| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. баалилзяяасуд̇д̇ам̣
9. Pālileyyasuttaṃ
81. згам̣ самаяам̣ бхаг̇аваа госамб̣ияам̣ вихарад̇и гхосид̇аараамз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа госамб̣им̣ бин̣д̣ааяа баависи. госамб̣ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о саамам̣ сзнаасанам̣ сам̣саамзд̇ваа бад̇д̇ажийварамаад̣̇ааяа анааманд̇зд̇ваа убадтаагз анабалогзд̇ваа бхигкусан̇гхам̣ зго ад̣̇уд̇ияо жааригам̣ баггаами.
81. Ekaṃ samayaṃ bhagavā kosambiyaṃ viharati ghositārāme. Atha kho bhagavā pubbaṇhasamayaṃ nivāsetvā pattacīvaramādāya kosambiṃ piṇḍāya pāvisi. Kosambiyaṃ piṇḍāya caritvā pacchābhattaṃ piṇḍapātapaṭikkanto sāmaṃ senāsanaṃ saṃsāmetvā pattacīvaramādāya anāmantetvā upaṭṭhāke anapaloketvā bhikkhusaṅghaṃ eko adutiyo cārikaṃ pakkāmi.
ат̇а ко ан̃н̃ад̇аро бхигку ажирабагганд̇асса бхаг̇авад̇о язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘зсаавусо, аананд̣̇а, бхаг̇аваа саамам̣ сзнаасанам̣ сам̣саамзд̇ваа бад̇д̇ажийварамаад̣̇ааяа анааманд̇зд̇ваа убадтаагз анабалогзд̇ваа бхигкусан̇гхам̣ зго ад̣̇уд̇ияо жааригам̣ багганд̇о’’д̇и. ‘‘яасмим̣, аавусо, самаяз бхаг̇аваа саамам̣ сзнаасанам̣ сам̣саамзд̇ваа бад̇д̇ажийварамаад̣̇ааяа анааманд̇зд̇ваа убадтаагз анабалогзд̇ваа бхигкусан̇гхам̣ зго ад̣̇уд̇ияо жааригам̣ баггамад̇и, згова бхаг̇аваа д̇асмим̣ самаяз вихарид̇угаамо ход̇и; на бхаг̇аваа д̇асмим̣ самаяз гзнажи ануб̣анд̇хид̇аб̣б̣о ход̇ий’’д̇и.
Atha kho aññataro bhikkhu acirapakkantassa bhagavato yenāyasmā ānando tenupasaṅkami; upasaṅkamitvā āyasmantaṃ ānandaṃ etadavoca – ‘‘esāvuso, ānanda, bhagavā sāmaṃ senāsanaṃ saṃsāmetvā pattacīvaramādāya anāmantetvā upaṭṭhāke anapaloketvā bhikkhusaṅghaṃ eko adutiyo cārikaṃ pakkanto’’ti. ‘‘Yasmiṃ, āvuso, samaye bhagavā sāmaṃ senāsanaṃ saṃsāmetvā pattacīvaramādāya anāmantetvā upaṭṭhāke anapaloketvā bhikkhusaṅghaṃ eko adutiyo cārikaṃ pakkamati, ekova bhagavā tasmiṃ samaye viharitukāmo hoti; na bhagavā tasmiṃ samaye kenaci anubandhitabbo hotī’’ti.
ат̇а ко бхаг̇аваа анубуб̣б̣зна жааригам̣ жарамаано язна баалилзяяагам̣ 1 д̇ад̣̇авасари. д̇ад̇ра суд̣̇ам̣ бхаг̇аваа баалилзяяагз вихарад̇и бхад̣̇д̣̇асааламуулз. ат̇а ко самб̣ахулаа бхигкуу язнааяасмаа аананд̣̇о д̇знубасан̇гамим̣су; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу ааяасманд̇ам̣ аананд̣̇ам̣ зд̇ад̣̇авожум̣ – ‘‘жирассуд̇аа ко но, аавусо аананд̣̇а, бхаг̇авад̇о саммукаа д̇хаммий гат̇аа; ижчаама маяам̣, аавусо аананд̣̇а, бхаг̇авад̇о саммукаа д̇хаммим̣ гат̇ам̣ сод̇у’’нд̇и.
