| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
২৭৫. পালিলেয্যকগমনকথা
275. Pālileyyakagamanakathā
৪৬৭. পালিলেয্যকন্তি পলিলৰনসণ্ডে ৰসন্তহত্থিনাগং। ‘‘হত্থী’’তি চ ‘‘নাগো’’তি চ দ্ৰিন্নং সদ্দানং পরিযাযভাৰেন ৰুত্তত্তা অধিকত্থোতি আহ ‘‘মহাহত্থী’’তি। পুরতো পুরতো গচ্ছন্তেহি তেহি হত্থিআদীহি ছিন্নগ্গানীতি যোজনা। ওভগ্গোভগ্গন্তি ভঞ্জিত্ৰা অধোপাতিতং ওভগ্গন্তি দস্সেন্তো আহ ‘‘ভঞ্জিত্ৰা ভঞ্জিত্ৰা পাতিত’’ন্তি। ‘‘উচ্চট্ঠানতো’’তি ইমিনা অৰত্যূপসগ্গস্স অধোত্থং নযেন দস্সেতি। এতস্সাতি হত্থিনাগস্স। তেতি হত্থিআদযো। তেহীতি হত্থিআদীহি। পিৰন্তেহি তেহীতি যোজনা। কদ্দমোদকানীতি কদ্দমেন সংসট্ঠানি উদকানি।
467.Pālileyyakanti palilavanasaṇḍe vasantahatthināgaṃ. ‘‘Hatthī’’ti ca ‘‘nāgo’’ti ca dvinnaṃ saddānaṃ pariyāyabhāvena vuttattā adhikatthoti āha ‘‘mahāhatthī’’ti. Purato purato gacchantehi tehi hatthiādīhi chinnaggānīti yojanā. Obhaggobhagganti bhañjitvā adhopātitaṃ obhagganti dassento āha ‘‘bhañjitvā bhañjitvā pātita’’nti. ‘‘Uccaṭṭhānato’’ti iminā avatyūpasaggassa adhotthaṃ nayena dasseti. Etassāti hatthināgassa. Teti hatthiādayo. Tehīti hatthiādīhi. Pivantehi tehīti yojanā. Kaddamodakānīti kaddamena saṃsaṭṭhāni udakāni.
ঈসাদন্তস্সাতি এত্থ ঈসায সদিসো দন্তো ইমস্সাতি ঈসাদন্তোতি দস্সেন্তো আহ ‘‘রথঈসাসদিসদন্তস্সা’’তি। ‘‘রথঈসা’’তি ইমিনা নঙ্গলঈসং নিৰত্তেতি। যদেকোতি যং একো। যংসদ্দো কারণত্থোতি আহ ‘‘যস্মা’’তি। অস্স নাগস্সাতি হত্থিনাগস্স। নাগেনাতি বুদ্ধনাগেন।
Īsādantassāti ettha īsāya sadiso danto imassāti īsādantoti dassento āha ‘‘rathaīsāsadisadantassā’’ti. ‘‘Rathaīsā’’ti iminā naṅgalaīsaṃ nivatteti. Yadekoti yaṃ eko. Yaṃsaddo kāraṇatthoti āha ‘‘yasmā’’ti. Assa nāgassāti hatthināgassa. Nāgenāti buddhanāgena.
যথাভিরন্তন্তি এত্থ কিত্তকং কালং রমতীতি আহ ‘‘তেমাস’’ন্তি। এত্তাৰতাতি এত্তকেন তেমাসৰিহরণেন। পত্থটা অহোসীতি সম্বন্ধো। সব্বত্থাতি সব্বস্মিং জম্বুদীপতলে।
Yathābhirantanti ettha kittakaṃ kālaṃ ramatīti āha ‘‘temāsa’’nti. Ettāvatāti ettakena temāsaviharaṇena. Patthaṭā ahosīti sambandho. Sabbatthāti sabbasmiṃ jambudīpatale.
‘‘কোসম্বিনিৰাসিনো’’তি ইমিনা কোসম্বিযং নিৰসন্তীতি কোসম্বকাতি ৰচনত্থং দস্সেতি।
‘‘Kosambinivāsino’’ti iminā kosambiyaṃ nivasantīti kosambakāti vacanatthaṃ dasseti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ২৭৫. পালিলেয্যকগমনকথা • 275. Pālileyyakagamanakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পালিলেয্যকগমনকথা • Pālileyyakagamanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পালিলেয্যকগমনকথাৰণ্ণনা • Pālileyyakagamanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / পালিলেয্যকগমনকথাৰণ্ণনা • Pālileyyakagamanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পালিলেয্যকগমনকথাৰণ্ণনা • Pālileyyakagamanakathāvaṇṇanā
