| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
багкигабхад̇д̇аад̣̇игат̇аа
Pakkhikabhattādikathā
багкигаад̣̇ийсу бана яам̣ абхилагкид̇зсу жаад̇уд̣̇д̣̇асий бан̃жад̣̇асий бан̃жамий адтамийд̇и имзсу багкзсу гаммаббасуд̇зхи убосат̇ам̣ гаад̇ум̣ сад̇игаран̣ад̇т̇ааяа д̣̇ияяад̇и, д̇ам̣ багкигам̣ наама. д̇ам̣ салаагабхад̇д̇аг̇ад̇игамзва ход̇и, г̇аахзд̇ваа бхун̃ж̇ид̇аб̣б̣ам̣. сажз салаагабхад̇д̇амби багкигабхад̇д̇амби б̣аху саб̣б̣зсам̣ винивиж̇жхид̇ваа г̇ажчад̇и, д̣̇взби бхад̇д̇аани висум̣ висум̣ г̇аахзд̇аб̣б̣аани. сажз бхигкусан̇гхо махаа, багкигам̣ г̇аахзд̇ваа д̇асса тид̇игааяа салаагабхад̇д̇ам̣ г̇аахзд̇аб̣б̣ам̣ , салаагабхад̇д̇ам̣ ваа г̇аахаабзд̇ваа д̇асса тид̇игааяа багкигам̣ г̇аахзд̇аб̣б̣ам̣. язсам̣ на баабун̣аад̇и, д̇з бин̣д̣ааяа жариссанд̇и. сажз д̣̇взби бхад̇д̇аани б̣ахууни, бхигкуу манд̣̇аа; салаагабхад̇д̇ам̣ наама д̣̇звасигам̣ лаб̣бхад̇и, д̇асмаа д̇ам̣ табзд̇ваа ‘‘багкигам̣ аавусо бхун̃ж̇ат̇аа’’д̇и багкигамзва г̇аахзд̇аб̣б̣ам̣. багкигам̣ бан̣ийд̇ам̣ д̣̇знд̇и, висум̣ тид̇игаа гаад̇аб̣б̣аа. ‘‘свз багко’’д̇и аж̇ж̇а багкигам̣ на г̇аахзд̇аб̣б̣ам̣. сажз бана д̣̇ааяагаа вад̣̇анд̇и ‘‘свз амхаагам̣ гхарз луукабхад̇д̇ам̣ бхависсад̇и, аж̇ж̇зва багкигабхад̇д̇ам̣ уд̣̇д̣̇исат̇аа’’д̇и, звам̣ ваддад̇и.
Pakkhikādīsu pana yaṃ abhilakkhitesu cātuddasī pañcadasī pañcamī aṭṭhamīti imesu pakkhesu kammappasutehi uposathaṃ kātuṃ satikaraṇatthāya diyyati, taṃ pakkhikaṃ nāma. Taṃ salākabhattagatikameva hoti, gāhetvā bhuñjitabbaṃ. Sace salākabhattampi pakkhikabhattampi bahu sabbesaṃ vinivijjhitvā gacchati, dvepi bhattāni visuṃ visuṃ gāhetabbāni. Sace bhikkhusaṅgho mahā, pakkhikaṃ gāhetvā tassa ṭhitikāya salākabhattaṃ gāhetabbaṃ , salākabhattaṃ vā gāhāpetvā tassa ṭhitikāya pakkhikaṃ gāhetabbaṃ. Yesaṃ na pāpuṇāti, te piṇḍāya carissanti. Sace dvepi bhattāni bahūni, bhikkhū mandā; salākabhattaṃ nāma devasikaṃ labbhati, tasmā taṃ ṭhapetvā ‘‘pakkhikaṃ āvuso bhuñjathā’’ti pakkhikameva gāhetabbaṃ. Pakkhikaṃ paṇītaṃ denti, visuṃ ṭhitikā kātabbā. ‘‘Sve pakkho’’ti ajja pakkhikaṃ na gāhetabbaṃ. Sace pana dāyakā vadanti ‘‘sve amhākaṃ ghare lūkhabhattaṃ bhavissati, ajjeva pakkhikabhattaṃ uddisathā’’ti, evaṃ vaṭṭati.
убосат̇игам̣ наама анвад̣дхамаасз убосат̇ан̇г̇аани самаад̣̇ияид̇ваа яам̣ ад̇д̇анаа бхун̃ж̇ад̇и, д̇ад̣̇зва д̣̇ияяад̇и. баадибад̣̇игам̣ наама ‘‘убосат̇з б̣ахуу сад̣̇д̇хаа басаннаа бхигкуунам̣ саггаарам̣ гаронд̇и, баадибад̣̇з бана бхигкуу гиламанд̇и, баадибад̣̇з д̣̇иннам̣ д̣̇уб̣бхигкад̣̇аанасад̣̇исам̣ махабпалам̣ ход̇и, убосат̇агаммзна ваа барисуд̣̇д̇хасийлаанам̣ д̣̇уд̇ияад̣̇ивасз д̣̇иннам̣ махабпалам̣ ход̇ий’’д̇и саллагкзд̇ваа баадибад̣̇з д̣̇ияяанагад̣̇аанам̣, д̇амби убхаяам̣ салаагабхад̇д̇аг̇ад̇игамзва. ид̇и имаани сад̇д̇аби бхад̇д̇аани бин̣д̣абаад̇игаанам̣ на вадданд̇и, д̇худ̇ан̇г̇абхзд̣̇ам̣ гаронд̇иязва.
Uposathikaṃ nāma anvaḍḍhamāse uposathaṅgāni samādiyitvā yaṃ attanā bhuñjati, tadeva diyyati. Pāṭipadikaṃ nāma ‘‘uposathe bahū saddhā pasannā bhikkhūnaṃ sakkāraṃ karonti, pāṭipade pana bhikkhū kilamanti, pāṭipade dinnaṃ dubbhikkhadānasadisaṃ mahapphalaṃ hoti, uposathakammena vā parisuddhasīlānaṃ dutiyadivase dinnaṃ mahapphalaṃ hotī’’ti sallakkhetvā pāṭipade diyyanakadānaṃ, tampi ubhayaṃ salākabhattagatikameva. Iti imāni sattapi bhattāni piṇḍapātikānaṃ na vaṭṭanti, dhutaṅgabhedaṃ karontiyeva.