Atha kho bhagavā anupubbena cārikaṃ caramāno yena pālileyyakaṃ 2 tadavasari. Tatra sudaṃ bhagavā pālileyyake viharati bhaddasālamūle. Atha kho sambahulā bhikkhū yenāyasmā ānando tenupasaṅkamiṃsu; upasaṅkamitvā āyasmatā ānandena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te bhikkhū āyasmantaṃ ānandaṃ etadavocuṃ – ‘‘cirassutā kho no, āvuso ānanda, bhagavato sammukhā dhammī kathā; icchāma mayaṃ, āvuso ānanda, bhagavato sammukhā dhammiṃ kathaṃ sotu’’nti.
ат̇а ко ааяасмаа аананд̣̇о д̇зхи бхигкуухи сад̣̇д̇хим̣ язна баалилзяяагам̣ бхад̣̇д̣̇асааламуулам̣ язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннз ко д̇з бхигкуу бхаг̇аваа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. д̇зна ко бана самаязна ан̃н̃ад̇арасса бхигкуно звам̣ жзд̇асо баривид̇агго уд̣̇абаад̣̇и – ‘‘гат̇ам̣ ну ко ж̇аанад̇о гат̇ам̣ бассад̇о ананд̇араа аасаваанам̣ каяо ход̇ий’’д̇и? ат̇а ко бхаг̇аваа д̇асса бхигкуно жзд̇асаа жзд̇обаривид̇аггаман̃н̃ааяа бхигкуу ааманд̇зси – ‘‘вижаяасо д̣̇зсид̇о, бхигкавз, маяаа д̇хаммо; вижаяасо д̣̇зсид̇аа жад̇д̇ааро сад̇ибадтаанаа; вижаяасо д̣̇зсид̇аа жад̇д̇ааро саммаббад̇хаанаа; вижаяасо д̣̇зсид̇аа жад̇д̇ааро ид̣̇д̇хибаад̣̇аа; вижаяасо д̣̇зсид̇аани бан̃жинд̣̇рияаани; вижаяасо д̣̇зсид̇аани бан̃жа б̣алаани; вижаяасо д̣̇зсид̇аа сад̇д̇аб̣ож̇жхан̇г̇аа; вижаяасо д̣̇зсид̇о арияо адтан̇г̇иго маг̇г̇о. звам̣ вижаяасо д̣̇зсид̇о, бхигкавз, маяаа д̇хаммо. звам̣ вижаяасо д̣̇зсид̇з ко, бхигкавз, маяаа д̇хаммз ат̇а жа банид̇хзгажжасса бхигкуно звам̣ жзд̇асо баривид̇агго уд̣̇абаад̣̇и – ‘гат̇ам̣ ну ко ж̇аанад̇о гат̇ам̣ бассад̇о ананд̇араа аасаваанам̣ каяо ход̇ий’’’д̇и?
Atha kho āyasmā ānando tehi bhikkhūhi saddhiṃ yena pālileyyakaṃ bhaddasālamūlaṃ yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinne kho te bhikkhū bhagavā dhammiyā kathāya sandassesi samādapesi samuttejesi sampahaṃsesi. Tena kho pana samayena aññatarassa bhikkhuno evaṃ cetaso parivitakko udapādi – ‘‘kathaṃ nu kho jānato kathaṃ passato anantarā āsavānaṃ khayo hotī’’ti? Atha kho bhagavā tassa bhikkhuno cetasā cetoparivitakkamaññāya bhikkhū āmantesi – ‘‘vicayaso desito, bhikkhave, mayā dhammo; vicayaso desitā cattāro satipaṭṭhānā; vicayaso desitā cattāro sammappadhānā; vicayaso desitā cattāro iddhipādā; vicayaso desitāni pañcindriyāni; vicayaso desitāni pañca balāni; vicayaso desitā sattabojjhaṅgā; vicayaso desito ariyo aṭṭhaṅgiko maggo. Evaṃ vicayaso desito, bhikkhave, mayā dhammo. Evaṃ vicayaso desite kho, bhikkhave, mayā dhamme atha ca panidhekaccassa bhikkhuno evaṃ cetaso parivitakko udapādi – ‘kathaṃ nu kho jānato kathaṃ passato anantarā āsavānaṃ khayo hotī’’’ti?
