| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
баалилзяяагаг̇аманагат̇аа
Pālileyyakagamanakathā
467. баалилзяяагз вихарад̇и рагкид̇аванасан̣д̣зд̇и баалилзяяагам̣ убаниссааяа рагкид̇аванасан̣д̣з вихарад̇и. хад̇т̇инааг̇од̇и махаахад̇т̇ий. хад̇т̇игалабхзхийд̇и хад̇т̇ибод̇агзхи. хад̇т̇ижчаабзхийд̇и кийруубагзхи д̣̇ахарабод̇агзхи. чиннаг̇г̇аанийд̇и д̇зхи бурад̇о бурад̇о г̇ажчанд̇зхи чиннаг̇г̇аани кааяид̇аавасзсаани каан̣усад̣̇исаани д̇ин̣аани каад̣̇ад̇и. обхаг̇г̇обхаг̇г̇анд̇и д̇зна хад̇т̇инааг̇зна ужжадтаанад̇о бхан̃ж̇ид̇ваа бхан̃ж̇ид̇ваа баад̇ид̇ам̣. асса саакаабхан̇г̇анд̇и зд̇асса санд̇агам̣ саакаабхан̇г̇ам̣ д̇з каад̣̇анд̇и. аавилаанийд̇и д̇зхи батамад̇арам̣ од̇арид̇ваа биванд̇зхи аалулид̇аани гад̣̇д̣̇амод̣̇агаани бивад̇и. ог̇аахаад̇и д̇ид̇т̇ад̇о.
467.Pālileyyake viharati rakkhitavanasaṇḍeti pālileyyakaṃ upanissāya rakkhitavanasaṇḍe viharati. Hatthināgoti mahāhatthī. Hatthikalabhehīti hatthipotakehi. Hatthicchāpehīti khīrūpakehi daharapotakehi. Chinnaggānīti tehi purato purato gacchantehi chinnaggāni khāyitāvasesāni khāṇusadisāni tiṇāni khādati. Obhaggobhagganti tena hatthināgena uccaṭṭhānato bhañjitvā bhañjitvā pātitaṃ. Assa sākhābhaṅganti etassa santakaṃ sākhābhaṅgaṃ te khādanti. Āvilānīti tehi paṭhamataraṃ otaritvā pivantehi ālulitāni kaddamodakāni pivati. Ogāhāti titthato.
нааг̇асса нааг̇знаад̇и хад̇т̇инааг̇асса б̣уд̣̇д̇ханааг̇зна. ийсаад̣̇анд̇ассаад̇и рат̇аийсаасад̣̇исад̣̇анд̇асса. яад̣̇зго рамад̇ий ванзд̇и яасмаа б̣уд̣̇д̇ханааг̇о вияа аяамби хад̇т̇инааг̇о зго бавивид̇д̇о ванз рамад̇и; д̇асмаасса нааг̇асса нааг̇зна жид̇д̇ам̣ самзд̇и, згийбхааварад̇ияаа згасад̣̇исам̣ ход̇ийд̇и ад̇т̇о.
Nāgassa nāgenāti hatthināgassa buddhanāgena. Īsādantassāti rathaīsāsadisadantassa. Yadeko ramatī vaneti yasmā buddhanāgo viya ayampi hatthināgo eko pavivitto vane ramati; tasmāssa nāgassa nāgena cittaṃ sameti, ekībhāvaratiyā ekasadisaṃ hotīti attho.
яат̇аабхиранд̇ам̣ вихарид̇ваад̇и зд̇т̇а д̇змаасам̣ бхаг̇аваа д̇ад̇т̇а вихаасийд̇и взд̣̇ид̇аб̣б̣о. зд̇д̇аавад̇аа госамб̣агзхи гира уб̣б̣аал̣хо бхаг̇аваа д̇змаасам̣ аран̃н̃ам̣ бависид̇ваа васийд̇и саб̣б̣ад̇т̇а гат̇аа бад̇т̇адаа ахоси.
Yathābhirantaṃ viharitvāti ettha temāsaṃ bhagavā tattha vihāsīti veditabbo. Ettāvatā kosambakehi kira ubbāḷho bhagavā temāsaṃ araññaṃ pavisitvā vasīti sabbattha kathā patthaṭā ahosi.
ат̇а ко госамб̣агаа убаасагаад̇и ат̇а ко имам̣ гат̇аасаллаабам̣ суд̇ваа госамб̣иваасино убаасагаа.
Atha kho kosambakā upāsakāti atha kho imaṃ kathāsallāpaṃ sutvā kosambivāsino upāsakā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 275. баалилзяяагаг̇аманагат̇аа • 275. Pālileyyakagamanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баалилзяяагаг̇аманагат̇ааван̣н̣анаа • Pālileyyakagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баалилзяяагаг̇аманагат̇ааван̣н̣анаа • Pālileyyakagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баалилзяяагаг̇аманагат̇ааван̣н̣анаа • Pālileyyakagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 275. баалилзяяагаг̇аманагат̇аа • 275. Pālileyyakagamanakathā
