| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
баал̣имуд̇д̇агавинижчаяаван̣н̣анаа
Pāḷimuttakavinicchayavaṇṇanā
д̇зна ко бана самаязна чаб̣б̣аг̇г̇ияаа бхигкуу ужжааважз бад̇д̇з д̇хаарзнд̇и, ужжааважаани бад̇д̇аман̣д̣алаани д̇хаарзнд̇ий’’д̇и (жул̣ава. 253) звамаад̣̇ийни вад̇т̇ууни ниссааяа ‘‘на, бхигкавз, ужжааважаа бад̇д̇аа д̇хаарзд̇аб̣б̣аа, яо д̇хаарзяяа, аабад̇д̇и д̣̇уггадассаа’’д̇иаад̣̇инаа наязна агаббияабаригкаарзсу жа д̣̇уггадам̣ бан̃н̃ад̇д̇ам̣. гасмаа? д̇ад̣̇ануломад̇д̇аа. яад̇т̇ааби на бан̃н̃ад̇д̇ам̣, д̇ад̇т̇а ‘‘на, бхигкавз, ужжааважаани чад̇д̇аани д̇хаарзд̇аб̣б̣аани, яо д̇хаарзяяа, аабад̇д̇и д̣̇уггадассаа’’д̇иаад̣̇инаа (жуул̣ава. 269-270) наязна д̣̇уггадам̣ самбхавад̇и, д̇асмаа ‘‘д̇ад̇рааяам̣ баал̣имуд̇д̇аго’’д̇и аарабхид̇ваа саб̣б̣абаригкаарзсу ван̣н̣амадтам̣, савигаарам̣ ваа гаронд̇асса аабад̇д̇и д̣̇уггаданд̇и д̣̇ийбзнд̇зна ‘‘на ваддад̇ий’’д̇и вуд̇д̇анд̇и взд̣̇ид̇аб̣б̣ам̣. зд̇т̇ааха – ‘‘ануж̇аанаами, бхигкавз, табзд̇ваа бахаран̣им̣ саб̣б̣ам̣ лохабхан̣д̣ам̣, табзд̇ваа аасанд̣̇им̣ баллан̇гам̣ д̣̇аарубад̇д̇ам̣ д̣̇аарубаад̣̇угам̣ саб̣б̣ам̣ д̣̇аарубхан̣д̣ам̣, табзд̇ваа гад̇аган̃жа гумбхагаариган̃жа саб̣б̣ам̣ мад̇д̇игаабхан̣д̣а’’нд̇и (жуул̣ава. 293) вуд̇д̇ад̇д̇аа яат̇аатабид̇ам̣ важ̇ж̇зд̇ваа ид̇арам̣ саб̣б̣ам̣ ван̣н̣амадтамби савигаарамби ависзсзна ваддад̇ийд̇и? вужжад̇з – д̇ам̣ на яуд̇д̇ам̣ яат̇аад̣̇ассид̇абаал̣ивирод̇хад̇о, д̇асмаа ‘‘табзд̇ваа бахаран̣и’’нд̇и звам̣ ж̇аад̇ивасзна аяам̣ баал̣и бавад̇д̇аа, яат̇аад̣̇ассид̇аа баал̣и ван̣н̣амадтаад̣̇ивигаарабадисзд̇ханавасзна бавад̇д̇аад̇и звам̣ убхаяамби на вируж̇жхад̇и, д̇асмаа яат̇аавуд̇д̇амзва. аараг̇г̇зна никаад̣̇анаг̇г̇зна, ‘‘аараг̇г̇зрива саасабо’’д̇и (ма. ни. 2.458; д̇ха. ба. 401; су. ни. 630) зд̇т̇а вуд̇д̇анаяад̇о аараг̇г̇зна.