‘‘гат̇ан̃жа, бхигкавз, ж̇аанад̇о гат̇ам̣ бассад̇о ананд̇араа аасаваанам̣ каяо ход̇и? ид̇ха бхигкавз, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и. яаа ко бана саа, бхигкавз, саманубассанаа сан̇кааро со. со бана сан̇кааро гим̣нид̣̇аано гим̣самуд̣̇аяо гим̣ж̇аад̇иго гим̣бабхаво? авиж̇ж̇аасампассаж̇зна, бхигкавз, взд̣̇аяид̇зна пудтасса ассуд̇авад̇о бут̇уж̇ж̇анасса уббаннаа д̇ан̣хаа; д̇ад̇ож̇о со сан̇кааро. ид̇и ко, бхигкавз, соби сан̇кааро анижжо сан̇кад̇о бадижжасамуббанно. сааби д̇ан̣хаа анижжаа сан̇кад̇аа бадижжасамуббаннаа. сааби взд̣̇анаа анижжаа сан̇кад̇аа бадижжасамуббаннаа. соби пассо анижжо сан̇кад̇о бадижжасамуббанно. сааби авиж̇ж̇аа анижжаа сан̇кад̇аа бадижжасамуббаннаа . звамби ко, бхигкавз, ж̇аанад̇о звам̣ бассад̇о ананд̇араа аасаваанам̣ каяо ход̇и.
‘‘Kathañca, bhikkhave, jānato kathaṃ passato anantarā āsavānaṃ khayo hoti? Idha bhikkhave, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati. Yā kho pana sā, bhikkhave, samanupassanā saṅkhāro so. So pana saṅkhāro kiṃnidāno kiṃsamudayo kiṃjātiko kiṃpabhavo? Avijjāsamphassajena, bhikkhave, vedayitena phuṭṭhassa assutavato puthujjanassa uppannā taṇhā; tatojo so saṅkhāro. Iti kho, bhikkhave, sopi saṅkhāro anicco saṅkhato paṭiccasamuppanno. Sāpi taṇhā aniccā saṅkhatā paṭiccasamuppannā. Sāpi vedanā aniccā saṅkhatā paṭiccasamuppannā. Sopi phasso anicco saṅkhato paṭiccasamuppanno. Sāpi avijjā aniccā saṅkhatā paṭiccasamuppannā . Evampi kho, bhikkhave, jānato evaṃ passato anantarā āsavānaṃ khayo hoti.
‘‘на хзва ко руубам̣ ад̇д̇ад̇о саманубассад̇и; аби жа ко руубаванд̇ам̣ ад̇д̇аанам̣ саманубассад̇и. яаа ко бана саа, бхигкавз, саманубассанаа сан̇кааро со. со бана сан̇кааро гим̣нид̣̇аано гим̣самуд̣̇аяо гим̣ж̇аад̇иго гим̣бабхаво? авиж̇ж̇аасампассаж̇зна, бхигкавз, взд̣̇аяид̇зна пудтасса ассуд̇авад̇о бут̇уж̇ж̇анасса уббаннаа д̇ан̣хаа; д̇ад̇ож̇о со сан̇кааро. ид̇и ко, бхигкавз, соби сан̇кааро анижжо сан̇кад̇о бадижжасамуббанно. сааби д̇ан̣хаа… сааби взд̣̇анаа… соби пассо… сааби авиж̇ж̇аа анижжаа сан̇кад̇аа бадижжасамуббаннаа. звамби ко, бхигкавз, ж̇аанад̇о звам̣ бассад̇о ананд̇араа аасаваанам̣ каяо ход̇и.