абарааниби жийварагканд̇хагз висаакааяа варам̣ яаажид̇ваа д̣̇иннаани ааг̇анд̇угабхад̇д̇ам̣ г̇амияабхад̇д̇ам̣ г̇илаанабхад̇д̇ам̣ г̇илаанубадтаагабхад̇д̇анд̇и жад̇д̇аари бхад̇д̇аани баал̣ияам̣ ааг̇ад̇аанзва, д̇ад̇т̇а ааг̇анд̇угаанам̣ д̣̇иннам̣ бхад̇д̇ам̣ ‘‘ааг̇анд̇угабхад̇д̇ам̣’’. зса наяо сзсзсу. сажз банзд̇т̇а ааг̇анд̇угабхад̇д̇ааниби ааг̇анд̇угааби б̣ахуу хонд̇и, саб̣б̣зсам̣ згзгам̣ г̇аахзд̇аб̣б̣ам̣, бхад̇д̇зсу аббахонд̇зсу тид̇игааяа г̇аахзд̇аб̣б̣ам̣. зго ааг̇анд̇уго батамамзва ааг̇анд̇ваа саб̣б̣ам̣ ааг̇анд̇угабхад̇д̇ам̣ ад̇д̇ано г̇аахзд̇ваа нисийд̣̇ад̇и, саб̣б̣ам̣ д̇ассзва ход̇и, бажчаа ааг̇ад̇зхи ааг̇анд̇угзхи д̇зна д̣̇иннаани барибхун̃ж̇ид̇аб̣б̣аани. д̇знаби згам̣ ад̇д̇ано г̇ахзд̇ваа сзсаани д̣̇аад̇аб̣б̣аани. аяам̣ ул̣ааро.
Aparānipi cīvarakkhandhake visākhāya varaṃ yācitvā dinnāni āgantukabhattaṃ gamiyabhattaṃ gilānabhattaṃ gilānupaṭṭhākabhattanti cattāri bhattāni pāḷiyaṃ āgatāneva, tattha āgantukānaṃ dinnaṃ bhattaṃ ‘‘āgantukabhattaṃ’’. Esa nayo sesesu. Sace panettha āgantukabhattānipi āgantukāpi bahū honti, sabbesaṃ ekekaṃ gāhetabbaṃ, bhattesu appahontesu ṭhitikāya gāhetabbaṃ. Eko āgantuko paṭhamameva āgantvā sabbaṃ āgantukabhattaṃ attano gāhetvā nisīdati, sabbaṃ tasseva hoti, pacchā āgatehi āgantukehi tena dinnāni paribhuñjitabbāni. Tenapi ekaṃ attano gahetvā sesāni dātabbāni. Ayaṃ uḷāro.
сажз бана яо батамам̣ ааг̇анд̇вааби ад̇д̇ано аг̇г̇ахзд̇ваа д̇ун̣хийбхууд̇о нисийд̣̇ад̇и, бажчаа ааг̇ад̇зхи сад̣̇д̇хим̣ бадибаадияаа г̇ан̣хид̇аб̣б̣ам̣. сажз нижжам̣ ааг̇анд̇угаа ааг̇ажчанд̇и, ааг̇ад̇ад̣̇ивасзязва бхун̃ж̇ид̇аб̣б̣ам̣, анд̇аранд̇араа жз ааг̇ажчанд̇и, д̣̇вз д̇ийн̣и д̣̇ивасаани бхун̃ж̇ид̇аб̣б̣ам̣. махаабажжарияам̣ бана ‘‘сад̇д̇а д̣̇ивасаани бхун̃ж̇ид̇ум̣ ваддад̇ий’’д̇и вуд̇д̇ам̣.
Sace pana yo paṭhamaṃ āgantvāpi attano aggahetvā tuṇhībhūto nisīdati, pacchā āgatehi saddhiṃ paṭipāṭiyā gaṇhitabbaṃ. Sace niccaṃ āgantukā āgacchanti, āgatadivaseyeva bhuñjitabbaṃ, antarantarā ce āgacchanti, dve tīṇi divasāni bhuñjitabbaṃ. Mahāpaccariyaṃ pana ‘‘satta divasāni bhuñjituṃ vaṭṭatī’’ti vuttaṃ.
ааваасиго гад̇т̇ажи г̇анд̇ваа ааг̇ад̇о, д̇знааби ааг̇анд̇угабхад̇д̇ам̣ барибхун̃ж̇ид̇аб̣б̣ам̣. сажз бана д̇ам̣ вихаарз ниб̣анд̇хаабид̇ам̣ ход̇и, вихаарз г̇аахзд̇аб̣б̣ам̣. ат̇а вихааро д̣̇уурз ход̇и, аасанасаалааяа ниб̣анд̇хаабид̇ам̣ аасанасаалааяа г̇аахзд̇аб̣б̣ам̣. сажз бана д̣̇ааяагаа ‘‘ааг̇анд̇угзсу асад̇и ааваасигааби барибхун̃ж̇анд̇уу’’д̇и вад̣̇анд̇и, ваддад̇и.
Āvāsiko katthaci gantvā āgato, tenāpi āgantukabhattaṃ paribhuñjitabbaṃ. Sace pana taṃ vihāre nibandhāpitaṃ hoti, vihāre gāhetabbaṃ. Atha vihāro dūre hoti, āsanasālāya nibandhāpitaṃ āsanasālāya gāhetabbaṃ. Sace pana dāyakā ‘‘āgantukesu asati āvāsikāpi paribhuñjantū’’ti vadanti, vaṭṭati.
