| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਪਕ੍ਖਿਕਭਤ੍ਤਾਦਿਕਥਾવਣ੍ਣਨਾ
Pakkhikabhattādikathāvaṇṇanā
ਅਭਿਲਕ੍ਖਿਤੇਸੁ ਚਤੂਸੁ ਪਕ੍ਖਦਿવਸੇਸੁ ਦਾਤਬ੍ਬਭਤ੍ਤਂ ਪਕ੍ਖਿਕਂ। ਅਭਿਲਕ੍ਖਿਤੇਸੂਤਿ ਏਤ੍ਥ ਅਭੀਤਿ ਉਪਸਗ੍ਗਮਤ੍ਤਂ, ਲਕ੍ਖਣੀਯੇਸੁ ਇਚ੍ਚੇવ ਅਤ੍ਥੋ, ਉਪੋਸਥਸਮਾਦਾਨਧਮ੍ਮਸ੍ਸવਨਪੂਜਾਸਕ੍ਕਾਰਾਦਿਕਰਣਤ੍ਥਂ ਲਕ੍ਖਿਤਬ੍ਬੇਸੁ ਸਲ੍ਲਕ੍ਖੇਤਬ੍ਬੇਸੁ ਉਪਲਕ੍ਖੇਤਬ੍ਬੇਸੂਤਿ વੁਤ੍ਤਂ ਹੋਤਿ। ਸ੍વੇ ਪਕ੍ਖੋਤਿ ‘‘ਅਜ੍ਜ ਪਕ੍ਖਿਕਂ ਨ ਗਾਹੇਤਬ੍ਬ’’ਨ੍ਤਿ ਪਕ੍ਖਿਕਸ੍ਸ ਅਨਿਯਮਤ੍ਤਾ વੁਤ੍ਤਂ। ‘‘ਸ੍વੇ ਅਮ੍ਹਾਕਂ ਘਰੇ ਲੂਖਭਤ੍ਤਂ ਭવਿਸ੍ਸਤੀ’’ਤਿ ਪੋਤ੍ਥਕੇਸੁ ਲਿਖਨ੍ਤਿ, ‘‘ਪਕ੍ਖਭਤ੍ਤਂ ਭવਿਸ੍ਸਤੀ’’ਤਿ ਪਾਠੇਨ ਭવਿਤਬ੍ਬਂ। ਉਪੋਸਥੇ ਦਾਤਬ੍ਬਂ ਭਤ੍ਤਂ ਉਪੋਸਥਿਕਂ। ਨਿਬਨ੍ਧਾਪਿਤਨ੍ਤਿ ‘‘ਅਸੁਕવਿਹਾਰਸ੍ਸਾ’’ਤਿ ਨਿਯਮਿਤਂ। ਗਾਹੇਤ੍વਾ ਭੁਞ੍ਜਿਤਬ੍ਬਨ੍ਤਿ ਤਸ੍ਮਿਂ ਸੇਨਾਸਨੇ વਸਨ੍ਤੇਹਿ ਠਿਤਿਕਾਯ ਗਾਹੇਤ੍વਾ ਭੁਞ੍ਜਿਤਬ੍ਬਂ। ਤਣ੍ਡੁਲਾਦੀਨਿਪੇਸੇਨ੍ਤਿ…ਪੇ॰… વਟ੍ਟਤੀਤਿ ਅਭਿਹਟਭਿਕ੍ਖਤ੍ਤਾ વਟ੍ਟਤਿ। ਤਥਾ ਪਟਿਗ੍ਗਹਿਤਤ੍ਤਾਤਿ ਭਿਕ੍ਖਾਨਾਮੇਨ ਪਟਿਗ੍ਗਹਿਤਤ੍ਤਾ। ਪਤ੍ਤਂ ਪੂਰੇਤ੍વਾ ਥਕੇਤ੍વਾ ਦਿਨ੍ਨਨ੍ਤਿ ‘‘ਗੁਲ਼ਕਭਤ੍ਤਂ ਦੇਮਾ’’ਤਿ ਦਿਨ੍ਨਂ। ਗੁਲ਼ਪਿਣ੍ਡੇਪਿ…ਪੇ॰… ਦਾਤਬ੍ਬੋਤਿ ਏਤ੍ਥ ਗੁਲ਼ਪਿਣ੍ਡਂ ਤਾਲਪਕ੍ਕਪ੍ਪਮਾਣਨ੍ਤਿ વੇਦਿਤਬ੍ਬਂ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવਾਤਿ।
Abhilakkhitesu catūsu pakkhadivasesu dātabbabhattaṃ pakkhikaṃ. Abhilakkhitesūti ettha abhīti upasaggamattaṃ, lakkhaṇīyesu icceva attho, uposathasamādānadhammassavanapūjāsakkārādikaraṇatthaṃ lakkhitabbesu sallakkhetabbesu upalakkhetabbesūti vuttaṃ hoti. Sve pakkhoti ‘‘ajja pakkhikaṃ na gāhetabba’’nti pakkhikassa aniyamattā vuttaṃ. ‘‘Sve amhākaṃ ghare lūkhabhattaṃ bhavissatī’’ti potthakesu likhanti, ‘‘pakkhabhattaṃ bhavissatī’’ti pāṭhena bhavitabbaṃ. Uposathe dātabbaṃ bhattaṃ uposathikaṃ. Nibandhāpitanti ‘‘asukavihārassā’’ti niyamitaṃ. Gāhetvā bhuñjitabbanti tasmiṃ senāsane vasantehi ṭhitikāya gāhetvā bhuñjitabbaṃ. Taṇḍulādīnipesenti…pe… vaṭṭatīti abhihaṭabhikkhattā vaṭṭati. Tathā paṭiggahitattāti bhikkhānāmena paṭiggahitattā. Pattaṃ pūretvā thaketvā dinnanti ‘‘guḷakabhattaṃ demā’’ti dinnaṃ. Guḷapiṇḍepi…pe… dātabboti ettha guḷapiṇḍaṃ tālapakkappamāṇanti veditabbaṃ. Sesamettha suviññeyyamevāti.
ਸੇਨਾਸਨਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Senāsanakkhandhakavaṇṇanā niṭṭhitā.
