| Library / Tipiṭaka / తిపిటక • Tipiṭaka / మహావగ్గ-అట్ఠకథా • Mahāvagga-aṭṭhakathā |
పాలిలేయ్యకగమనకథా
Pālileyyakagamanakathā
౪౬౭. పాలిలేయ్యకే విహరతి రక్ఖితవనసణ్డేతి పాలిలేయ్యకం ఉపనిస్సాయ రక్ఖితవనసణ్డే విహరతి. హత్థినాగోతి మహాహత్థీ. హత్థికలభేహీతి హత్థిపోతకేహి. హత్థిచ్ఛాపేహీతి ఖీరూపకేహి దహరపోతకేహి. ఛిన్నగ్గానీతి తేహి పురతో పురతో గచ్ఛన్తేహి ఛిన్నగ్గాని ఖాయితావసేసాని ఖాణుసదిసాని తిణాని ఖాదతి. ఓభగ్గోభగ్గన్తి తేన హత్థినాగేన ఉచ్చట్ఠానతో భఞ్జిత్వా భఞ్జిత్వా పాతితం. అస్స సాఖాభఙ్గన్తి ఏతస్స సన్తకం సాఖాభఙ్గం తే ఖాదన్తి. ఆవిలానీతి తేహి పఠమతరం ఓతరిత్వా పివన్తేహి ఆలులితాని కద్దమోదకాని పివతి. ఓగాహాతి తిత్థతో.
467.Pālileyyake viharati rakkhitavanasaṇḍeti pālileyyakaṃ upanissāya rakkhitavanasaṇḍe viharati. Hatthināgoti mahāhatthī. Hatthikalabhehīti hatthipotakehi. Hatthicchāpehīti khīrūpakehi daharapotakehi. Chinnaggānīti tehi purato purato gacchantehi chinnaggāni khāyitāvasesāni khāṇusadisāni tiṇāni khādati. Obhaggobhagganti tena hatthināgena uccaṭṭhānato bhañjitvā bhañjitvā pātitaṃ. Assa sākhābhaṅganti etassa santakaṃ sākhābhaṅgaṃ te khādanti. Āvilānīti tehi paṭhamataraṃ otaritvā pivantehi ālulitāni kaddamodakāni pivati. Ogāhāti titthato.
నాగస్స నాగేనాతి హత్థినాగస్స బుద్ధనాగేన. ఈసాదన్తస్సాతి రథఈసాసదిసదన్తస్స. యదేకో రమతీ వనేతి యస్మా బుద్ధనాగో వియ అయమ్పి హత్థినాగో ఏకో పవివిత్తో వనే రమతి; తస్మాస్స నాగస్స నాగేన చిత్తం సమేతి, ఏకీభావరతియా ఏకసదిసం హోతీతి అత్థో.
Nāgassa nāgenāti hatthināgassa buddhanāgena. Īsādantassāti rathaīsāsadisadantassa. Yadeko ramatī vaneti yasmā buddhanāgo viya ayampi hatthināgo eko pavivitto vane ramati; tasmāssa nāgassa nāgena cittaṃ sameti, ekībhāvaratiyā ekasadisaṃ hotīti attho.
యథాభిరన్తం విహరిత్వాతి ఏత్థ తేమాసం భగవా తత్థ విహాసీతి వేదితబ్బో. ఏత్తావతా కోసమ్బకేహి కిర ఉబ్బాళ్హో భగవా తేమాసం అరఞ్ఞం పవిసిత్వా వసీతి సబ్బత్థ కథా పత్థటా అహోసి.
Yathābhirantaṃ viharitvāti ettha temāsaṃ bhagavā tattha vihāsīti veditabbo. Ettāvatā kosambakehi kira ubbāḷho bhagavā temāsaṃ araññaṃ pavisitvā vasīti sabbattha kathā patthaṭā ahosi.
అథ ఖో కోసమ్బకా ఉపాసకాతి అథ ఖో ఇమం కథాసల్లాపం సుత్వా కోసమ్బివాసినో ఉపాసకా.
Atha kho kosambakā upāsakāti atha kho imaṃ kathāsallāpaṃ sutvā kosambivāsino upāsakā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౨౭౫. పాలిలేయ్యకగమనకథా • 275. Pālileyyakagamanakathā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / పాలిలేయ్యకగమనకథావణ్ణనా • Pālileyyakagamanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / పాలిలేయ్యకగమనకథావణ్ణనా • Pālileyyakagamanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / పాలిలేయ్యకగమనకథావణ్ణనా • Pālileyyakagamanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౨౭౫. పాలిలేయ్యకగమనకథా • 275. Pālileyyakagamanakathā
