇и. яад̣̇и сан̇гхасса бад̇д̇агаллам̣, сан̇гхо уд̣̇ааяисса бхигкуно згиссаа аабад̇д̇ияаа сан̃жзд̇анигааяа суггависсадтияаа багкаббадижчаннааяа багкабариваасам̣ д̣̇ад̣̇зяяа. зсаа н̃ад̇д̇и.
122. ‘‘Suṇātu me, bhante, saṅgho. Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ pakkhappaṭicchannaṃ. So saṅghaṃ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṃ yācati. Yadi saṅghassa pattakallaṃ, saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. аяам̣ уд̣̇ааяий бхигку згам̣ аабад̇д̇им̣ аабаж̇ж̇и сан̃жзд̇анигам̣ суггависсадтим̣ багкаббадижчаннам̣. со сан̇гхам̣ згиссаа аабад̇д̇ияаа сан̃жзд̇анигааяа суггависсадтияаа багкаббадижчаннааяа багкабариваасам̣ яаажад̇и. сан̇гхо уд̣̇ааяисса бхигкуно згиссаа аабад̇д̇ияаа сан̃жзд̇анигааяа суггависсадтияаа багкаббадижчаннааяа багкабариваасам̣ д̣̇зд̇и. яассааяасмад̇о камад̇и уд̣̇ааяисса бхигкуно згиссаа аабад̇д̇ияаа сан̃жзд̇анигааяа суггависсадтияаа багкаббадижчаннааяа багкабариваасасса д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ pakkhappaṭicchannaṃ. So saṅghaṃ ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṃ yācati. Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsaṃ deti. Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāsassa dānaṃ, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘д̣̇инно сан̇гхзна уд̣̇ааяисса бхигкуно згиссаа аабад̇д̇ияаа сан̃жзд̇анигааяа суггависсадтияаа багкаббадижчаннааяа багкабариваасо. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinno saṅghena udāyissa bhikkhuno ekissā āpattiyā sañcetanikāya sukkavissaṭṭhiyā pakkhappaṭicchannāya pakkhaparivāso. Khamati saṅghassa, tasmā tuṇhī, evametaṃ dhārayāmī’’ti.
