| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
275. баалилзяяагаг̇аманагат̇аа
275. Pālileyyakagamanakathā
467. 1 ат̇а ко бхаг̇аваа ааяасманд̇ан̃жа ануруд̣̇д̇хам̣ ааяасманд̇ан̃жа нанд̣̇ияам̣ ааяасманд̇ан̃жа гимилам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа язна баалилзяяагам̣ 2 д̇зна жааригам̣ баггаами. анубуб̣б̣зна жааригам̣ жарамаано язна баалилзяяагам̣ д̇ад̣̇авасари. д̇ад̇ра суд̣̇ам̣ бхаг̇аваа баалилзяяагз вихарад̇и рагкид̇аванасан̣д̣з бхад̣̇д̣̇асааламуулз. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘ахам̣ ко буб̣б̣з аагин̣н̣о на паасу вихаасим̣ д̇зхи госамб̣агзхи 3 бхигкуухи бхан̣д̣анагаарагзхи галахагаарагзхи виваад̣̇агаарагзхи бхассагаарагзхи сан̇гхз ад̇хигаран̣агаарагзхи. сомхи зд̇арахи зго ад̣̇уд̇ияо сукам̣ паасу вихараами ан̃н̃ад̇рзва д̇зхи госамб̣агзхи бхигкуухи бхан̣д̣анагаарагзхи галахагаарагзхи виваад̣̇агаарагзхи бхассагаарагзхи сан̇гхз ад̇хигаран̣агаарагзхий’’д̇и.
467.4 Atha kho bhagavā āyasmantañca anuruddhaṃ āyasmantañca nandiyaṃ āyasmantañca kimilaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā yena pālileyyakaṃ 5 tena cārikaṃ pakkāmi. Anupubbena cārikaṃ caramāno yena pālileyyakaṃ tadavasari. Tatra sudaṃ bhagavā pālileyyake viharati rakkhitavanasaṇḍe bhaddasālamūle. Atha kho bhagavato rahogatassa paṭisallīnassa evaṃ cetaso parivitakko udapādi – ‘‘ahaṃ kho pubbe ākiṇṇo na phāsu vihāsiṃ tehi kosambakehi 6 bhikkhūhi bhaṇḍanakārakehi kalahakārakehi vivādakārakehi bhassakārakehi saṅghe adhikaraṇakārakehi. Somhi etarahi eko adutiyo sukhaṃ phāsu viharāmi aññatreva tehi kosambakehi bhikkhūhi bhaṇḍanakārakehi kalahakārakehi vivādakārakehi bhassakārakehi saṅghe adhikaraṇakārakehī’’ti.
ан̃н̃ад̇ароби ко хад̇т̇инааг̇о аагин̣н̣о вихарад̇и хад̇т̇ийхи хад̇т̇инийхи хад̇т̇игал̣абхзхи хад̇т̇ижчаабзхи, чиннаг̇г̇аани жзва д̇ин̣аани каад̣̇ад̇и, обхаг̇г̇обхаг̇г̇ан̃жасса саакаабхан̇г̇ам̣ каад̣̇анд̇и, аавилаани жа баанийяаани бивад̇и, ог̇аахаа жасса од̇ин̣н̣асса хад̇т̇инияо гааяам̣ убанигхам̣санд̇ияо г̇ажчанд̇и. ат̇а ко д̇асса хад̇т̇инааг̇асса зд̇ад̣̇ахоси – ‘‘ахам̣ ко аагин̣н̣о вихараами хад̇т̇ийхи хад̇т̇инийхи хад̇т̇игал̣абхзхи хад̇т̇ижчаабзхи, чиннаг̇г̇аани жзва д̇ин̣аани каад̣̇аами, обхаг̇г̇обхаг̇г̇ан̃жа мз саакаабхан̇г̇ам̣ каад̣̇анд̇и, аавилаани жа баанийяаани биваами, ог̇аахаа жа мз од̇ин̣н̣асса хад̇т̇инияо гааяам̣ убанигхам̣санд̇ияо г̇ажчанд̇и. яам̣нуунаахам̣ згова г̇ан̣асмаа вуубагадто вихарзяяа’’нд̇и. ат̇а