| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੦੦. ਪਲਿਬੋਧਾਪਲਿਬੋਧਕਥਾ
200. Palibodhāpalibodhakathā
੩੨੫. ਦ੍વੇਮੇ , ਭਿਕ੍ਖવੇ, ਕਥਿਨਸ੍ਸ ਪਲਿਬੋਧਾ, ਦ੍વੇ ਅਪਲਿਬੋਧਾ। ਕਤਮੇ ਚ, ਭਿਕ੍ਖવੇ, ਦ੍વੇ ਕਥਿਨਸ੍ਸ ਪਲਿਬੋਧਾ? ਆવਾਸਪਲਿਬੋਧੋ ਚ ਚੀવਰਪਲਿਬੋਧੋ ਚ। ਕਥਞ੍ਚ, ਭਿਕ੍ਖવੇ, ਆવਾਸਪਲਿਬੋਧੋ ਹੋਤਿ? ਇਧ, ਭਿਕ੍ਖવੇ, ਭਿਕ੍ਖੁ વਸਤਿ વਾ ਤਸ੍ਮਿਂ ਆવਾਸੇ, ਸਾਪੇਕ੍ਖੋ વਾ ਪਕ੍ਕਮਤਿ ‘‘ਪਚ੍ਚੇਸ੍ਸ’’ਨ੍ਤਿ। ਏવਂ ਖੋ, ਭਿਕ੍ਖવੇ, ਆવਾਸਪਲਿਬੋਧੋ ਹੋਤਿ। ਕਥਞ੍ਚ, ਭਿਕ੍ਖવੇ, ਚੀવਰਪਲਿਬੋਧੋ ਹੋਤਿ? ਇਧ, ਭਿਕ੍ਖવੇ, ਭਿਕ੍ਖੁਨੋ ਚੀવਰਂ ਅਕਤਂ વਾ ਹੋਤਿ વਿਪ੍ਪਕਤਂ વਾ, ਚੀવਰਾਸਾ વਾ ਅਨੁਪਚ੍ਛਿਨ੍ਨਾ। ਏવਂ ਖੋ, ਭਿਕ੍ਖવੇ, ਚੀવਰਪਲਿਬੋਧੋ ਹੋਤਿ। ਇਮੇ ਖੋ, ਭਿਕ੍ਖવੇ, ਦ੍વੇ ਕਥਿਨਸ੍ਸ ਪਲਿਬੋਧਾ।
325. Dveme , bhikkhave, kathinassa palibodhā, dve apalibodhā. Katame ca, bhikkhave, dve kathinassa palibodhā? Āvāsapalibodho ca cīvarapalibodho ca. Kathañca, bhikkhave, āvāsapalibodho hoti? Idha, bhikkhave, bhikkhu vasati vā tasmiṃ āvāse, sāpekkho vā pakkamati ‘‘paccessa’’nti. Evaṃ kho, bhikkhave, āvāsapalibodho hoti. Kathañca, bhikkhave, cīvarapalibodho hoti? Idha, bhikkhave, bhikkhuno cīvaraṃ akataṃ vā hoti vippakataṃ vā, cīvarāsā vā anupacchinnā. Evaṃ kho, bhikkhave, cīvarapalibodho hoti. Ime kho, bhikkhave, dve kathinassa palibodhā.
ਕਤਮੇ ਚ, ਭਿਕ੍ਖવੇ, ਦ੍વੇ ਕਥਿਨਸ੍ਸ ਅਪਲਿਬੋਧਾ? ਆવਾਸਅਪਲਿਬੋਧੋ ਚ ਚੀવਰਅਪਲਿਬੋਧੋ ਚ। ਕਥਞ੍ਚ, ਭਿਕ੍ਖવੇ, ਆવਾਸਅਪਲਿਬੋਧੋ ਹੋਤਿ? ਇਧ, ਭਿਕ੍ਖવੇ, ਭਿਕ੍ਖੁ ਪਕ੍ਕਮਤਿ ਤਮ੍ਹਾ ਆવਾਸਾ ਚਤ੍ਤੇਨ વਨ੍ਤੇਨ ਮੁਤ੍ਤੇਨ ਅਨਪੇਕ੍ਖੋ 1 ‘‘ਨ ਪਚ੍ਚੇਸ੍ਸ’’ਨ੍ਤਿ। ਏવਂ ਖੋ, ਭਿਕ੍ਖવੇ, ਆવਾਸਅਪਲਿਬੋਧੋ ਹੋਤਿ। ਕਥਞ੍ਚ, ਭਿਕ੍ਖવੇ, ਚੀવਰਅਪਲਿਬੋਧੋ ਹੋਤਿ? ਇਧ, ਭਿਕ੍ਖવੇ, ਭਿਕ੍ਖੁਨੋ ਚੀવਰਂ ਕਤਂ વਾ ਹੋਤਿ, ਨਟ੍ਠਂ વਾ વਿਨਟ੍ਠਂ વਾ ਦਡ੍ਢਂ વਾ, ਚੀવਰਾਸਾ વਾ ਉਪਚ੍ਛਿਨ੍ਨਾ। ਏવਂ ਖੋ, ਭਿਕ੍ਖવੇ, ਚੀવਰਅਪਲਿਬੋਧੋ ਹੋਤਿ। ਇਮੇ ਖੋ, ਭਿਕ੍ਖવੇ, ਦ੍વੇ ਕਥਿਨਸ੍ਸ ਅਪਲਿਬੋਧਾਤਿ।
Katame ca, bhikkhave, dve kathinassa apalibodhā? Āvāsaapalibodho ca cīvaraapalibodho ca. Kathañca, bhikkhave, āvāsaapalibodho hoti? Idha, bhikkhave, bhikkhu pakkamati tamhā āvāsā cattena vantena muttena anapekkho 2 ‘‘na paccessa’’nti. Evaṃ kho, bhikkhave, āvāsaapalibodho hoti. Kathañca, bhikkhave, cīvaraapalibodho hoti? Idha, bhikkhave, bhikkhuno cīvaraṃ kataṃ vā hoti, naṭṭhaṃ vā vinaṭṭhaṃ vā daḍḍhaṃ vā, cīvarāsā vā upacchinnā. Evaṃ kho, bhikkhave, cīvaraapalibodho hoti. Ime kho, bhikkhave, dve kathinassa apalibodhāti.
ਪਲਿਬੋਧਾਪਲਿਬੋਧਕਥਾ ਨਿਟ੍ਠਿਤਾ।
Palibodhāpalibodhakathā niṭṭhitā.
ਕਥਿਨਕ੍ਖਨ੍ਧਕੋ ਨਿਟ੍ਠਿਤੋ ਸਤ੍ਤਮੋ।
Kathinakkhandhako niṭṭhito sattamo.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਆਦਾਯਸਤ੍ਤਕਕਥਾ • Ādāyasattakakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਆਦਾਯਸਤ੍ਤਕਕਥਾવਣ੍ਣਨਾ • Ādāyasattakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਆਦਾਯਸਤ੍ਤਕਕਥਾવਣ੍ਣਨਾ • Ādāyasattakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੮੮. ਆਦਾਯਸਤ੍ਤਕਕਥਾ • 188. Ādāyasattakakathā