г̇амияабхад̇д̇зби аяамзва гат̇аамаг̇г̇о. аяам̣ бана висзсо – ааг̇анд̇уго ааг̇анд̇угабхад̇д̇амзва лабхад̇и, г̇амиго ааг̇анд̇угабхад̇д̇амби г̇амияабхад̇д̇амби. ааваасигоби баггамид̇угаамо г̇амиго ход̇и; г̇амияабхад̇д̇ам̣ лабхад̇и. яат̇аа бана ааг̇анд̇угабхад̇д̇ам̣; звамид̣̇ам̣ д̣̇вз ваа д̇ийн̣и ваа сад̇д̇а ваа д̣̇ивасаани на лаб̣бхад̇и. ‘‘г̇амиссаамий’’д̇и бхуд̇д̇о д̇ам̣д̣̇ивасам̣ гзнажид̣̇зва гааран̣зна на г̇ад̇о, бунад̣̇ивасзби бхун̃ж̇ид̇ум̣ ваддад̇и, сауссаахад̇д̇аа. ‘‘г̇амиссаамий’’д̇и бхуд̇д̇асса жораа ваа бант̇ам̣ рунд̇ханд̇и уд̣̇агам̣ ваа, д̣̇зво ваа вассад̇и, сад̇т̇о ваа на г̇ажчад̇и, сауссаахзна бхун̃ж̇ид̇аб̣б̣ам̣. зд̇з убад̣̇д̣̇авз ологзнд̇зна ‘‘д̣̇вз д̇аяо д̣̇ивасз бхун̃ж̇ид̇ум̣ ваддад̇ий’’д̇и махаабажжарияам̣ вуд̇д̇ам̣. ‘‘г̇амиссаамий’’д̇и бана лзсам̣ од̣д̣зд̇ваа бхун̃ж̇ид̇ум̣ на лабхад̇и.
Gamiyabhattepi ayameva kathāmaggo. Ayaṃ pana viseso – āgantuko āgantukabhattameva labhati, gamiko āgantukabhattampi gamiyabhattampi. Āvāsikopi pakkamitukāmo gamiko hoti; gamiyabhattaṃ labhati. Yathā pana āgantukabhattaṃ; evamidaṃ dve vā tīṇi vā satta vā divasāni na labbhati. ‘‘Gamissāmī’’ti bhutto taṃdivasaṃ kenacideva kāraṇena na gato, punadivasepi bhuñjituṃ vaṭṭati, saussāhattā. ‘‘Gamissāmī’’ti bhuttassa corā vā panthaṃ rundhanti udakaṃ vā, devo vā vassati, sattho vā na gacchati, saussāhena bhuñjitabbaṃ. Ete upaddave olokentena ‘‘dve tayo divase bhuñjituṃ vaṭṭatī’’ti mahāpaccariyaṃ vuttaṃ. ‘‘Gamissāmī’’ti pana lesaṃ oḍḍetvā bhuñjituṃ na labhati.
г̇илаанабхад̇д̇амби сажз саб̣б̣зсам̣ г̇илаанаанам̣ баход̇и, саб̣б̣зсам̣ д̣̇аад̇аб̣б̣ам̣; но жз, тид̇игам̣ гад̇ваа г̇аахзд̇аб̣б̣ам̣. зго г̇илаано арог̇аруубо саггод̇и анд̇ог̇аамам̣ г̇анд̇ум̣, зго на саггод̇и, аяам̣ ‘‘махааг̇илаано’’ наама. зд̇асса г̇илаанабхад̇д̇ам̣ д̣̇аад̇аб̣б̣ам̣. д̣̇вз махааг̇илаанаа – зго лаабхий абхин̃н̃аад̇о б̣ахум̣ каад̣̇анийяам̣ бхож̇анийяам̣ лабхад̇и, зго анаат̇о аббалаабхад̇ааяа анд̇ог̇аамам̣ бависад̇и – зд̇асса г̇илаанабхад̇д̇ам̣ д̣̇аад̇аб̣б̣ам̣. г̇илаанабхад̇д̇з бана д̣̇ивасабарижчзд̣̇о над̇т̇и. яаава рог̇о на вуубасаммад̇и, саббааяабхож̇анам̣ абхун̃ж̇анд̇о на яаабзд̇и, д̇аава бхун̃ж̇ид̇аб̣б̣ам̣. яад̣̇аа бана миссагаяааг̇ум̣ ваа миссагабхад̇д̇ам̣ ваа бхуд̇д̇ассааби рог̇о на губбад̇и, д̇ад̇о бадтааяа на бхун̃ж̇ид̇аб̣б̣ам̣.
Gilānabhattampi sace sabbesaṃ gilānānaṃ pahoti, sabbesaṃ dātabbaṃ; no ce, ṭhitikaṃ katvā gāhetabbaṃ. Eko gilāno arogarūpo sakkoti antogāmaṃ gantuṃ, eko na sakkoti, ayaṃ ‘‘mahāgilāno’’ nāma. Etassa gilānabhattaṃ dātabbaṃ. Dve mahāgilānā – eko lābhī abhiññāto bahuṃ khādanīyaṃ bhojanīyaṃ labhati, eko anātho appalābhatāya antogāmaṃ pavisati – etassa gilānabhattaṃ dātabbaṃ. Gilānabhatte pana divasaparicchedo natthi. Yāva rogo na vūpasammati, sappāyabhojanaṃ abhuñjanto na yāpeti, tāva bhuñjitabbaṃ. Yadā pana missakayāguṃ vā missakabhattaṃ vā bhuttassāpi rogo na kuppati, tato paṭṭhāya na bhuñjitabbaṃ.