‘‘Na heva kho rūpaṃ attato samanupassati; api ca kho rūpavantaṃ attānaṃ samanupassati. Yā kho pana sā, bhikkhave, samanupassanā saṅkhāro so. So pana saṅkhāro kiṃnidāno kiṃsamudayo kiṃjātiko kiṃpabhavo? Avijjāsamphassajena, bhikkhave, vedayitena phuṭṭhassa assutavato puthujjanassa uppannā taṇhā; tatojo so saṅkhāro. Iti kho, bhikkhave, sopi saṅkhāro anicco saṅkhato paṭiccasamuppanno. Sāpi taṇhā… sāpi vedanā… sopi phasso… sāpi avijjā aniccā saṅkhatā paṭiccasamuppannā. Evampi kho, bhikkhave, jānato evaṃ passato anantarā āsavānaṃ khayo hoti.
‘‘на хзва ко руубам̣ ад̇д̇ад̇о саманубассад̇и, на руубаванд̇ам̣ ад̇д̇аанам̣ саманубассад̇и; аби жа ко ад̇д̇ани руубам̣ саманубассад̇и. яаа ко бана саа, бхигкавз , саманубассанаа сан̇кааро со. со бана сан̇кааро гим̣нид̣̇аано гим̣самуд̣̇аяо гим̣ж̇аад̇иго гим̣бабхаво? авиж̇ж̇аасампассаж̇зна, бхигкавз, взд̣̇аяид̇зна пудтасса ассуд̇авад̇о бут̇уж̇ж̇анасса уббаннаа д̇ан̣хаа; д̇ад̇ож̇о со сан̇кааро. ид̇и ко, бхигкавз, соби сан̇кааро анижжо сан̇кад̇о бадижжасамуббанно. сааби д̇ан̣хаа… сааби взд̣̇анаа… соби пассо… сааби авиж̇ж̇аа анижжаа сан̇кад̇аа бадижжасамуббаннаа. звамби ко, бхигкавз, ж̇аанад̇о звам̣ бассад̇о ананд̇араа аасаваанам̣ каяо ход̇и.
‘‘Na heva kho rūpaṃ attato samanupassati, na rūpavantaṃ attānaṃ samanupassati; api ca kho attani rūpaṃ samanupassati. Yā kho pana sā, bhikkhave , samanupassanā saṅkhāro so. So pana saṅkhāro kiṃnidāno kiṃsamudayo kiṃjātiko kiṃpabhavo? Avijjāsamphassajena, bhikkhave, vedayitena phuṭṭhassa assutavato puthujjanassa uppannā taṇhā; tatojo so saṅkhāro. Iti kho, bhikkhave, sopi saṅkhāro anicco saṅkhato paṭiccasamuppanno. Sāpi taṇhā… sāpi vedanā… sopi phasso… sāpi avijjā aniccā saṅkhatā paṭiccasamuppannā. Evampi kho, bhikkhave, jānato evaṃ passato anantarā āsavānaṃ khayo hoti.
‘‘на хзва ко руубам̣ ад̇д̇ад̇о саманубассад̇и, на руубаванд̇ам̣ ад̇д̇аанам̣ саманубассад̇и, на ад̇д̇ани руубам̣ саманубассад̇и; аби жа ко руубасмим̣ ад̇д̇аанам̣ саманубассад̇и. яаа ко бана саа, бхигкавз, саманубассанаа сан̇кааро со. со бана сан̇кааро гим̣нид̣̇аано гим̣самуд̣̇аяо гим̣ж̇аад̇иго гим̣бабхаво? авиж̇ж̇аасампассаж̇зна, бхигкавз, взд̣̇аяид̇з пудтасса ассуд̇авад̇о бут̇уж̇ж̇анасса уббаннаа д̇ан̣хаа; д̇ад̇ож̇о со сан̇кааро. ид̇и ко, бхигкавз, соби сан̇кааро анижжо сан̇кад̇о бадижжасамуббанно. сааби д̇ан̣хаа … сааби взд̣̇анаа… соби пассо… сааби авиж̇ж̇аа анижжаа сан̇кад̇аа бадижжасамуббаннаа. звамби ко, бхигкавз, ж̇аанад̇о…бз… аасаваанам̣ каяо ход̇и.
