| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
балиб̣од̇хабан̃хааб̣яаагаран̣агат̇ааван̣н̣анаа
Palibodhapañhābyākaraṇakathāvaṇṇanā
415-6. саннидтаананд̇иго гат̇ам̣ б̣ахисиймааяа уд̣̇д̇харийяад̇и? бхигку агад̇ажийварам̣ самаад̣̇ааяа баггамад̇и ‘‘на бажжзсса’’нд̇и, д̇асса б̣ахисиймааг̇ад̇асса звам̣ ход̇и ‘‘нзвимам̣ жийварам̣ гаарзсса’’нд̇и, звамзд̇асса б̣ахисиймааг̇ад̇асса уд̣̇д̇харийяад̇и. гат̇ам̣ анд̇осиймааяа? агад̇ажийварам̣ самаад̣̇ааяа баггамад̇и ‘‘на бажжзсса’’нд̇и, д̇ад̇о д̇ад̇т̇а паасувихаарам̣ алабханд̇о д̇амзва вихаарам̣ ааг̇ажчад̇и, д̇асса жийварабалиб̣од̇хоязва тид̇о, со жа ‘‘нзвимам̣ жийварам̣ гаарзсса’’нд̇и жид̇д̇з уббаннз чиж̇ж̇ад̇и, д̇асмаа ‘‘анд̇осиймааяа уд̣̇д̇харийяад̇ий’’д̇и вуд̇д̇ам̣. саннидтаананд̇игам̣ д̣̇увид̇хам̣ ‘‘на бажжзсса’’нд̇и ааваасабалиб̣од̇хам̣ чинд̣̇ид̇ваа д̇ад̇о бунаби д̇амзва вихаарам̣ ааг̇анд̇ваа ‘‘нзвимам̣ жийварам̣ гаарзсса’’нд̇и саннидтаанам̣ гарод̇и, б̣ахисиймааяа тад̇ваа ‘‘нзвимам̣ жийварам̣ гаарзссам̣ на бажжзсса’’нд̇и жид̇д̇уббаад̣̇зна саннидтаананд̇игам̣ ход̇и. г̇аат̇ааяамби ‘‘д̣̇вз балиб̣од̇хаа абуб̣б̣ам̣ ажарима’’нд̇и ид̣̇ам̣ имамзва санд̇хааяа. ‘‘аасааважчзд̣̇иго гат̇ам̣ анд̇осиймааяа ? аасийсид̇зна ‘д̇умхз вихаарамзва бад̇т̇зт̇а, ахам̣ бахин̣иссаамий’д̇и вуд̇д̇о буб̣б̣з ‘на бажжзсса’нд̇и ааваасабалиб̣од̇хам̣ чинд̣̇ид̇ваа г̇ад̇о буна д̇ам̣ вихаарам̣ г̇анд̇ваа д̇зна ‘наахам̣ саггоми д̣̇аад̇у’нд̇и бахид̇о ход̇ий’’д̇и ликид̇ам̣. ‘‘ад̇т̇аарз хи сад̇и уд̣̇д̇хааро наамаа’’д̇и ад̇т̇аарам̣ винаа уд̣̇д̇хаарам̣ на лабханд̇и, д̇асмаа вуд̇д̇ам̣. буримаа д̣̇взд̇и ‘‘д̣̇вз гат̇инуд̣̇д̇хаараа згуббаад̣̇аа зганирод̇хаа’’д̇и вуд̇д̇аад̇хигаарз батамам̣ вуд̇д̇аа анд̇араб̣бхаарасахуб̣бхаараа. на баггамананд̇игаад̣̇аяо д̣̇вз. згад̇о нируж̇жханд̇ийд̇и уд̣̇д̇хаарабхаавам̣ баабун̣анд̇ийд̇и ад̇т̇о.
415-6. Sanniṭṭhānantiko kathaṃ bahisīmāya uddharīyati? Bhikkhu akatacīvaraṃ samādāya pakkamati ‘‘na paccessa’’nti, tassa bahisīmāgatassa evaṃ hoti ‘‘nevimaṃ cīvaraṃ kāressa’’nti, evametassa bahisīmāgatassa uddharīyati. Kathaṃ antosīmāya? Akatacīvaraṃ samādāya pakkamati ‘‘na paccessa’’nti, tato tattha phāsuvihāraṃ alabhanto tameva vihāraṃ āgacchati, tassa cīvarapalibodhoyeva ṭhito, so ca ‘‘nevimaṃ cīvaraṃ kāressa’’nti citte uppanne chijjati, tasmā ‘‘antosīmāya uddharīyatī’’ti vuttaṃ. Sanniṭṭhānantikaṃ duvidhaṃ ‘‘na paccessa’’nti āvāsapalibodhaṃ chinditvā tato punapi tameva vihāraṃ āgantvā ‘‘nevimaṃ cīvaraṃ kāressa’’nti sanniṭṭhānaṃ karoti, bahisīmāya ṭhatvā ‘‘nevimaṃ cīvaraṃ kāressaṃ na paccessa’’nti cittuppādena sanniṭṭhānantikaṃ hoti. Gāthāyampi ‘‘dve palibodhā apubbaṃ acarima’’nti idaṃ imameva sandhāya. ‘‘Āsāvacchediko kathaṃ antosīmāya ? Āsīsitena ‘tumhe vihārameva patthetha, ahaṃ pahiṇissāmī’ti vutto pubbe ‘na paccessa’nti āvāsapalibodhaṃ chinditvā gato puna taṃ vihāraṃ gantvā tena ‘nāhaṃ sakkomi dātu’nti pahito hotī’’ti likhitaṃ. ‘‘Atthāre hi sati uddhāro nāmā’’ti atthāraṃ vinā uddhāraṃ na labhanti, tasmā vuttaṃ. Purimā dveti ‘‘dve kathinuddhārā ekuppādā ekanirodhā’’ti vuttādhikāre paṭhamaṃ vuttā antarabbhārasahubbhārā. Na pakkamanantikādayo dve. Ekato nirujjhantīti uddhārabhāvaṃ pāpuṇantīti attho.
гат̇инабхзд̣̇аван̣н̣анаа нидтид̇аа.
Kathinabhedavaṇṇanā niṭṭhitā.
бан̃н̃ад̇д̇иваг̇г̇аван̣н̣анаа нидтид̇аа.
Paññattivaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 6. балиб̣од̇хабан̃хааб̣яаагаран̣ам̣ • 6. Palibodhapañhābyākaraṇaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гат̇инабхзд̣̇аван̣н̣анаа • Kathinabhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / гат̇инаад̣̇иж̇аанид̇аб̣б̣авибхааг̇аван̣н̣анаа • Kathinādijānitabbavibhāgavaṇṇanā