г̇илаанубадтаагабхад̇д̇амби яам̣ саб̣б̣зсам̣ баход̇и, д̇ам̣ саб̣б̣зсам̣ д̣̇аад̇аб̣б̣ам̣; но жз баход̇и, тид̇игам̣ гад̇ваа г̇аахзд̇аб̣б̣ам̣. ид̣̇амби д̣̇вийсу г̇илаанзсу махааг̇илаанубадтаагасса г̇аахзд̇аб̣б̣ам̣, д̣̇вийсу махааг̇илаанзсу анаат̇аг̇илаанубадтаагасса. яам̣ гулам̣ г̇илаанабхад̇д̇амби д̣̇зд̇и г̇илаанубадтаагабхад̇д̇амби, д̇ад̇т̇а яасса г̇илаанасса бхад̇д̇ам̣ баабун̣аад̇и д̇ад̣̇убадтаагассааби д̇ад̇т̇зва г̇аахзд̇аб̣б̣ам̣. г̇илаанубадтаагабхад̇д̇зби д̣̇ивасабарижчзд̣̇о над̇т̇и, яаава г̇илаано лабхад̇и, д̇аавасса убадтаагоби лабхад̇ийд̇и. имаани жад̇д̇аари бхад̇д̇аани сажз звам̣ д̣̇иннаани хонд̇и ‘‘ааг̇анд̇угаг̇амигаг̇илаанубадтаагаа мама бхигкам̣ г̇ан̣ханд̇уу’’д̇и, бин̣д̣абаад̇игаанамби ваддад̇и. сажз бана ааг̇анд̇угаад̣̇ийнам̣ бхад̇д̇ам̣ ниб̣анд̇хаабзми, ‘‘мама бхад̇д̇ам̣ г̇ан̣ханд̇уу’’д̇и звам̣ д̣̇иннаани хонд̇и, бин̣д̣абаад̇игаанам̣ на ваддад̇и.
Gilānupaṭṭhākabhattampi yaṃ sabbesaṃ pahoti, taṃ sabbesaṃ dātabbaṃ; no ce pahoti, ṭhitikaṃ katvā gāhetabbaṃ. Idampi dvīsu gilānesu mahāgilānupaṭṭhākassa gāhetabbaṃ, dvīsu mahāgilānesu anāthagilānupaṭṭhākassa. Yaṃ kulaṃ gilānabhattampi deti gilānupaṭṭhākabhattampi, tattha yassa gilānassa bhattaṃ pāpuṇāti tadupaṭṭhākassāpi tattheva gāhetabbaṃ. Gilānupaṭṭhākabhattepi divasaparicchedo natthi, yāva gilāno labhati, tāvassa upaṭṭhākopi labhatīti. Imāni cattāri bhattāni sace evaṃ dinnāni honti ‘‘āgantukagamikagilānupaṭṭhākā mama bhikkhaṃ gaṇhantū’’ti, piṇḍapātikānampi vaṭṭati. Sace pana āgantukādīnaṃ bhattaṃ nibandhāpemi, ‘‘mama bhattaṃ gaṇhantū’’ti evaṃ dinnāni honti, piṇḍapātikānaṃ na vaṭṭati.
абарааниби ‘‘д̇хурабхад̇д̇ам̣, гудибхад̇д̇ам̣, ваарабхад̇д̇а’’нд̇и д̇ийн̣и бхад̇д̇аани. д̇ад̇т̇а д̇хурабхад̇д̇анд̇и нижжабхад̇д̇ам̣ вужжад̇и, д̇ам̣ д̣̇увид̇хам̣ – сан̇гхигам̣ буг̇г̇алиган̃жа. д̇ад̇т̇а яам̣ ‘‘сан̇гхасса д̇хурабхад̇д̇ам̣ д̣̇змаа’’д̇и ниб̣анд̇хаабид̇ам̣, д̇ам̣ салаагабхад̇д̇аг̇ад̇игам̣. ‘‘мама ниб̣ад̣̇д̇хам̣ бхигкам̣ г̇ан̣ханд̇уу’’д̇и вад̇ваа д̣̇иннам̣ бана бин̣д̣абаад̇игаанамби ваддад̇и. буг̇г̇алигзби ‘‘д̇умхаагам̣ д̇хурабхад̇д̇ам̣ д̣̇аммий’’д̇и вуд̇д̇з бин̣д̣абаад̇иго жз, на ваддад̇и. ‘‘мама ниб̣ад̣̇д̇хам̣ бхигкам̣ г̇ан̣хат̇аа’’д̇и вуд̇д̇з бана ваддад̇и, саад̣̇ид̇аб̣б̣ам̣. сажзби бажчаа гад̇ибаахз вийд̇ивад̇д̇з ‘‘д̇хурабхад̇д̇ам̣ г̇ан̣хат̇аа’’д̇и вад̣̇ад̇и, муулз судту самбадижчид̇ад̇д̇аа ваддад̇и.
Aparānipi ‘‘dhurabhattaṃ, kuṭibhattaṃ, vārabhatta’’nti tīṇi bhattāni. Tattha dhurabhattanti niccabhattaṃ vuccati, taṃ duvidhaṃ – saṅghikaṃ puggalikañca. Tattha yaṃ ‘‘saṅghassa dhurabhattaṃ demā’’ti nibandhāpitaṃ, taṃ salākabhattagatikaṃ. ‘‘Mama nibaddhaṃ bhikkhaṃ gaṇhantū’’ti vatvā dinnaṃ pana piṇḍapātikānampi vaṭṭati. Puggalikepi ‘‘tumhākaṃ dhurabhattaṃ dammī’’ti vutte piṇḍapātiko ce, na vaṭṭati. ‘‘Mama nibaddhaṃ bhikkhaṃ gaṇhathā’’ti vutte pana vaṭṭati, sāditabbaṃ. Sacepi pacchā katipāhe vītivatte ‘‘dhurabhattaṃ gaṇhathā’’ti vadati, mūle suṭṭhu sampaṭicchitattā vaṭṭati.
гудибхад̇д̇ам̣ наама яам̣ сан̇гхасса ааваасам̣ гаарзд̇ваа ‘‘амхаагам̣ сзнаасанаваасино амхаагам̣язва бхад̇д̇ам̣ г̇ан̣ханд̇уу’’д̇и звам̣ ниб̣анд̇хаабид̇ам̣, д̇ам̣ салаагабхад̇д̇аг̇ад̇игамзва ход̇и, г̇ахзд̇ваа бхун̃ж̇ид̇аб̣б̣ам̣. ‘‘амхаагам̣ сзнаасанаваасино амхаагам̣язва бхигкам̣ г̇ан̣ханд̇уу’’д̇и вуд̇д̇з бана бин̣д̣абаад̇игаанамби ваддад̇и . яам̣ бана буг̇г̇алз басийд̣̇ид̇ваа д̇асса ваа ааваасам̣ гад̇ваа ‘‘д̇умхаагам̣ д̣̇змаа’’д̇и д̣̇иннам̣, д̇ам̣ д̇ассзва ход̇и, д̇асмим̣ гад̇т̇ажи г̇ад̇з ниссид̇агзхи бхун̃ж̇ид̇аб̣б̣ам̣.