Tena kho pana samayena chabbaggiyā bhikkhū uccāvace patte dhārenti, uccāvacāni pattamaṇḍalāni dhārentī’’ti (cuḷava. 253) evamādīni vatthūni nissāya ‘‘na, bhikkhave, uccāvacā pattā dhāretabbā, yo dhāreyya, āpatti dukkaṭassā’’tiādinā nayena akappiyaparikkhāresu ca dukkaṭaṃ paññattaṃ. Kasmā? Tadanulomattā. Yatthāpi na paññattaṃ, tattha ‘‘na, bhikkhave, uccāvacāni chattāni dhāretabbāni, yo dhāreyya, āpatti dukkaṭassā’’tiādinā (cūḷava. 269-270) nayena dukkaṭaṃ sambhavati, tasmā ‘‘tatrāyaṃ pāḷimuttako’’ti ārabhitvā sabbaparikkhāresu vaṇṇamaṭṭhaṃ, savikāraṃ vā karontassa āpatti dukkaṭanti dīpentena ‘‘na vaṭṭatī’’ti vuttanti veditabbaṃ. Etthāha – ‘‘anujānāmi, bhikkhave, ṭhapetvā paharaṇiṃ sabbaṃ lohabhaṇḍaṃ, ṭhapetvā āsandiṃ pallaṅkaṃ dārupattaṃ dārupādukaṃ sabbaṃ dārubhaṇḍaṃ, ṭhapetvā katakañca kumbhakārikañca sabbaṃ mattikābhaṇḍa’’nti (cūḷava. 293) vuttattā yathāṭhapitaṃ vajjetvā itaraṃ sabbaṃ vaṇṇamaṭṭhampi savikārampi avisesena vaṭṭatīti? Vuccate – taṃ na yuttaṃ yathādassitapāḷivirodhato, tasmā ‘‘ṭhapetvā paharaṇi’’nti evaṃ jātivasena ayaṃ pāḷi pavattā, yathādassitā pāḷi vaṇṇamaṭṭhādivikārapaṭisedhanavasena pavattāti evaṃ ubhayampi na virujjhati, tasmā yathāvuttameva. Āraggena nikhādanaggena, ‘‘āraggeriva sāsapo’’ti (ma. ni. 2.458; dha. pa. 401; su. ni. 630) ettha vuttanayato āraggena.
баддамукз ваад̇и баддагодияам̣. барияанд̇зд̇и жийварабарияанд̇з. взн̣иухумунияубзн̃н̃аама. аг̇гхияанд̇и жзд̇ияам̣. г̇аяамуг̇г̇аранд̇и д̇улаад̣̇ан̣д̣асан̣таанам̣, г̇аяаа сийсз суужигаа ход̇и, мукабад̇д̇аа лад̣̇раа. уггиранд̇и нийхаранд̇и гаронд̇и табзнд̇и. гон̣асуд̇д̇абил̣агаа наама г̇ан̣тигабаддаад̣̇игон̣зсу суд̇д̇амаяабил̣агаа. яам̣ зд̇т̇а жийварам̣ ваа бад̇д̇о ваа ‘‘на ваддад̇ий’’д̇и вуд̇д̇о, д̇ад̇т̇а ад̇хидтаанам̣ рухад̇и, вигаббанааби рухад̇ийд̇и взд̣̇ид̇аб̣б̣ам̣. д̣̇зд̣д̣убход̇и уд̣̇агасаббо. ажчийд̇и гун̃ж̇арагки. г̇омуд̇д̇аганд̇и г̇омуд̇д̇асан̣таанаа рааж̇ияо. гун̃жигааяа сзнаасанабаригкаарад̇д̇аа суван̣н̣аруубияамаяааби ваддад̇ийд̇и чааяаа д̣̇иссад̇и, ‘‘гун̃жигааяа ван̣н̣амадтагаммам̣ на ваддад̇ий’’д̇и важанад̇о ан̃н̃з габбияалохаад̣̇имаяаава гун̃жигаа габбанд̇и барихаран̣ийяабаригкаарад̇д̇аа. аараган̣даго бод̇т̇агаад̣̇игаран̣асад̇т̇агаж̇аад̇и. ‘‘ааман̣д̣агасаараго аамалагапаламаяо’’д̇и вад̣̇анд̇и . д̇аалабан̣н̣аб̣ийж̇анийаад̣̇ийсу ‘‘ван̣н̣амадтагаммам̣ ваддад̇ий’’д̇и вуд̇д̇ам̣. гин̃жааби д̇аани