| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. баалилзяяасуд̇д̇аван̣н̣анаа
9. Pālileyyasuttavaṇṇanā
81. навамз жааригам̣ баггаамийд̇и госамб̣игаанам̣ бхигкуунам̣ галахагаалз сад̇т̇аа згад̣̇ивасам̣ д̣̇ийгхийд̇исса госаларан̃н̃о вад̇т̇ум̣ аахарид̇ваа ‘‘на хи взрзна взраани, самманд̇ийд̇ха гуд̣̇аажана’’нд̇иаад̣̇ийхи (д̇ха. ба. 5) г̇аат̇аахи овад̣̇ад̇и. д̇ам̣д̣̇ивасам̣ д̇зсам̣ галахам̣ гаронд̇аанам̣язва рад̇д̇и вибхаад̇аа. д̣̇уд̇ияад̣̇ивасзби бхаг̇аваа д̇амзва вад̇т̇ум̣ гат̇зси. д̇ам̣д̣̇ивасамби д̇зсам̣ галахам̣ гаронд̇аанам̣язва рад̇д̇и вибхаад̇аа. д̇ад̇ияад̣̇ивасзби бхаг̇аваа д̇амзва вад̇т̇ум̣ гат̇зси. ат̇а нам̣ ан̃н̃ад̇аро бхигку звамааха – ‘‘аббоссугго, бханд̇з, бхаг̇аваа д̣̇идтад̇хаммасукавихаарам̣ ануяуд̇д̇о вихарад̇у, маяамзд̇зна бхан̣д̣анзна галахзна виг̇г̇ахзна виваад̣̇зна бан̃н̃ааяиссаамаа’’д̇и. сад̇т̇аа ‘‘барияаад̣̇ин̣н̣аруубажид̇д̇аа ко имз могхабурисаа, на имз саггаа сан̃н̃аабзд̇у’’нд̇и жинд̇зд̇ваа – ‘‘гим̣ маяхам̣ имзхи, згажаараваасам̣ васиссаамий’’д̇и? со баад̇ова сарийрабадиж̇аг̇г̇анам̣ гад̇ваа госамб̣ияам̣ бин̣д̣ааяа жарид̇ваа ган̃жиби анааманд̇зд̇ваа згова ад̣̇уд̇ияо жааригам̣ баггаами.
81. Navame cārikaṃ pakkāmīti kosambikānaṃ bhikkhūnaṃ kalahakāle satthā ekadivasaṃ dīghītissa kosalarañño vatthuṃ āharitvā ‘‘na hi verena verāni, sammantīdha kudācana’’ntiādīhi (dha. pa. 5) gāthāhi ovadati. Taṃdivasaṃ tesaṃ kalahaṃ karontānaṃyeva ratti vibhātā. Dutiyadivasepi bhagavā tameva vatthuṃ kathesi. Taṃdivasampi tesaṃ kalahaṃ karontānaṃyeva ratti vibhātā. Tatiyadivasepi bhagavā tameva vatthuṃ kathesi. Atha naṃ aññataro bhikkhu evamāha – ‘‘appossukko, bhante, bhagavā diṭṭhadhammasukhavihāraṃ anuyutto viharatu, mayametena bhaṇḍanena kalahena viggahena vivādena paññāyissāmā’’ti. Satthā ‘‘pariyādiṇṇarūpacittā kho ime moghapurisā, na ime sakkā saññāpetu’’nti cintetvā – ‘‘kiṃ mayhaṃ imehi, ekacāravāsaṃ vasissāmī’’ti? So pātova sarīrapaṭijagganaṃ katvā kosambiyaṃ piṇḍāya caritvā kañcipi anāmantetvā ekova adutiyo cārikaṃ pakkāmi.
яасмим̣, аавусо, самаязд̇и ид̣̇ам̣ т̇зро яасмаасса аж̇ж̇а бхаг̇аваа згзна бхигкунаа сад̣̇д̇хим̣ баггамиссад̇и, аж̇ж̇а д̣̇вийхи, аж̇ж̇а сад̇зна, аж̇ж̇а сахассзна, аж̇ж̇а згаговаад̇и саб̣б̣о бхаг̇авад̇о жааро вид̣̇ид̇о баагадо бажжагко, д̇асмаа ааха.