Kuṭibhattaṃ nāma yaṃ saṅghassa āvāsaṃ kāretvā ‘‘amhākaṃ senāsanavāsino amhākaṃyeva bhattaṃ gaṇhantū’’ti evaṃ nibandhāpitaṃ, taṃ salākabhattagatikameva hoti, gahetvā bhuñjitabbaṃ. ‘‘Amhākaṃ senāsanavāsino amhākaṃyeva bhikkhaṃ gaṇhantū’’ti vutte pana piṇḍapātikānampi vaṭṭati . Yaṃ pana puggale pasīditvā tassa vā āvāsaṃ katvā ‘‘tumhākaṃ demā’’ti dinnaṃ, taṃ tasseva hoti, tasmiṃ katthaci gate nissitakehi bhuñjitabbaṃ.
ваарабхад̇д̇ам̣ наама д̣̇уб̣бхигкасамаяз ‘‘ваарзна бхигкуу ж̇аг̇г̇иссаамаа’’д̇и д̇хураг̇зхад̇о бадтааяа д̣̇иннам̣, д̇амби бхигкааважанзна д̣̇иннам̣ бин̣д̣абаад̇игаанам̣ ваддад̇и. ‘‘ваарабхад̇д̇а’’нд̇и вуд̇д̇з бана салаагабхад̇д̇аг̇ад̇игам̣ ход̇и. сажз д̇ан̣д̣улаад̣̇ийни бзсзнд̇и, ‘‘сааман̣зраа бажид̇ваа д̣̇знд̇уу’’д̇и, бин̣д̣абаад̇игаанам̣ ваддад̇и. ид̇и имаани жа д̇ийн̣и ааг̇анд̇угабхад̇д̇аад̣̇ийни жа жад̇д̇аарийд̇и сад̇д̇а, д̇аани сан̇гхабхад̇д̇аад̣̇ийхи саха жуд̣̇д̣̇аса бхад̇д̇аани хонд̇и.
Vārabhattaṃ nāma dubbhikkhasamaye ‘‘vārena bhikkhū jaggissāmā’’ti dhuragehato paṭṭhāya dinnaṃ, tampi bhikkhāvacanena dinnaṃ piṇḍapātikānaṃ vaṭṭati. ‘‘Vārabhatta’’nti vutte pana salākabhattagatikaṃ hoti. Sace taṇḍulādīni pesenti, ‘‘sāmaṇerā pacitvā dentū’’ti, piṇḍapātikānaṃ vaṭṭati. Iti imāni ca tīṇi āgantukabhattādīni ca cattārīti satta, tāni saṅghabhattādīhi saha cuddasa bhattāni honti.
адтагат̇ааяам̣ бана вихаарабхад̇д̇ам̣, адтагабхад̇д̇ам̣, жад̇уггабхад̇д̇ам̣, г̇ул̣хагабхад̇д̇анд̇и ан̃н̃ааниби жад̇д̇аари бхад̇д̇аани вуд̇д̇аани. д̇ад̇т̇а вихаарабхад̇д̇ам̣ наама вихаарз д̇ад̇руббаад̣̇абхад̇д̇ам̣, д̇ам̣ сан̇гхабхад̇д̇зна г̇ахид̇ам̣. д̇ам̣ бана д̇иссамахаавихааражид̇д̇алабаб̣б̣ад̇аад̣̇ийсу бадисамбхид̣̇аабад̇д̇зхи кийн̣аасавзхи яат̇аа бин̣д̣абаад̇игаанамби саггаа ход̇и барибхун̃ж̇ид̇ум̣, д̇ат̇аа бадиг̇г̇ахид̇ад̇д̇аа д̇аад̣̇исзсу таанзсу бин̣д̣абаад̇игаанамби ваддад̇и. ‘‘адтаннам̣ бхигкуунам̣ д̣̇зма, жад̇уннам̣ д̣̇змаа’’д̇и звам̣ д̣̇иннам̣ бана адтагабхад̇д̇ан̃жзва жад̇уггабхад̇д̇ан̃жа; д̇амби бхигкааважанзна д̣̇иннам̣ бин̣д̣абаад̇игаанам̣ ваддад̇и. махаабхисан̇кааригзна ад̇ирасагабуувзна бад̇д̇ам̣ буурзд̇ваа т̇агзд̇ваа д̣̇иннам̣ г̇ул̣хагабхад̇д̇ам̣ наама. имаани д̇ийн̣и салаагабхад̇д̇аг̇ад̇игаанзва.
Aṭṭhakathāyaṃ pana vihārabhattaṃ, aṭṭhakabhattaṃ, catukkabhattaṃ, guḷhakabhattanti aññānipi cattāri bhattāni vuttāni. Tattha vihārabhattaṃ nāma vihāre tatruppādabhattaṃ, taṃ saṅghabhattena gahitaṃ. Taṃ pana tissamahāvihāracittalapabbatādīsu paṭisambhidāpattehi khīṇāsavehi yathā piṇḍapātikānampi sakkā hoti paribhuñjituṃ, tathā paṭiggahitattā tādisesu ṭhānesu piṇḍapātikānampi vaṭṭati. ‘‘Aṭṭhannaṃ bhikkhūnaṃ dema, catunnaṃ demā’’ti evaṃ dinnaṃ pana aṭṭhakabhattañceva catukkabhattañca; tampi bhikkhāvacanena dinnaṃ piṇḍapātikānaṃ vaṭṭati. Mahābhisaṅkhārikena atirasakapūvena pattaṃ pūretvā thaketvā dinnaṃ guḷhakabhattaṃ nāma. Imāni tīṇi salākabhattagatikāneva.