ко со хад̇т̇инааг̇о яуут̇аа абаггамма язна баалилзяяагам̣ рагкид̇аванасан̣д̣о бхад̣̇д̣̇асааламуулам̣ язна бхаг̇аваа д̇знубасан̇гами, убасан̇гамид̇ваа сон̣д̣ааяа бхаг̇авад̇о баанийяам̣ барибхож̇анийяам̣ убадтаабзд̇и, аббахарид̇ан̃жа гарод̇и. ат̇а ко д̇асса хад̇т̇инааг̇асса зд̇ад̣̇ахоси – ‘‘ахам̣ ко буб̣б̣з аагин̣н̣о на паасу вихаасим̣ хад̇т̇ийхи хад̇т̇инийхи хад̇т̇игал̣абхзхи хад̇т̇ижчаабзхи, чиннаг̇г̇аани жзва д̇ин̣аани каад̣̇им̣, обхаг̇г̇обхаг̇г̇ан̃жа мз саакаабхан̇г̇ам̣ каад̣̇им̣су, аавилаани жа баанийяаани абааяим̣ ог̇аахаа жа мз од̇ин̣н̣асса 7 хад̇т̇инияо гааяам̣ убанигхам̣санд̇ияо аг̇амам̣су. сомхи зд̇арахи зго ад̣̇уд̇ияо сукам̣ паасу вихараами ан̃н̃ад̇рзва хад̇т̇ийхи хад̇т̇инийхи хад̇т̇игал̣абхзхи хад̇т̇ижчаабзхий’’д̇и.
Aññataropi kho hatthināgo ākiṇṇo viharati hatthīhi hatthinīhi hatthikaḷabhehi hatthicchāpehi, chinnaggāni ceva tiṇāni khādati, obhaggobhaggañcassa sākhābhaṅgaṃ khādanti, āvilāni ca pānīyāni pivati, ogāhā cassa otiṇṇassa hatthiniyo kāyaṃ upanighaṃsantiyo gacchanti. Atha kho tassa hatthināgassa etadahosi – ‘‘ahaṃ kho ākiṇṇo viharāmi hatthīhi hatthinīhi hatthikaḷabhehi hatthicchāpehi, chinnaggāni ceva tiṇāni khādāmi, obhaggobhaggañca me sākhābhaṅgaṃ khādanti, āvilāni ca pānīyāni pivāmi, ogāhā ca me otiṇṇassa hatthiniyo kāyaṃ upanighaṃsantiyo gacchanti. Yaṃnūnāhaṃ ekova gaṇasmā vūpakaṭṭho vihareyya’’nti. Atha kho so hatthināgo yūthā apakkamma yena pālileyyakaṃ rakkhitavanasaṇḍo bhaddasālamūlaṃ yena bhagavā tenupasaṅkami, upasaṅkamitvā soṇḍāya bhagavato pānīyaṃ paribhojanīyaṃ upaṭṭhāpeti, appaharitañca karoti. Atha kho tassa hatthināgassa etadahosi – ‘‘ahaṃ kho pubbe ākiṇṇo na phāsu vihāsiṃ hatthīhi hatthinīhi hatthikaḷabhehi hatthicchāpehi, chinnaggāni ceva tiṇāni khādiṃ, obhaggobhaggañca me sākhābhaṅgaṃ khādiṃsu, āvilāni ca pānīyāni apāyiṃ ogāhā ca me otiṇṇassa 8 hatthiniyo kāyaṃ upanighaṃsantiyo agamaṃsu. Somhi etarahi eko adutiyo sukhaṃ phāsu viharāmi aññatreva hatthīhi hatthinīhi hatthikaḷabhehi hatthicchāpehī’’ti.
ат̇а ко бхаг̇аваа ад̇д̇ано жа бавивзгам̣ вид̣̇ид̇ваа д̇асса жа хад̇т̇инааг̇асса жзд̇асаа жзд̇обаривид̇аггаман̃н̃ааяа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā attano ca pavivekaṃ viditvā tassa ca hatthināgassa cetasā cetoparivitakkamaññāya tāyaṃ velāyaṃ imaṃ udānaṃ udānesi –
самзд̇и жид̇д̇ам̣ жид̇д̇зна, яад̣̇зго рамад̇ий ванз’’д̇и.
Sameti cittaṃ cittena, yadeko ramatī vane’’ti.