‘‘Na heva kho rūpaṃ attato samanupassati, na rūpavantaṃ attānaṃ samanupassati, na attani rūpaṃ samanupassati; api ca kho rūpasmiṃ attānaṃ samanupassati. Yā kho pana sā, bhikkhave, samanupassanā saṅkhāro so. So pana saṅkhāro kiṃnidāno kiṃsamudayo kiṃjātiko kiṃpabhavo? Avijjāsamphassajena, bhikkhave, vedayite phuṭṭhassa assutavato puthujjanassa uppannā taṇhā; tatojo so saṅkhāro. Iti kho, bhikkhave, sopi saṅkhāro anicco saṅkhato paṭiccasamuppanno. Sāpi taṇhā … sāpi vedanā… sopi phasso… sāpi avijjā aniccā saṅkhatā paṭiccasamuppannā. Evampi kho, bhikkhave, jānato…pe… āsavānaṃ khayo hoti.
‘‘на хзва ко руубам̣ ад̇д̇ад̇о саманубассад̇и, на руубаванд̇ам̣ ад̇д̇аанам̣, на ад̇д̇ани руубам̣, на руубасмим̣ ад̇д̇аанам̣ саманубассад̇и; аби жа ко взд̣̇анам̣ ад̇д̇ад̇о саманубассад̇и, аби жа ко взд̣̇анааванд̇ам̣ ад̇д̇аанам̣ саманубассад̇и, аби жа ко ад̇д̇ани взд̣̇анам̣ саманубассад̇и, аби жа ко взд̣̇анааяа ад̇д̇аанам̣ саманубассад̇и; аби жа ко сан̃н̃ам̣… аби жа ко сан̇каарз ад̇д̇ад̇о саманубассад̇и, аби жа ко сан̇каараванд̇ам̣ ад̇д̇аанам̣ саманубассад̇и, аби жа ко ад̇д̇ани сан̇каарз саманубассад̇и, аби жа ко сан̇каарзсу ад̇д̇аанам̣ саманубассад̇и; аби жа ко вин̃н̃аан̣ам̣ ад̇д̇ад̇о саманубассад̇и, аби жа ко вин̃н̃аан̣аванд̇ам̣ ад̇д̇аанам̣, аби жа ко ад̇д̇ани вин̃н̃аан̣ам̣, аби жа ко вин̃н̃аан̣асмим̣ ад̇д̇аанам̣ саманубассад̇и. яаа ко бана саа, бхигкавз, саманубассанаа сан̇кааро со. со бана сан̇кааро гим̣нид̣̇аано…бз… гим̣бабхаво? авиж̇ж̇аасампассаж̇зна, бхигкавз, взд̣̇аяид̇з пудтасса ассуд̇авад̇о бут̇уж̇ж̇анасса уббаннаа д̇ан̣хаа; д̇ад̇ож̇о со сан̇кааро. ид̇и ко, бхигкавз, соби сан̇кааро анижжо сан̇кад̇о бадижжасамуббанно. сааби д̇ан̣хаа… сааби взд̣̇анаа… соби пассо … сааби авиж̇ж̇аа анижжаа сан̇кад̇аа бадижжасамуббаннаа. звам̣ ко, бхигкавз, ж̇аанад̇о звам̣ бассад̇о ананд̇араа аасаваанам̣ каяо ход̇и.
‘‘Na heva kho rūpaṃ attato samanupassati, na rūpavantaṃ attānaṃ, na attani rūpaṃ, na rūpasmiṃ attānaṃ samanupassati; api ca kho vedanaṃ attato samanupassati, api ca kho vedanāvantaṃ attānaṃ samanupassati, api ca kho attani vedanaṃ samanupassati, api ca kho vedanāya attānaṃ samanupassati; api ca kho saññaṃ… api ca kho saṅkhāre attato samanupassati, api ca kho saṅkhāravantaṃ attānaṃ samanupassati, api ca kho attani saṅkhāre samanupassati, api ca kho saṅkhāresu attānaṃ samanupassati; api ca kho viññāṇaṃ attato samanupassati, api ca kho viññāṇavantaṃ attānaṃ, api ca kho attani viññāṇaṃ, api ca kho viññāṇasmiṃ attānaṃ samanupassati. Yā kho pana sā, bhikkhave, samanupassanā saṅkhāro so. So pana saṅkhāro kiṃnidāno…pe… kiṃpabhavo? Avijjāsamphassajena, bhikkhave, vedayite phuṭṭhassa assutavato puthujjanassa uppannā taṇhā; tatojo so saṅkhāro. Iti kho, bhikkhave, sopi saṅkhāro anicco saṅkhato paṭiccasamuppanno. Sāpi taṇhā… sāpi vedanā… sopi phasso … sāpi avijjā aniccā saṅkhatā paṭiccasamuppannā. Evaṃ kho, bhikkhave, jānato evaṃ passato anantarā āsavānaṃ khayo hoti.