абарамби г̇ул̣агабхад̇д̇ам̣ наама ад̇т̇и, ид̇хзгажжз мануссаа махаад̇хаммасаванан̃жа вихаарабууж̇ан̃жа гаарзд̇ваа сагаласан̇гхасса д̣̇аад̇ум̣ на саггомаад̇и, ‘‘д̣̇вз д̇ийн̣и бхигкусад̇аани амхаагам̣ бхигкам̣ г̇ан̣ханд̇уу’’д̇и бхигкубарижчзд̣̇аж̇аананад̇т̇ам̣ г̇ул̣агз д̣̇знд̇и, ид̣̇ам̣ бин̣д̣абаад̇игаанамби ваддад̇и. ид̇и жийварагканд̇хагз жийварабхааж̇анийяам̣, имасмим̣ бана сзнаасанагканд̇хагз сзнаасанабхааж̇анийяан̃жзва бин̣д̣абаад̇абхааж̇анийяан̃жа вуд̇д̇ам̣.
Aparampi guḷakabhattaṃ nāma atthi, idhekacce manussā mahādhammasavanañca vihārapūjañca kāretvā sakalasaṅghassa dātuṃ na sakkomāti, ‘‘dve tīṇi bhikkhusatāni amhākaṃ bhikkhaṃ gaṇhantū’’ti bhikkhuparicchedajānanatthaṃ guḷake denti, idaṃ piṇḍapātikānampi vaṭṭati. Iti cīvarakkhandhake cīvarabhājanīyaṃ, imasmiṃ pana senāsanakkhandhake senāsanabhājanīyañceva piṇḍapātabhājanīyañca vuttaṃ.
г̇илаанабажжаяабхааж̇анийяам̣ бана звам̣ взд̣̇ид̇аб̣б̣ам̣ – саббиаад̣̇ийсу бхзсаж̇ж̇зсу рааж̇арааж̇амахаамад̇д̇аа саббисса д̇аава гумбхасад̇амби гумбхасахассамби вихаарам̣ бзсзнд̇и, гхан̣дим̣ бахарид̇ваа т̇зраасанад̇о бадтааяа г̇ахид̇абхааж̇анам̣ буурзд̇ваа д̣̇аад̇аб̣б̣ам̣ , бин̣д̣абаад̇игаанамби ваддад̇и. сажз аласаж̇аад̇игаа махаат̇зраа бажчаа ааг̇ажчанд̇и, ‘‘бханд̇з, вийсад̇ивассаанам̣ д̣̇ияяад̇и, д̇умхаагам̣ тид̇игаа ад̇игганд̇аа’’д̇и на вад̇д̇аб̣б̣аа, тид̇игам̣ табзд̇ваа д̇зсам̣ д̣̇ад̇ваа бажчаа тид̇игааяа д̣̇аад̇аб̣б̣ам̣.
Gilānapaccayabhājanīyaṃ pana evaṃ veditabbaṃ – sappiādīsu bhesajjesu rājarājamahāmattā sappissa tāva kumbhasatampi kumbhasahassampi vihāraṃ pesenti, ghaṇṭiṃ paharitvā therāsanato paṭṭhāya gahitabhājanaṃ pūretvā dātabbaṃ , piṇḍapātikānampi vaṭṭati. Sace alasajātikā mahātherā pacchā āgacchanti, ‘‘bhante, vīsativassānaṃ diyyati, tumhākaṃ ṭhitikā atikkantā’’ti na vattabbā, ṭhitikaṃ ṭhapetvā tesaṃ datvā pacchā ṭhitikāya dātabbaṃ.
‘‘асугавихаарз б̣аху сабби уббанна’’нд̇и суд̇ваа яож̇ананд̇аравихаарад̇оби бхигкуу ааг̇ажчанд̇и, самбад̇д̇асамбад̇д̇аанам̣ тид̇адтаанад̇о бадтааяа д̣̇аад̇аб̣б̣ам̣. асамбад̇д̇аанамби убажаарасиймам̣ бавидтаанам̣ анд̇зваасигаад̣̇ийсу г̇ан̣ханд̇зсу д̣̇аад̇аб̣б̣амзва. ‘‘б̣ахиубажаарасиймааяа тид̇аанам̣ д̣̇зт̇аа’’д̇и вад̣̇анд̇и, на д̣̇аад̇аб̣б̣ам̣. сажз бана убажаарасиймам̣ огганд̇зхи згааб̣ад̣̇д̇хаа худ̇ваа ад̇д̇ано вихаарад̣̇ваарз ваа анд̇овихаарзязва ваа хонд̇и, барисаавасзна вад̣дхид̇аа наама сиймаа ход̇и, д̇асмаа д̣̇аад̇аб̣б̣ам̣. сан̇гханавагасса д̣̇иннзби бажчаа ааг̇ад̇аанам̣ д̣̇аад̇аб̣б̣амзва. д̣̇уд̇ияабхааг̇з бана т̇зраасанам̣ аарул̣хз бажчаа ааг̇ад̇аанам̣ батамабхааг̇о на баабун̣аад̇и, д̣̇уд̇ияабхааг̇ад̇о вассаг̇г̇зна д̣̇аад̇аб̣б̣ам̣. убажаарасиймам̣ бависид̇ваа яад̇т̇а гад̇т̇ажи д̣̇иннам̣ ход̇и, саб̣б̣асаннибаад̇адтаанзязва бхааж̇зд̇аб̣б̣ам̣.
‘‘Asukavihāre bahu sappi uppanna’’nti sutvā yojanantaravihāratopi bhikkhū āgacchanti, sampattasampattānaṃ ṭhitaṭṭhānato paṭṭhāya dātabbaṃ. Asampattānampi upacārasīmaṃ paviṭṭhānaṃ antevāsikādīsu gaṇhantesu dātabbameva. ‘‘Bahiupacārasīmāya ṭhitānaṃ dethā’’ti vadanti, na dātabbaṃ. Sace pana upacārasīmaṃ okkantehi ekābaddhā hutvā attano vihāradvāre vā antovihāreyeva vā honti, parisāvasena vaḍḍhitā nāma sīmā hoti, tasmā dātabbaṃ. Saṅghanavakassa dinnepi pacchā āgatānaṃ dātabbameva. Dutiyabhāge pana therāsanaṃ āruḷhe pacchā āgatānaṃ paṭhamabhāgo na pāpuṇāti, dutiyabhāgato vassaggena dātabbaṃ. Upacārasīmaṃ pavisitvā yattha katthaci dinnaṃ hoti, sabbasannipātaṭṭhāneyeva bhājetabbaṃ.