Yasmiṃ, āvuso, samayeti idaṃ thero yasmāssa ajja bhagavā ekena bhikkhunā saddhiṃ pakkamissati, ajja dvīhi, ajja satena, ajja sahassena, ajja ekakovāti sabbo bhagavato cāro vidito pākaṭo paccakkho, tasmā āha.
анубуб̣б̣знаад̇и г̇ааманиг̇амабадибаадияаа бин̣д̣ааяа жарамаано згажаараваасам̣ д̇аава васамаанам̣ бхигкум̣ бассид̇угаамо худ̇ваа б̣аалагалон̣агаараг̇аамам̣ аг̇амааси. д̇ад̇т̇а бхаг̇уд̇т̇зрасса сагалабажчаабхад̇д̇ан̃жзва д̇ияаамарад̇д̇ин̃жа згажаараваасз аанисам̣сам̣ гат̇зд̇ваа бунад̣̇ивасз д̇зна бажчаасаман̣зна бин̣д̣ааяа жарид̇ваа д̇ам̣ д̇ад̇т̇зва нивад̇д̇зд̇ваа ‘‘самаг̇г̇аваасам̣ васамаанз д̇аяо гулабуд̇д̇з бассиссаамий’’д̇и баажийнавам̣самиг̇ад̣̇ааяам̣ аг̇амааси. д̇зсамби сагалабажчаабхад̇д̇ан̃жзва д̇ияаамарад̇д̇ин̃жа згажаараваасз аанисам̣сам̣ гат̇зд̇ваа д̇з д̇ад̇т̇зва нивад̇д̇зд̇ваа згагова баалилзяяа наг̇араабхимуко баггамид̇ваа анубуб̣б̣зна баалилзяяанаг̇арам̣ самбад̇д̇о. д̇зна вуд̇д̇ам̣ – ‘‘анубуб̣б̣зна жааригам̣ жарамаано язна баалилзяяагам̣, д̇ад̣̇авасарий’’д̇и.
Anupubbenāti gāmanigamapaṭipāṭiyā piṇḍāya caramāno ekacāravāsaṃ tāva vasamānaṃ bhikkhuṃ passitukāmo hutvā bālakaloṇakāragāmaṃ agamāsi. Tattha bhaguttherassa sakalapacchābhattañceva tiyāmarattiñca ekacāravāse ānisaṃsaṃ kathetvā punadivase tena pacchāsamaṇena piṇḍāya caritvā taṃ tattheva nivattetvā ‘‘samaggavāsaṃ vasamāne tayo kulaputte passissāmī’’ti pācīnavaṃsamigadāyaṃ agamāsi. Tesampi sakalapacchābhattañceva tiyāmarattiñca ekacāravāse ānisaṃsaṃ kathetvā te tattheva nivattetvā ekakova pālileyya nagarābhimukho pakkamitvā anupubbena pālileyyanagaraṃ sampatto. Tena vuttaṃ – ‘‘anupubbena cārikaṃ caramāno yena pālileyyakaṃ, tadavasarī’’ti.
бхад̣̇д̣̇асааламуулзд̇и баалилзяяаваасино бхаг̇авад̇о д̣̇аанам̣ д̣̇ад̇ваа баалилзяяад̇о авид̣̇уурз рагкид̇аванасан̣д̣о наама ад̇т̇и, д̇ад̇т̇а бхаг̇авад̇о бан̣н̣асаалам̣ гад̇ваа ‘‘зд̇т̇а васат̇аа’’д̇и бадин̃н̃ам̣ гаарзд̇ваа ваасаяим̣су. бхад̣̇д̣̇асаало бана д̇ад̇т̇зго манаабо лад̣̇д̇хаго сааларугко. бхаг̇аваа д̇ам̣ наг̇арам̣ убаниссааяа д̇асмим̣ ванасан̣д̣з бан̣н̣асааласамийбз д̇асмим̣ ругкамуулз вихарад̇и. д̇зна вуд̇д̇ам̣ ‘‘бхад̣̇д̣̇асааламуулз’’д̇и.