гун̃жигаа вияа барихаран̣ийяаани, ат̇а ко ‘‘ужжааважаани на д̇хаарзд̇аб̣б̣ааний’’д̇и бадигкзбаабхаавад̇о вуд̇д̇ам̣. гзвалан̃хи д̇аани ‘‘ануж̇аанаами, бхигкавз, вид̇хуубанан̃жа д̇аалаван̣дан̃жаа’’д̇иаад̣̇инаа (жуул̣ава. 269) вуд̇д̇аани. г̇ан̣тибад̣̇з бана ‘‘д̇злабхааж̇анзсу ван̣н̣амадтагаммам̣ ваддад̇ийд̇и сзнаасанабаригкаарад̇д̇аа’’д̇и вуд̇д̇ам̣. рааж̇аваллабхаад̇и рааж̇агулуубагаа. сиймаад̇и ид̇хаад̇хиббзд̇аа бхууми, б̣ад̣̇д̇хасиймаа жа. ‘‘язсам̣ санд̇агаа д̇зсам̣ сиймаа, д̇ад̇т̇а барзхи на гад̇д̇аб̣б̣а’’нд̇и ануг̇ан̣тибад̣̇з вуд̇д̇ам̣. ‘‘бхууми жа сиймаа жа язсам̣ санд̇агаа, д̇зхи зва ваарзд̇аб̣б̣аа. язсам̣ бана ан̃н̃зсам̣ бхуумияам̣ сиймаа гад̇аа, д̇з ваарзд̇ум̣ на иссараа’’д̇и вад̣̇анд̇и . ‘‘сан̇гхабхзд̣̇аад̣̇ийнам̣ гааран̣ад̇д̇аа ‘маа гарот̇аа’д̇и бадисзд̇хзд̇аб̣б̣аа зваа’’д̇и анд̇хагадтагат̇ааяам̣ вуд̇д̇ам̣ гира.
Paṭṭamukhe vāti paṭṭakoṭiyaṃ. Pariyanteti cīvarapariyante. Veṇiuhumuniyupeññāma. Agghiyanti cetiyaṃ. Gayamuggaranti tulādaṇḍasaṇṭhānaṃ, gayā sīse sūcikā hoti, mukhapattā ladrā. Ukkiranti nīharanti karonti ṭhapenti. Koṇasuttapiḷakā nāma gaṇṭhikapaṭṭādikoṇesu suttamayapiḷakā. Yaṃ ettha cīvaraṃ vā patto vā ‘‘na vaṭṭatī’’ti vutto, tattha adhiṭṭhānaṃ ruhati, vikappanāpi ruhatīti veditabbaṃ. Deḍḍubhoti udakasappo. Acchīti kuñjarakkhi. Gomuttakanti gomuttasaṇṭhānā rājiyo. Kuñcikāya senāsanaparikkhārattā suvaṇṇarūpiyamayāpi vaṭṭatīti chāyā dissati, ‘‘kuñcikāya vaṇṇamaṭṭhakammaṃ na vaṭṭatī’’ti vacanato aññe kappiyalohādimayāva kuñcikā kappanti pariharaṇīyaparikkhārattā. Ārakaṇṭako potthakādikaraṇasatthakajāti. ‘‘Āmaṇḍakasārako āmalakaphalamayo’’ti vadanti . Tālapaṇṇabījanīādīsu ‘‘vaṇṇamaṭṭhakammaṃ vaṭṭatī’’ti vuttaṃ. Kiñcāpi tāni kuñcikā viya pariharaṇīyāni, atha kho ‘‘uccāvacāni na dhāretabbānī’’ti paṭikkhepābhāvato vuttaṃ. Kevalañhi tāni ‘‘anujānāmi, bhikkhave, vidhūpanañca tālavaṇṭañcā’’tiādinā (cūḷava. 269) vuttāni. Gaṇṭhipade pana ‘‘telabhājanesu vaṇṇamaṭṭhakammaṃ vaṭṭatīti senāsanaparikkhārattā’’ti vuttaṃ. Rājavallabhāti rājakulūpakā. Sīmāti idhādhippetā bhūmi, baddhasīmā ca. ‘‘Yesaṃ santakā tesaṃ sīmā, tattha parehi na kattabba’’nti anugaṇṭhipade vuttaṃ. ‘‘Bhūmi ca sīmā ca yesaṃ santakā, tehi eva vāretabbā. Yesaṃ pana aññesaṃ bhūmiyaṃ sīmā katā, te vāretuṃ na issarā’’ti vadanti . ‘‘Saṅghabhedādīnaṃ kāraṇattā ‘mā karothā’ti paṭisedhetabbā evā’’ti andhakaṭṭhakathāyaṃ vuttaṃ kira.