яасмим̣ вихаарз д̣̇аса бхигкуу, д̣̇асзва жа саббигумбхаа д̣̇ияяанд̇и, згзгагумбхавасзнзва бхааж̇зд̇аб̣б̣ам̣. зго саббигумбхо ход̇и, д̣̇аса бхигкуухи бхааж̇зд̇ваа г̇ахзд̇аб̣б̣ам̣. сажз яат̇аатид̇ам̣язва ‘‘амхаагам̣ баабун̣аад̇ий’’д̇и г̇ан̣ханд̇и, д̣̇уг̇г̇ахид̇ам̣; г̇ад̇аг̇ад̇адтаанз сан̇гхигамзва ход̇и. гумбхам̣ бана ааваж̇ж̇зд̇ваа т̇аалагз т̇огам̣ саббим̣ гад̇ваа ‘‘ид̣̇ам̣ махаат̇зрасса баабун̣аад̇и, авасзсам̣ амхаагам̣ баабун̣аад̇ий’’д̇и вад̇ваа д̇амби гумбхзязва аагирид̇ваа яат̇ижчид̇ам̣ г̇ахзд̇ваа г̇анд̇ум̣ ваддад̇и. сажз т̇инам̣ сабби ход̇и, лзкам̣ гад̇ваа ‘‘лзкад̇о барабхааг̇о махаат̇зрасса баабун̣аад̇и, авасзсам̣ амхаага’’нд̇и г̇ахид̇амби суг̇г̇ахид̇ам̣, вуд̇д̇абарижчзд̣̇ад̇о уунаад̇хигзсуби бхигкуусу жа саббигумбхзсу жа зд̇знзвубааязна бхааж̇зд̇аб̣б̣ам̣.
Yasmiṃ vihāre dasa bhikkhū, daseva ca sappikumbhā diyyanti, ekekakumbhavaseneva bhājetabbaṃ. Eko sappikumbho hoti, dasa bhikkhūhi bhājetvā gahetabbaṃ. Sace yathāṭhitaṃyeva ‘‘amhākaṃ pāpuṇātī’’ti gaṇhanti, duggahitaṃ; gatagataṭṭhāne saṅghikameva hoti. Kumbhaṃ pana āvajjetvā thālake thokaṃ sappiṃ katvā ‘‘idaṃ mahātherassa pāpuṇāti, avasesaṃ amhākaṃ pāpuṇātī’’ti vatvā tampi kumbheyeva ākiritvā yathicchitaṃ gahetvā gantuṃ vaṭṭati. Sace thinaṃ sappi hoti, lekhaṃ katvā ‘‘lekhato parabhāgo mahātherassa pāpuṇāti, avasesaṃ amhāka’’nti gahitampi suggahitaṃ, vuttaparicchedato ūnādhikesupi bhikkhūsu ca sappikumbhesu ca etenevupāyena bhājetabbaṃ.
сажз банзго бхигку, згоби гумбхо ход̇и, гхан̣дим̣ бахарид̇ваа ‘‘аяам̣ маяхам̣ баабун̣аад̇ий’’д̇иби г̇ахзд̇ум̣ ваддад̇и. ‘‘аяам̣ батамабхааг̇о маяхам̣ баабун̣аад̇и, аяам̣ д̣̇уд̇ияабхааг̇о’’д̇и звам̣ т̇огам̣ т̇огамби баабзд̇ум̣ ваддад̇и. зса наяо наванийд̇аад̣̇ийсуби. яасмим̣ бана виббасаннз д̇илад̇злаад̣̇имхи лзкаа на санд̇идтад̇и, д̇ам̣ уд̣̇д̇харид̇ваа бхааж̇зд̇аб̣б̣ам̣. син̇г̇ивзрамарижаад̣̇ибхзсаж̇ж̇амби авасзсабад̇д̇ат̇аалагаад̣̇исаман̣абаригкаароби саб̣б̣о вуд̇д̇аануруубзнзва наязна судту саллагкзд̇ваа бхааж̇зд̇аб̣б̣од̇и.
Sace paneko bhikkhu, ekopi kumbho hoti, ghaṇṭiṃ paharitvā ‘‘ayaṃ mayhaṃ pāpuṇātī’’tipi gahetuṃ vaṭṭati. ‘‘Ayaṃ paṭhamabhāgo mayhaṃ pāpuṇāti, ayaṃ dutiyabhāgo’’ti evaṃ thokaṃ thokampi pāpetuṃ vaṭṭati. Esa nayo navanītādīsupi. Yasmiṃ pana vippasanne tilatelādimhi lekhā na santiṭṭhati, taṃ uddharitvā bhājetabbaṃ. Siṅgiveramaricādibhesajjampi avasesapattathālakādisamaṇaparikkhāropi sabbo vuttānurūpeneva nayena suṭṭhu sallakkhetvā bhājetabboti.
баал̣им̣ адтагат̇ан̃жзва, ологзд̇ваа вижагкан̣о;
Pāḷiṃ aṭṭhakathañceva, oloketvā vicakkhaṇo;
сан̇гхигз бажжаяз звам̣, аббамад̇д̇ова бхааж̇аязд̇и.
Saṅghike paccaye evaṃ, appamattova bhājayeti.
ид̇и саб̣б̣аагаарзна бажжаяабхааж̇анийяагат̇аа нидтид̇аа.
Iti sabbākārena paccayabhājanīyakathā niṭṭhitā.
