| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੭੫. ਪਾਲਿਲੇਯ੍ਯਕਗਮਨਕਥਾ
275. Pālileyyakagamanakathā
੪੬੭. ਪਾਲਿਲੇਯ੍ਯਕਨ੍ਤਿ ਪਲਿਲવਨਸਣ੍ਡੇ વਸਨ੍ਤਹਤ੍ਥਿਨਾਗਂ। ‘‘ਹਤ੍ਥੀ’’ਤਿ ਚ ‘‘ਨਾਗੋ’’ਤਿ ਚ ਦ੍વਿਨ੍ਨਂ ਸਦ੍ਦਾਨਂ ਪਰਿਯਾਯਭਾવੇਨ વੁਤ੍ਤਤ੍ਤਾ ਅਧਿਕਤ੍ਥੋਤਿ ਆਹ ‘‘ਮਹਾਹਤ੍ਥੀ’’ਤਿ। ਪੁਰਤੋ ਪੁਰਤੋ ਗਚ੍ਛਨ੍ਤੇਹਿ ਤੇਹਿ ਹਤ੍ਥਿਆਦੀਹਿ ਛਿਨ੍ਨਗ੍ਗਾਨੀਤਿ ਯੋਜਨਾ। ਓਭਗ੍ਗੋਭਗ੍ਗਨ੍ਤਿ ਭਞ੍ਜਿਤ੍વਾ ਅਧੋਪਾਤਿਤਂ ਓਭਗ੍ਗਨ੍ਤਿ ਦਸ੍ਸੇਨ੍ਤੋ ਆਹ ‘‘ਭਞ੍ਜਿਤ੍વਾ ਭਞ੍ਜਿਤ੍વਾ ਪਾਤਿਤ’’ਨ੍ਤਿ। ‘‘ਉਚ੍ਚਟ੍ਠਾਨਤੋ’’ਤਿ ਇਮਿਨਾ ਅવਤ੍ਯੂਪਸਗ੍ਗਸ੍ਸ ਅਧੋਤ੍ਥਂ ਨਯੇਨ ਦਸ੍ਸੇਤਿ। ਏਤਸ੍ਸਾਤਿ ਹਤ੍ਥਿਨਾਗਸ੍ਸ। ਤੇਤਿ ਹਤ੍ਥਿਆਦਯੋ। ਤੇਹੀਤਿ ਹਤ੍ਥਿਆਦੀਹਿ। ਪਿવਨ੍ਤੇਹਿ ਤੇਹੀਤਿ ਯੋਜਨਾ। ਕਦ੍ਦਮੋਦਕਾਨੀਤਿ ਕਦ੍ਦਮੇਨ ਸਂਸਟ੍ਠਾਨਿ ਉਦਕਾਨਿ।
467.Pālileyyakanti palilavanasaṇḍe vasantahatthināgaṃ. ‘‘Hatthī’’ti ca ‘‘nāgo’’ti ca dvinnaṃ saddānaṃ pariyāyabhāvena vuttattā adhikatthoti āha ‘‘mahāhatthī’’ti. Purato purato gacchantehi tehi hatthiādīhi chinnaggānīti yojanā. Obhaggobhagganti bhañjitvā adhopātitaṃ obhagganti dassento āha ‘‘bhañjitvā bhañjitvā pātita’’nti. ‘‘Uccaṭṭhānato’’ti iminā avatyūpasaggassa adhotthaṃ nayena dasseti. Etassāti hatthināgassa. Teti hatthiādayo. Tehīti hatthiādīhi. Pivantehi tehīti yojanā. Kaddamodakānīti kaddamena saṃsaṭṭhāni udakāni.
ਈਸਾਦਨ੍ਤਸ੍ਸਾਤਿ ਏਤ੍ਥ ਈਸਾਯ ਸਦਿਸੋ ਦਨ੍ਤੋ ਇਮਸ੍ਸਾਤਿ ਈਸਾਦਨ੍ਤੋਤਿ ਦਸ੍ਸੇਨ੍ਤੋ ਆਹ ‘‘ਰਥਈਸਾਸਦਿਸਦਨ੍ਤਸ੍ਸਾ’’ਤਿ। ‘‘ਰਥਈਸਾ’’ਤਿ ਇਮਿਨਾ ਨਙ੍ਗਲਈਸਂ ਨਿવਤ੍ਤੇਤਿ। ਯਦੇਕੋਤਿ ਯਂ ਏਕੋ। ਯਂਸਦ੍ਦੋ ਕਾਰਣਤ੍ਥੋਤਿ ਆਹ ‘‘ਯਸ੍ਮਾ’’ਤਿ। ਅਸ੍ਸ ਨਾਗਸ੍ਸਾਤਿ ਹਤ੍ਥਿਨਾਗਸ੍ਸ। ਨਾਗੇਨਾਤਿ ਬੁਦ੍ਧਨਾਗੇਨ।
Īsādantassāti ettha īsāya sadiso danto imassāti īsādantoti dassento āha ‘‘rathaīsāsadisadantassā’’ti. ‘‘Rathaīsā’’ti iminā naṅgalaīsaṃ nivatteti. Yadekoti yaṃ eko. Yaṃsaddo kāraṇatthoti āha ‘‘yasmā’’ti. Assa nāgassāti hatthināgassa. Nāgenāti buddhanāgena.
ਯਥਾਭਿਰਨ੍ਤਨ੍ਤਿ ਏਤ੍ਥ ਕਿਤ੍ਤਕਂ ਕਾਲਂ ਰਮਤੀਤਿ ਆਹ ‘‘ਤੇਮਾਸ’’ਨ੍ਤਿ। ਏਤ੍ਤਾવਤਾਤਿ ਏਤ੍ਤਕੇਨ ਤੇਮਾਸવਿਹਰਣੇਨ। ਪਤ੍ਥਟਾ ਅਹੋਸੀਤਿ ਸਮ੍ਬਨ੍ਧੋ। ਸਬ੍ਬਤ੍ਥਾਤਿ ਸਬ੍ਬਸ੍ਮਿਂ ਜਮ੍ਬੁਦੀਪਤਲੇ।
Yathābhirantanti ettha kittakaṃ kālaṃ ramatīti āha ‘‘temāsa’’nti. Ettāvatāti ettakena temāsaviharaṇena. Patthaṭā ahosīti sambandho. Sabbatthāti sabbasmiṃ jambudīpatale.
‘‘ਕੋਸਮ੍ਬਿਨਿવਾਸਿਨੋ’’ਤਿ ਇਮਿਨਾ ਕੋਸਮ੍ਬਿਯਂ ਨਿવਸਨ੍ਤੀਤਿ ਕੋਸਮ੍ਬਕਾਤਿ વਚਨਤ੍ਥਂ ਦਸ੍ਸੇਤਿ।
‘‘Kosambinivāsino’’ti iminā kosambiyaṃ nivasantīti kosambakāti vacanatthaṃ dasseti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੨੭੫. ਪਾਲਿਲੇਯ੍ਯਕਗਮਨਕਥਾ • 275. Pālileyyakagamanakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪਾਲਿਲੇਯ੍ਯਕਗਮਨਕਥਾ • Pālileyyakagamanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਲਿਲੇਯ੍ਯਕਗਮਨਕਥਾવਣ੍ਣਨਾ • Pālileyyakagamanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪਾਲਿਲੇਯ੍ਯਕਗਮਨਕਥਾવਣ੍ਣਨਾ • Pālileyyakagamanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਾਲਿਲੇਯ੍ਯਕਗਮਨਕਥਾવਣ੍ਣਨਾ • Pālileyyakagamanakathāvaṇṇanā