Bhaddasālamūleti pālileyyavāsino bhagavato dānaṃ datvā pālileyyato avidūre rakkhitavanasaṇḍo nāma atthi, tattha bhagavato paṇṇasālaṃ katvā ‘‘ettha vasathā’’ti paṭiññaṃ kāretvā vāsayiṃsu. Bhaddasālo pana tattheko manāpo laddhako sālarukkho. Bhagavā taṃ nagaraṃ upanissāya tasmiṃ vanasaṇḍe paṇṇasālasamīpe tasmiṃ rukkhamūle viharati. Tena vuttaṃ ‘‘bhaddasālamūle’’ti.
звам̣ вихаранд̇з банзд̇т̇а д̇ат̇ааг̇ад̇з ан̃н̃ад̇аро хад̇т̇инааг̇о хад̇т̇инийхи хад̇т̇ибод̇агаад̣̇ийхи г̇ожарабхуумид̇ид̇т̇ог̇ааханаад̣̇ийсу уб̣б̣аал̣хо яуут̇з угган̣тид̇о ‘‘гим̣ мз имзхи хад̇т̇ийхий’’д̇и? яуут̇ам̣ бахааяа мануссабат̇ам̣ г̇ажчанд̇о баалилзяяагаванасан̣д̣з бхаг̇аванд̇ам̣ д̣̇исваа гхадасахассзна ниб̣б̣аабид̇асанд̇аабо вияа ниб̣б̣уд̇о худ̇ваа сад̇т̇у санд̇игз адтааси. со д̇ад̇о бадтааяа сад̇т̇у вад̇д̇абадивад̇д̇ам̣ гаронд̇о мукад̇хованам̣ д̣̇зд̇и, нхаанод̣̇агам̣ аахарад̇и, д̣̇анд̇агадтам̣ д̣̇зд̇и, баривзн̣ам̣ саммаж̇ж̇ад̇и, аран̃н̃ад̇о мад̇хураани палаапалаани аахарид̇ваа сад̇т̇уно д̣̇зд̇и. сад̇т̇аа барибхог̇ам̣ гарод̇и.
Evaṃ viharante panettha tathāgate aññataro hatthināgo hatthinīhi hatthipotakādīhi gocarabhūmititthogāhanādīsu ubbāḷho yūthe ukkaṇṭhito ‘‘kiṃ me imehi hatthīhī’’ti? Yūthaṃ pahāya manussapathaṃ gacchanto pālileyyakavanasaṇḍe bhagavantaṃ disvā ghaṭasahassena nibbāpitasantāpo viya nibbuto hutvā satthu santike aṭṭhāsi. So tato paṭṭhāya satthu vattapaṭivattaṃ karonto mukhadhovanaṃ deti, nhānodakaṃ āharati, dantakaṭṭhaṃ deti, pariveṇaṃ sammajjati, araññato madhurāni phalāphalāni āharitvā satthuno deti. Satthā paribhogaṃ karoti.
згад̣̇ивасам̣ сад̇т̇аа рад̇д̇ибхааг̇асамананд̇арз жан̇гамид̇ваа баасаан̣апалагз нисийд̣̇и. хад̇т̇ийби авид̣̇уурз таанз адтааси. сад̇т̇аа бажчад̇о ологзд̇ваа на гин̃жи ад̣̇д̣̇аса, звам̣ бурад̇о жа убхаяабассзсу жа. ат̇асса ‘‘сукам̣ вад̇аахам̣ ан̃н̃ад̇ра д̇зхи бхан̣д̣анагаарагзхи васаамий’’д̇и жид̇д̇ам̣ уббаж̇ж̇и. хад̇т̇иноби ‘‘маяаа наамид̇асаакам̣ ан̃н̃з каад̣̇анд̇аа над̇т̇ий’’д̇иаад̣̇ийни жинд̇зд̇ваа – ‘‘сукам̣ вад̇а згагова васаами, сад̇т̇у вад̇д̇ам̣ гаад̇ум̣ лабхаамий’’д̇и жид̇д̇ам̣ уббаж̇ж̇и. сад̇т̇аа ад̇д̇ано жид̇д̇ам̣ ологзд̇ваа – ‘‘мама д̇аава ийд̣̇исам̣ жид̇д̇ам̣, гийд̣̇исам̣ ну ко хад̇т̇иссаа’’д̇и д̇ассааби д̇аад̣̇исамзва д̣̇исваа ‘‘самзд̇и но жид̇д̇а’’нд̇и имам̣ уд̣̇аанам̣ уд̣̇аанзси –