86-7. д̣̇ааругудигам̣ гаад̇ум̣, гад̇д̇унд̇и жа ад̇т̇и. кан̣д̣аакан̣д̣иганд̇и палаапалам̣ вияа д̣̇адтаб̣б̣ам̣. аан̣аабзхийд̇и важанам̣ анидтз зва вужжад̇ийд̇и гад̇ваа б̣анд̇хам̣ аан̣аабзси. иссарияамад̇д̇ааяаад̇и самид̣̇д̇хияам̣ мад̇д̇аасад̣̇д̣̇од̇и н̃аабзд̇и.
86-7. Dārukuṭikaṃ kātuṃ, kattunti ca atthi. Khaṇḍākhaṇḍikanti phalāphalaṃ viya daṭṭhabbaṃ. Āṇāpehīti vacanaṃ aniṭṭhe eva vuccatīti katvā bandhaṃ āṇāpesi. Issariyamattāyāti samiddhiyaṃ mattāsaddoti ñāpeti.
88. ‘‘зваруубам̣ ваажам̣ бхаасид̇ваа’’д̇и жа баато. ломзна д̇вам̣ муд̇д̇о, маа бунаби зваруубамагаасийд̇и ид̣̇ам̣ гим̣ б̣яаабаад̣̇ад̣̇ийбагам̣, д̣̇ааруусуби лобхагканд̇хад̣̇ийбагам̣ важанам̣ сод̇аабаннасса сад̇о д̇асса рааж̇асса бад̇ируубам̣. нану наама ‘‘буб̣б̣з гад̇ам̣ сугад̇ам̣ бханд̇з, вад̣̇зяяаат̇а бунаби язнад̇т̇о’’д̇и баваарзд̇ваа ад̇ийва бийд̇ибаамож̇ж̇ам̣ уббаад̣̇зд̇аб̣б̣ам̣ д̇зна сияаад̇и? сажжамзд̇ам̣ сод̇аабаннад̇д̇аа ад̇ийва б̣уд̣̇д̇хамаамаго д̇хаммамаамаго сан̇гхамаамаго жа, д̇асмаа бхигкуунам̣ агаббияам̣ асаханд̇о, сигкаабад̣̇абан̃н̃ад̇д̇ияаа жа огаасам̣ гад̇д̇угаамо ‘‘субаяуд̇д̇аани мз д̣̇аарууний’’д̇и д̇удтажид̇д̇оби звамаахаад̇и взд̣̇ид̇аб̣б̣ам̣. имзхи наама зваруубз таанз. ‘‘ааг̇ад̇абад̣̇аануруубзнаад̇и ан̃н̃зхи ваа бад̣̇зхи, ид̇о т̇огад̇арзхи ваа ааг̇ад̇агаалз д̇ад̣̇ануруубаа яож̇анаа гаад̇аб̣б̣аа’’д̇и г̇ан̣тибад̣̇з вуд̇д̇ам̣. ‘‘на гзвалам̣ имасмим̣язва сигкаабад̣̇з, ан̃н̃зсуби ааг̇ажчанд̇и, д̇асмаа д̇ад̇т̇а д̇ад̇т̇а ааг̇ад̇абад̣̇аануруубзна яож̇анаа взд̣̇ид̇аб̣б̣аа’’д̇и ануг̇ан̣тибад̣̇з вуд̇д̇ам̣. уж̇жхааяанад̇т̇о ад̣̇иннассаад̣̇иннад̇д̇аава, д̇з уж̇жхааяим̣су.