‘‘на хзва ко руубам̣ ад̇д̇ад̇о саманубассад̇и, на взд̣̇анам̣ ад̇д̇ад̇о саманубассад̇и, на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и; аби жа ко звам̣д̣̇идти ход̇и – ‘со ад̇д̇аа со лого, со бзжжа бхависсаами нижжо д̇хуво сассад̇о авибарин̣аамад̇хаммо’д̇и. яаа ко бана саа, бхигкавз, сассад̇ад̣̇идти сан̇кааро со. со бана сан̇кааро гим̣нид̣̇аано…бз… звамби ко, бхигкавз, ж̇аанад̇о звам̣ бассад̇о ананд̇араа аасаваанам̣ каяо ход̇и.
‘‘Na heva kho rūpaṃ attato samanupassati, na vedanaṃ attato samanupassati, na saññaṃ… na saṅkhāre… na viññāṇaṃ attato samanupassati; api ca kho evaṃdiṭṭhi hoti – ‘so attā so loko, so pecca bhavissāmi nicco dhuvo sassato avipariṇāmadhammo’ti. Yā kho pana sā, bhikkhave, sassatadiṭṭhi saṅkhāro so. So pana saṅkhāro kiṃnidāno…pe… evampi kho, bhikkhave, jānato evaṃ passato anantarā āsavānaṃ khayo hoti.
‘‘на хзва ко руубам̣ ад̇д̇ад̇о саманубассад̇и, на взд̣̇анам̣ … на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и; нааби звам̣д̣̇идти ход̇и – ‘со ад̇д̇аа со лого, со бзжжа бхависсаами нижжо д̇хуво сассад̇о авибарин̣аамад̇хаммо’д̇и. аби жа ко звам̣д̣̇идти ход̇и – ‘но жассам̣ но жа мз сияаа наабхависсам̣ на мз бхависсад̇ий’д̇и. яаа ко бана саа, бхигкавз, ужчзд̣̇ад̣̇идти сан̇кааро со. со бана сан̇кааро гим̣нид̣̇аано гим̣самуд̣̇аяо гим̣ж̇аад̇иго гим̣бабхаво? авиж̇ж̇аасампассаж̇зна, бхигкавз, взд̣̇аяид̇зна пудтасса ассуд̇авад̇о бут̇уж̇ж̇анасса уббаннаа д̇ан̣хаа; д̇ад̇ож̇о со сан̇кааро. ид̇и ко, бхигкавз, соби сан̇кааро анижжо…бз… звамби ко, бхигкавз, ж̇аанад̇о звам̣ бассад̇о ананд̇араа аасаваанам̣ каяо ход̇и.
‘‘Na heva kho rūpaṃ attato samanupassati, na vedanaṃ … na saññaṃ… na saṅkhāre… na viññāṇaṃ attato samanupassati; nāpi evaṃdiṭṭhi hoti – ‘so attā so loko, so pecca bhavissāmi nicco dhuvo sassato avipariṇāmadhammo’ti. Api ca kho evaṃdiṭṭhi hoti – ‘no cassaṃ no ca me siyā nābhavissaṃ na me bhavissatī’ti. Yā kho pana sā, bhikkhave, ucchedadiṭṭhi saṅkhāro so. So pana saṅkhāro kiṃnidāno kiṃsamudayo kiṃjātiko kiṃpabhavo? Avijjāsamphassajena, bhikkhave, vedayitena phuṭṭhassa assutavato puthujjanassa uppannā taṇhā; tatojo so saṅkhāro. Iti kho, bhikkhave, sopi saṅkhāro anicco…pe… evampi kho, bhikkhave, jānato evaṃ passato anantarā āsavānaṃ khayo hoti.