Ekadivasaṃ satthā rattibhāgasamanantare caṅkamitvā pāsāṇaphalake nisīdi. Hatthīpi avidūre ṭhāne aṭṭhāsi. Satthā pacchato oloketvā na kiñci addasa, evaṃ purato ca ubhayapassesu ca. Athassa ‘‘sukhaṃ vatāhaṃ aññatra tehi bhaṇḍanakārakehi vasāmī’’ti cittaṃ uppajji. Hatthinopi ‘‘mayā nāmitasākhaṃ aññe khādantā natthī’’tiādīni cintetvā – ‘‘sukhaṃ vata ekakova vasāmi, satthu vattaṃ kātuṃ labhāmī’’ti cittaṃ uppajji. Satthā attano cittaṃ oloketvā – ‘‘mama tāva īdisaṃ cittaṃ, kīdisaṃ nu kho hatthissā’’ti tassāpi tādisameva disvā ‘‘sameti no citta’’nti imaṃ udānaṃ udānesi –
‘‘зд̇ам̣ нааг̇асса нааг̇зна, ийсаад̣̇анд̇асса хад̇т̇ино;
‘‘Etaṃ nāgassa nāgena, īsādantassa hatthino;
самзд̇и жид̇д̇ам̣ жид̇д̇зна, яад̣̇зго рамад̇ий ванз’’д̇и. (махаава. 467);
Sameti cittaṃ cittena, yadeko ramatī vane’’ti. (mahāva. 467);
ат̇а ко самб̣ахулаа бхигкууд̇и ат̇а звам̣ д̇ат̇ааг̇ад̇з д̇ад̇т̇а вихаранд̇з бан̃жасад̇аа д̣̇исаасу вассам̣вуд̇т̇аа бхигкуу. язнааяасмаа аананд̣̇од̇и ‘‘сад̇т̇аа гира бхигкусан̇гхам̣ бан̣аамзд̇ваа аран̃н̃ам̣ бавидто’’д̇и ад̇д̇ано д̇хаммад̇ааяа сад̇т̇у санд̇игам̣ г̇анд̇ум̣ асаггонд̇аа язнааяасмаа аананд̣̇о, д̇знубасан̇гамим̣су.
Atha kho sambahulā bhikkhūti atha evaṃ tathāgate tattha viharante pañcasatā disāsu vassaṃvutthā bhikkhū. Yenāyasmā ānandoti ‘‘satthā kira bhikkhusaṅghaṃ paṇāmetvā araññaṃ paviṭṭho’’ti attano dhammatāya satthu santikaṃ gantuṃ asakkontā yenāyasmā ānando, tenupasaṅkamiṃsu.
ананд̇араа аасаваанам̣ каяод̇и маг̇г̇аананд̇арам̣ арахад̇д̇апалам̣. вижаяасод̇и вижаязна, д̇зсам̣ д̇зсам̣ д̇хаммаанам̣ сабхаававижинанасамад̇т̇зна н̃аан̣зна барижчинд̣̇ид̇ваад̇и ад̇т̇о. д̇хаммод̇и саасанад̇хаммо. жад̇д̇ааро сад̇ибадтаанаад̇иаад̣̇и яз яз годтаасз барижчинд̣̇ид̇ваа д̇хаммо д̣̇зсид̇о, д̇зсам̣ багаасанад̇т̇ааяа вуд̇д̇ам̣. саманубассанаад̇и д̣̇идтисаманубассанаа. сан̇кааро сод̇и д̣̇идтисан̇кааро со. д̇ад̇ож̇о со сан̇каарод̇и д̇ад̇о д̇ан̣хаад̇о со сан̇кааро ж̇аад̇о. д̇ан̣хаасамбаяуд̇д̇зсу жид̇д̇зсуби жад̇уусу жид̇д̇зсу зса ж̇ааяад̇и. сааби д̇ан̣хаад̇и саа д̣̇идтисан̇каарасса бажжаяабхууд̇аа д̇ан̣хаа. сааби взд̣̇анаад̇и саа д̇ан̣хааяа бажжаяабхууд̇аа взд̣̇анаа. соби пассод̇и со взд̣̇анааяа бажжаяо авиж̇ж̇аасампассо. сааби авиж̇ж̇аад̇и саа пассасамбаяуд̇д̇аа авиж̇ж̇аа.