88. ‘‘Evarūpaṃ vācaṃ bhāsitvā’’ti ca pāṭho. Lomena tvaṃ mutto, mā punapi evarūpamakāsīti idaṃ kiṃ byāpādadīpakaṃ, dārūsupi lobhakkhandhadīpakaṃ vacanaṃ sotāpannassa sato tassa rājassa patirūpaṃ. Nanu nāma ‘‘pubbe kataṃ sukataṃ bhante, vadeyyātha punapi yenattho’’ti pavāretvā atīva pītipāmojjaṃ uppādetabbaṃ tena siyāti? Saccametaṃ sotāpannattā atīva buddhamāmako dhammamāmako saṅghamāmako ca, tasmā bhikkhūnaṃ akappiyaṃ asahanto, sikkhāpadapaññattiyā ca okāsaṃ kattukāmo ‘‘supayuttāni me dārūnī’’ti tuṭṭhacittopi evamāhāti veditabbaṃ. Imehi nāma evarūpe ṭhāne. ‘‘Āgatapadānurūpenāti aññehi vā padehi, ito thokatarehi vā āgatakāle tadanurūpā yojanā kātabbā’’ti gaṇṭhipade vuttaṃ. ‘‘Na kevalaṃ imasmiṃyeva sikkhāpade, aññesupi āgacchanti, tasmā tattha tattha āgatapadānurūpena yojanā veditabbā’’ti anugaṇṭhipade vuttaṃ. Ujjhāyanattho adinnassādinnattāva, te ujjhāyiṃsu.
руд̣̇рад̣̇аамаго наама руд̣̇рад̣̇аамагаад̣̇ийхи уббаад̣̇ид̇о. б̣аараан̣асинаг̇араад̣̇ийсу д̇зхи д̇зхи рааж̇уухи бораан̣асад̇т̇аануруубам̣ лагкан̣асамбаннаа уббаад̣̇ид̇аа нийлагахаабан̣аа. д̇зсам̣ гира д̇ибхааг̇ам̣ аг̇гхад̇и руд̣̇рад̣̇аамаго, д̇асмаа д̇асса баад̣̇о т̇уллажжаяавад̇т̇у ход̇и. маасаго бана ид̇ха аббамаан̣ам̣. гахаабан̣о гин̃жигаалз уунавийсад̇имаасаго ход̇и, гин̃жи гаалз ад̇ирзгавийсад̇имаасаго. д̇асмаа д̇асса гахаабан̣асса жад̇уд̇т̇абхааг̇о бан̃жамаасаго вияа ад̇ирзгабан̃жамаасаго ваа уунабан̃жамаасаго ваа баад̣̇од̇и взд̣̇ид̇аб̣б̣ам̣. имассад̇т̇асса д̣̇ийбанад̇т̇ам̣ ‘‘д̇ад̣̇аа рааж̇аг̇ахз вийсад̇имаасаго гахаабан̣о ход̇ий’’д̇иаад̣̇и вуд̇д̇ам̣. д̇ад̇т̇а раж̇ад̇амаяо суван̣н̣амаяо д̇амб̣амаяо жа гахаабан̣о ход̇и. суван̣н̣абхуумияам̣ вияа баад̣̇оби яад̇т̇а д̇амб̣амаяова гад̇о ход̇и, д̇ад̇т̇а сова баад̣̇од̇и аажарияо. яасмаа баад̣̇о зганийлагахаабан̣аг̇гханаго, д̇асмаа д̇асса баад̣̇асса жад̇уд̇т̇абхааг̇ова сияаа баад̣̇од̇и згз. ид̣̇ам̣ на яуж̇ж̇ад̇и. яо жа д̇ад̇т̇а баад̣̇аарахо бхан̣д̣о, д̇асса жад̇уд̇т̇абхааг̇ассзва баарааж̇игавад̇т̇убхааваббасан̇г̇ад̇о. яад̣̇и баад̣̇аарахам̣ бхан̣д̣ам̣ баарааж̇игавад̇т̇у, сид̣̇д̇хам̣ ‘‘сова баад̣̇о бажчимам̣ баарааж̇игавад̇т̇уу’’д̇и . на хи саб̣б̣ад̇т̇а бхан̣д̣ам̣ г̇ахзд̇ваа нийлагахаабан̣аг̇гхзна аг̇гхаабзнд̇и. яасмаа д̇асса д̇ассзва гахаабан̣аг̇гхзна аг̇гхаабзнд̇и, д̇асмаа д̇асса д̇асса ж̇анабад̣̇асса баад̣̇ова баад̣̇од̇и д̇ад̣̇аг̇гханагамзва баад̣̇аг̇гханаганд̇и сид̣̇д̇хам̣, ‘‘со жа ко бораан̣асса нийлагахаабан̣асса васзна, на ид̇арзсанд̇и яад̇т̇а бана нийлагахаабан̣аа вал̣ан̃ж̇ам̣ г̇ажчанд̇и, д̇ад̇т̇зваа’’д̇и гзжи вад̣̇анд̇и, убабаригкид̇ваа г̇ахзд̇аб̣б̣ам̣.
Rudradāmako nāma rudradāmakādīhi uppādito. Bārāṇasinagarādīsu tehi tehi rājūhi porāṇasatthānurūpaṃ lakkhaṇasampannā uppāditā nīlakahāpaṇā. Tesaṃ kira tibhāgaṃ agghati rudradāmako, tasmā tassa pādo thullaccayavatthu hoti. Māsako pana idha appamāṇaṃ. Kahāpaṇo kiñcikāle ūnavīsatimāsako hoti, kiñci kāle atirekavīsatimāsako. Tasmā tassa kahāpaṇassa catutthabhāgo pañcamāsako viya atirekapañcamāsako vā ūnapañcamāsako vā pādoti veditabbaṃ. Imassatthassa dīpanatthaṃ ‘‘tadā rājagahe vīsatimāsako kahāpaṇo hotī’’tiādi vuttaṃ. Tattha rajatamayo suvaṇṇamayo tambamayo ca kahāpaṇo hoti. Suvaṇṇabhūmiyaṃ viya pādopi yattha tambamayova kato hoti, tattha sova pādoti ācariyo. Yasmā pādo ekanīlakahāpaṇagghanako, tasmā tassa pādassa catutthabhāgova siyā pādoti eke. Idaṃ na yujjati. Yo ca tattha pādāraho bhaṇḍo, tassa catutthabhāgasseva pārājikavatthubhāvappasaṅgato. Yadi pādārahaṃ bhaṇḍaṃ pārājikavatthu, siddhaṃ ‘‘sova pādo pacchimaṃ pārājikavatthū’’ti . Na hi sabbattha bhaṇḍaṃ gahetvā nīlakahāpaṇagghena agghāpenti. Yasmā tassa tasseva kahāpaṇagghena agghāpenti, tasmā tassa tassa janapadassa pādova pādoti tadagghanakameva pādagghanakanti siddhaṃ, ‘‘so ca kho porāṇassa nīlakahāpaṇassa vasena, na itaresanti yattha pana nīlakahāpaṇā vaḷañjaṃ gacchanti, tatthevā’’ti keci vadanti, upaparikkhitvā gahetabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баал̣имуд̇д̇агавинижчаяаван̣н̣анаа • Pāḷimuttakavinicchayavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баал̣имуд̇д̇агавинижчаяаван̣н̣анаа • Pāḷimuttakavinicchayavaṇṇanā