самманнид̇ваа табид̇аяааг̇убхааж̇агаад̣̇ийхи бхааж̇анийяадтаанам̣ ааг̇ад̇амануссаанам̣ анаабужчид̇ваава убад̣дхабхааг̇о д̣̇аад̇аб̣б̣о, асаммад̇зхи бана абалогзд̇ваа д̣̇аад̇аб̣б̣о. саммад̇зна аббамад̇д̇агависсаж̇ж̇анагзна бхигкунаа жийварагаммам̣ гаронд̇асса ‘‘суужим̣ д̣̇зхий’’д̇и вад̣̇ад̇о згаа д̣̇ийгхаа, згаа рассаад̇и д̣̇вз суужияо д̣̇аад̇аб̣б̣аа. ‘‘авибхад̇д̇ам̣ сан̇гхигам̣ бхан̣д̣а’’нд̇и бужчид̇аб̣б̣агижжам̣ над̇т̇и. бибпалагад̇т̇игасса зго бибпалаго, ад̣̇д̇хаанаганд̇аарам̣ бадибаж̇ж̇ид̇угаамасса убааханаяуг̇ал̣ам̣, гааяаб̣анд̇ханад̇т̇игасса гааяаб̣анд̇ханам̣, ‘‘ам̣саб̣ад̣̇д̇хаго мз ж̇ин̣н̣о’’д̇и ааг̇ад̇асса ам̣саб̣ад̣̇д̇хаго, бариссааванад̇т̇игасса бариссааванам̣ д̣̇аад̇аб̣б̣ам̣. д̇хаммагаран̣ад̇т̇игасса д̇хаммагаран̣о. сажз бадаго на ход̇и, д̇хаммагаран̣о бадагзна сад̣̇д̇хим̣ д̣̇аад̇аб̣б̣о. ‘‘ааг̇анд̇угабаддам̣ ааробзссаамий’’д̇и яаажанд̇асса гусияаа жа ад̣дхагусияаа жа бахонагам̣ д̣̇аад̇аб̣б̣ам̣. ‘‘ман̣д̣алам̣ наббаход̇ий’’д̇и ааг̇ад̇асса ман̣д̣алам̣ згам̣ д̣̇аад̇аб̣б̣ам̣, ад̣дхаман̣д̣алаани д̣̇вз д̣̇аад̇аб̣б̣аани. д̣̇вз ман̣д̣алаани яаажанд̇асса на д̣̇аад̇аб̣б̣аани. ануваад̇абарибхан̣д̣ад̇т̇игасса згасса жийварасса бахонагам̣ д̣̇аад̇аб̣б̣ам̣. саббинаванийд̇аад̣̇иад̇т̇игасса г̇илаанасса згам̣ бхзсаж̇ж̇ам̣ наал̣имад̇д̇ам̣ гад̇ваа д̇ад̇о д̇ад̇ияагодтаасо д̣̇аад̇аб̣б̣о. звам̣ д̇ийн̣и д̣̇ивасаани д̣̇ад̇ваа наал̣ияаа барибун̣н̣ааяа жад̇уд̇т̇ад̣̇ивасад̇о бадтааяа сан̇гхам̣ бужчид̇ваа д̣̇аад̇аб̣б̣ам̣. г̇ул̣абин̣д̣зби згад̣̇ивасам̣ д̇ад̇ияабхааг̇о д̣̇аад̇аб̣б̣о. звам̣ д̇ийхи д̣̇ивасзхи нидтид̇з бин̣д̣з д̇ад̇о барам̣ сан̇гхам̣ бужчид̇ваа д̣̇аад̇аб̣б̣ам̣. сзсам̣ саб̣б̣ад̇т̇а уд̇д̇аанамзваад̇и.
Sammannitvā ṭhapitayāgubhājakādīhi bhājanīyaṭṭhānaṃ āgatamanussānaṃ anāpucchitvāva upaḍḍhabhāgo dātabbo, asammatehi pana apaloketvā dātabbo. Sammatena appamattakavissajjanakena bhikkhunā cīvarakammaṃ karontassa ‘‘sūciṃ dehī’’ti vadato ekā dīghā, ekā rassāti dve sūciyo dātabbā. ‘‘Avibhattaṃ saṅghikaṃ bhaṇḍa’’nti pucchitabbakiccaṃ natthi. Pipphalakatthikassa eko pipphalako, addhānakantāraṃ paṭipajjitukāmassa upāhanayugaḷaṃ, kāyabandhanatthikassa kāyabandhanaṃ, ‘‘aṃsabaddhako me jiṇṇo’’ti āgatassa aṃsabaddhako, parissāvanatthikassa parissāvanaṃ dātabbaṃ. Dhammakaraṇatthikassa dhammakaraṇo. Sace paṭako na hoti, dhammakaraṇo paṭakena saddhiṃ dātabbo. ‘‘Āgantukapaṭṭaṃ āropessāmī’’ti yācantassa kusiyā ca aḍḍhakusiyā ca pahonakaṃ dātabbaṃ. ‘‘Maṇḍalaṃ nappahotī’’ti āgatassa maṇḍalaṃ ekaṃ dātabbaṃ, aḍḍhamaṇḍalāni dve dātabbāni. Dve maṇḍalāni yācantassa na dātabbāni. Anuvātaparibhaṇḍatthikassa ekassa cīvarassa pahonakaṃ dātabbaṃ. Sappinavanītādiatthikassa gilānassa ekaṃ bhesajjaṃ nāḷimattaṃ katvā tato tatiyakoṭṭhāso dātabbo. Evaṃ tīṇi divasāni datvā nāḷiyā paripuṇṇāya catutthadivasato paṭṭhāya saṅghaṃ pucchitvā dātabbaṃ. Guḷapiṇḍepi ekadivasaṃ tatiyabhāgo dātabbo. Evaṃ tīhi divasehi niṭṭhite piṇḍe tato paraṃ saṅghaṃ pucchitvā dātabbaṃ. Sesaṃ sabbattha uttānamevāti.
багкигабхад̇д̇аад̣̇игат̇аа нидтид̇аа.
Pakkhikabhattādikathā niṭṭhitā.
сзнаасанагканд̇хагаван̣н̣анаа нидтид̇аа.
Senāsanakkhandhakavaṇṇanā niṭṭhitā.