‘‘на хзва ко руубам̣ ад̇д̇ад̇о саманубассад̇и, на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и…бз… на вин̃н̃аан̣асмим̣ ад̇д̇ад̇о саманубассад̇и, нааби звам̣д̣̇идти ход̇и – ‘со ад̇д̇аа со лого, со бзжжа бхависсаами нижжо д̇хуво сассад̇о авибарин̣аамад̇хаммо’д̇и; нааби звам̣д̣̇идти ход̇и – ‘но жассам̣ но жа мз сияаа наабхависсам̣ на мз бхависсад̇ий’д̇и; аби жа ко ган̇кий ход̇и вижигижчий анидтан̇г̇ад̇о сад̣̇д̇хаммз. яаа ко бана саа, бхигкавз, ган̇кид̇аа вижигижчид̇аа анидтан̇г̇ад̇ад̇аа сад̣̇д̇хаммз сан̇кааро со. со бана сан̇кааро гим̣нид̣̇аано гим̣самуд̣̇аяо гим̣ж̇аад̇иго гим̣бабхаво? авиж̇ж̇аасампассаж̇зна, бхигкавз, взд̣̇аяид̇зна пудтасса ассуд̇авад̇о бут̇уж̇ж̇анасса уббаннаа д̇ан̣хаа; д̇ад̇ож̇о со сан̇кааро. ид̇и ко, бхигкавз, соби сан̇кааро анижжо сан̇кад̇о бадижжасамуббанно. сааби д̇ан̣хаа анижжаа сан̇кад̇аа бадижжасамуббаннаа. сааби взд̣̇анаа анижжаа сан̇кад̇аа бадижжасамуббаннаа. соби пассо анижжо сан̇кад̇о бадижжасамуббанно. сааби авиж̇ж̇аа анижжаа сан̇кад̇аа бадижжасамуббаннаа. звам̣ ко, бхигкавз, ж̇аанад̇о звам̣ бассад̇о ананд̇араа аасаваанам̣ каяо ход̇ий’’д̇и. навамам̣.
‘‘Na heva kho rūpaṃ attato samanupassati, na vedanaṃ… na saññaṃ… na saṅkhāre… na viññāṇaṃ attato samanupassati…pe… na viññāṇasmiṃ attato samanupassati, nāpi evaṃdiṭṭhi hoti – ‘so attā so loko, so pecca bhavissāmi nicco dhuvo sassato avipariṇāmadhammo’ti; nāpi evaṃdiṭṭhi hoti – ‘no cassaṃ no ca me siyā nābhavissaṃ na me bhavissatī’ti; api ca kho kaṅkhī hoti vicikicchī aniṭṭhaṅgato saddhamme. Yā kho pana sā, bhikkhave, kaṅkhitā vicikicchitā aniṭṭhaṅgatatā saddhamme saṅkhāro so. So pana saṅkhāro kiṃnidāno kiṃsamudayo kiṃjātiko kiṃpabhavo? Avijjāsamphassajena, bhikkhave, vedayitena phuṭṭhassa assutavato puthujjanassa uppannā taṇhā; tatojo so saṅkhāro. Iti kho, bhikkhave, sopi saṅkhāro anicco saṅkhato paṭiccasamuppanno. Sāpi taṇhā aniccā saṅkhatā paṭiccasamuppannā. Sāpi vedanā aniccā saṅkhatā paṭiccasamuppannā. Sopi phasso anicco saṅkhato paṭiccasamuppanno. Sāpi avijjā aniccā saṅkhatā paṭiccasamuppannā. Evaṃ kho, bhikkhave, jānato evaṃ passato anantarā āsavānaṃ khayo hotī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. баалилзяяасуд̇д̇аван̣н̣анаа • 9. Pālileyyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. баалилзяяасуд̇д̇аван̣н̣анаа • 9. Pālileyyasuttavaṇṇanā
