| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
பாலிலெய்யகக³மனகதா²
Pālileyyakagamanakathā
467. பாலிலெய்யகே விஹரதி ரக்கி²தவனஸண்டே³தி பாலிலெய்யகங் உபனிஸ்ஸாய ரக்கி²தவனஸண்டே³ விஹரதி. ஹத்தி²னாகோ³தி மஹாஹத்தீ². ஹத்தி²கலபே⁴ஹீதி ஹத்தி²போதகேஹி. ஹத்தி²ச்சா²பேஹீதி கீ²ரூபகேஹி த³ஹரபோதகேஹி. சி²ன்னக்³கா³னீதி தேஹி புரதோ புரதோ க³ச்ச²ந்தேஹி சி²ன்னக்³கா³னி கா²யிதாவஸேஸானி கா²ணுஸதி³ஸானி திணானி கா²த³தி. ஓப⁴க்³கோ³ப⁴க்³க³ந்தி தேன ஹத்தி²னாகே³ன உச்சட்டா²னதோ ப⁴ஞ்ஜித்வா ப⁴ஞ்ஜித்வா பாதிதங். அஸ்ஸ ஸாகா²ப⁴ங்க³ந்தி ஏதஸ்ஸ ஸந்தகங் ஸாகா²ப⁴ங்க³ங் தே கா²த³ந்தி. ஆவிலானீதி தேஹி பட²மதரங் ஓதரித்வா பிவந்தேஹி ஆலுலிதானி கத்³த³மோத³கானி பிவதி. ஓகா³ஹாதி தித்த²தோ.
467.Pālileyyake viharati rakkhitavanasaṇḍeti pālileyyakaṃ upanissāya rakkhitavanasaṇḍe viharati. Hatthināgoti mahāhatthī. Hatthikalabhehīti hatthipotakehi. Hatthicchāpehīti khīrūpakehi daharapotakehi. Chinnaggānīti tehi purato purato gacchantehi chinnaggāni khāyitāvasesāni khāṇusadisāni tiṇāni khādati. Obhaggobhagganti tena hatthināgena uccaṭṭhānato bhañjitvā bhañjitvā pātitaṃ. Assa sākhābhaṅganti etassa santakaṃ sākhābhaṅgaṃ te khādanti. Āvilānīti tehi paṭhamataraṃ otaritvā pivantehi ālulitāni kaddamodakāni pivati. Ogāhāti titthato.
நாக³ஸ்ஸ நாகே³னாதி ஹத்தி²னாக³ஸ்ஸ பு³த்³த⁴னாகே³ன. ஈஸாத³ந்தஸ்ஸாதி ரத²ஈஸாஸதி³ஸத³ந்தஸ்ஸ. யதே³கோ ரமதீ வனேதி யஸ்மா பு³த்³த⁴னாகோ³ விய அயம்பி ஹத்தி²னாகோ³ ஏகோ பவிவித்தோ வனே ரமதி; தஸ்மாஸ்ஸ நாக³ஸ்ஸ நாகே³ன சித்தங் ஸமேதி, ஏகீபா⁴வரதியா ஏகஸதி³ஸங் ஹோதீதி அத்தோ².
Nāgassa nāgenāti hatthināgassa buddhanāgena. Īsādantassāti rathaīsāsadisadantassa. Yadeko ramatī vaneti yasmā buddhanāgo viya ayampi hatthināgo eko pavivitto vane ramati; tasmāssa nāgassa nāgena cittaṃ sameti, ekībhāvaratiyā ekasadisaṃ hotīti attho.
யதா²பி⁴ரந்தங் விஹரித்வாதி எத்த² தேமாஸங் ப⁴க³வா தத்த² விஹாஸீதி வேதி³தப்³போ³. எத்தாவதா கோஸம்ப³கேஹி கிர உப்³பா³ள்ஹோ ப⁴க³வா தேமாஸங் அரஞ்ஞங் பவிஸித்வா வஸீதி ஸப்³ப³த்த² கதா² பத்த²டா அஹோஸி.
Yathābhirantaṃ viharitvāti ettha temāsaṃ bhagavā tattha vihāsīti veditabbo. Ettāvatā kosambakehi kira ubbāḷho bhagavā temāsaṃ araññaṃ pavisitvā vasīti sabbattha kathā patthaṭā ahosi.
அத² கோ² கோஸம்ப³கா உபாஸகாதி அத² கோ² இமங் கதா²ஸல்லாபங் ஸுத்வா கோஸம்பி³வாஸினோ உபாஸகா.
Atha kho kosambakā upāsakāti atha kho imaṃ kathāsallāpaṃ sutvā kosambivāsino upāsakā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 275. பாலிலெய்யகக³மனகதா² • 275. Pālileyyakagamanakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பாலிலெய்யகக³மனகதா²வண்ணனா • Pālileyyakagamanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பாலிலெய்யகக³மனகதா²வண்ணனா • Pālileyyakagamanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பாலிலெய்யகக³மனகதா²வண்ணனா • Pālileyyakagamanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 275. பாலிலெய்யகக³மனகதா² • 275. Pālileyyakagamanakathā