Anantarāāsavānaṃ khayoti maggānantaraṃ arahattaphalaṃ. Vicayasoti vicayena, tesaṃ tesaṃ dhammānaṃ sabhāvavicinanasamatthena ñāṇena paricchinditvāti attho. Dhammoti sāsanadhammo. Cattāro satipaṭṭhānātiādi ye ye koṭṭhāse paricchinditvā dhammo desito, tesaṃ pakāsanatthāya vuttaṃ. Samanupassanāti diṭṭhisamanupassanā. Saṅkhāro soti diṭṭhisaṅkhāro so. Tatojo so saṅkhāroti tato taṇhāto so saṅkhāro jāto. Taṇhāsampayuttesu cittesupi catūsu cittesu esa jāyati. Sāpi taṇhāti sā diṭṭhisaṅkhārassa paccayabhūtā taṇhā. Sāpi vedanāti sā taṇhāya paccayabhūtā vedanā. Sopi phassoti so vedanāya paccayo avijjāsamphasso. Sāpi avijjāti sā phassasampayuttā avijjā.
но жассам̣ , но жа мз сияаад̇и сажз ахам̣ на бхавзяяам̣, мама баригкаароби на бхавзяяа. наабхависсам̣, на мз бхависсад̇ийд̇и сажз бана ааяад̇имби ахам̣ на бхависсаами, звам̣ мама баригкаароби на бхависсад̇и. зд̇д̇агз таанз бхаг̇аваа д̇зна бхигкунаа г̇ахид̇аг̇ахид̇ад̣̇идтим̣ виссаж̇ж̇аабзнд̇о ааг̇ад̇о буг̇г̇алаж̇жхаасаязнаби д̣̇зсанаавилаасзнаби. д̇ад̇ож̇о со сан̇каарод̇и д̇ан̣хаасамбаяуд̇д̇ажид̇д̇з вижигижчаава над̇т̇и, гат̇ам̣ вижигижчаасан̇кааро д̇ан̣хаад̇о ж̇ааяад̇ийд̇и? аббахийнад̇д̇аа. яасса хи д̇ан̣хааяа аббахийнааяа со уббаж̇ж̇ад̇и, д̇ам̣ санд̇хааязд̇ам̣ вуд̇д̇ам̣. д̣̇идтияааби зсзва наяо лаб̣бхад̇иязва жад̇уусу хи жид̇д̇уббаад̣̇зсу самбаяуд̇д̇ад̣̇идти наама над̇т̇и. яасмаа бана д̇ан̣хааяа аббахийнад̇д̇аа саа уббаж̇ж̇ад̇и, д̇асмаа д̇ам̣ санд̇хааяа д̇ад̇рааби аяамад̇т̇о яуж̇ж̇ад̇и. ид̇и имасмим̣ суд̇д̇з д̇звийсад̇ияаа таанзсу арахад̇д̇ам̣ баабзд̇ваа вибассанаа гат̇ид̇аа. навамам̣.
No cassaṃ, no ca me siyāti sace ahaṃ na bhaveyyaṃ, mama parikkhāropi na bhaveyya. Nābhavissaṃ, na me bhavissatīti sace pana āyatimpi ahaṃ na bhavissāmi, evaṃ mama parikkhāropi na bhavissati. Ettake ṭhāne bhagavā tena bhikkhunā gahitagahitadiṭṭhiṃ vissajjāpento āgato puggalajjhāsayenapi desanāvilāsenapi. Tatojo so saṅkhāroti taṇhāsampayuttacitte vicikicchāva natthi, kathaṃ vicikicchāsaṅkhāro taṇhāto jāyatīti? Appahīnattā. Yassa hi taṇhāya appahīnāya so uppajjati, taṃ sandhāyetaṃ vuttaṃ. Diṭṭhiyāpi eseva nayo labbhatiyeva catūsu hi cittuppādesu sampayuttadiṭṭhi nāma natthi. Yasmā pana taṇhāya appahīnattā sā uppajjati, tasmā taṃ sandhāya tatrāpi ayamattho yujjati. Iti imasmiṃ sutte tevīsatiyā ṭhānesu arahattaṃ pāpetvā vipassanā kathitā. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. баалилзяяасуд̇д̇ам̣ • 9. Pālileyyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. баалилзяяасуд̇д̇аван̣н̣анаа • 9. Pālileyyasuttavaṇṇanā