ат̇а ко бхаг̇аваа баалилзяяагз яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и д̇ад̣̇авасари. д̇ад̇ра суд̣̇ам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко госамб̣агаа убаасагаа – ‘‘имз ко аяяаа госамб̣агаа бхигкуу б̣ахуно амхаагам̣ анад̇т̇асса гаарагаа . имзхи уб̣б̣аал̣хо бхаг̇аваа багганд̇о. ханд̣̇а маяам̣ аяяз госамб̣агз бхигкуу нзва абхиваад̣̇зяяаама, на бажжудтзяяаама, на ан̃ж̇алигаммам̣ саамийжигаммам̣ гарзяяаама, на саггарзяяаама, на г̇арум̣ гарзяяаама, на маанзяяаама, на бхаж̇зяяаама, на бууж̇зяяаама, убаг̇ад̇аанамби бин̣д̣агам̣ на д̣̇аж̇ж̇зяяаама – звам̣ имз амхзхи асаггарияамаанаа аг̇аругарияамаанаа амаанияамаанаа абхаж̇ияамаанаа абууж̇ияамаанаа асаггаарабагад̇аа баггамиссанд̇и ваа виб̣бхамиссанд̇и ваа бхаг̇аванд̇ам̣ ваа басаад̣̇зссанд̇ий’’д̇и. ат̇а ко госамб̣агаа убаасагаа госамб̣агз бхигкуу нзва абхиваад̣̇зсум̣, на бажжудтзсум̣, на ан̃ж̇алигаммам̣ саамийжигаммам̣ агам̣су, на саггарим̣су, на г̇арум̣ гарим̣су, на маанзсум̣, на бхаж̇зсум̣ на бууж̇зсум̣, убаг̇ад̇аанамби бин̣д̣агам̣ на ад̣̇ам̣су. ат̇а ко госамб̣агаа бхигкуу госамб̣агзхи убаасагзхи асаггарияамаанаа аг̇аругарияамаанаа амаанияамаанаа абхаж̇ияамаанаа абууж̇ияамаанаа асаггаарабагад̇аа звамаахам̣су – ‘‘ханд̣̇а маяам̣, аавусо, саавад̇т̇им̣ г̇анд̇ваа бхаг̇авад̇о санд̇игз имам̣ ад̇хигаран̣ам̣ вуубасамзяяаамаа’’д̇и.
Atha kho bhagavā pālileyyake yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Atha kho kosambakā upāsakā – ‘‘ime kho ayyā kosambakā bhikkhū bahuno amhākaṃ anatthassa kārakā . Imehi ubbāḷho bhagavā pakkanto. Handa mayaṃ ayye kosambake bhikkhū neva abhivādeyyāma, na paccuṭṭheyyāma, na añjalikammaṃ sāmīcikammaṃ kareyyāma, na sakkareyyāma, na garuṃ kareyyāma, na māneyyāma, na bhajeyyāma, na pūjeyyāma, upagatānampi piṇḍakaṃ na dajjeyyāma – evaṃ ime amhehi asakkariyamānā agarukariyamānā amāniyamānā abhajiyamānā apūjiyamānā asakkārapakatā pakkamissanti vā vibbhamissanti vā bhagavantaṃ vā pasādessantī’’ti. Atha kho kosambakā upāsakā kosambake bhikkhū neva abhivādesuṃ, na paccuṭṭhesuṃ, na añjalikammaṃ sāmīcikammaṃ akaṃsu, na sakkariṃsu, na garuṃ kariṃsu, na mānesuṃ, na bhajesuṃ na pūjesuṃ, upagatānampi piṇḍakaṃ na adaṃsu. Atha kho kosambakā bhikkhū kosambakehi upāsakehi asakkariyamānā agarukariyamānā amāniyamānā abhajiyamānā apūjiyamānā asakkārapakatā evamāhaṃsu – ‘‘handa mayaṃ, āvuso, sāvatthiṃ gantvā bhagavato santike imaṃ adhikaraṇaṃ vūpasameyyāmā’’ti.
баалилзяяагаг̇аманагат̇аа нидтид̇аа.
Pālileyyakagamanakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / баалилзяяагаг̇аманагат̇аа • Pālileyyakagamanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баалилзяяагаг̇аманагат̇ааван̣н̣анаа • Pālileyyakagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баалилзяяагаг̇аманагат̇ааван̣н̣анаа • Pālileyyakagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баалилзяяагаг̇аманагат̇ааван̣н̣анаа • Pālileyyakagamanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 275. баалилзяяагаг̇аманагат̇аа • 275. Pālileyyakagamanakathā
