| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปลฺลงฺกทายกเตฺถรอปทานํ
10. Pallaṅkadāyakattheraapadānaṃ
๔๘.
48.
‘‘สุเมธสฺส ภควโต, โลกเชฎฺฐสฺส ตาทิโน;
‘‘Sumedhassa bhagavato, lokajeṭṭhassa tādino;
ปลฺลโงฺก หิ มยา ทิโนฺน, สอุตฺตรสปจฺฉโทฯ
Pallaṅko hi mayā dinno, sauttarasapacchado.
๔๙.
49.
‘‘สตฺตรตนสมฺปโนฺน , ปลฺลโงฺก อาสิ โส ตทา;
‘‘Sattaratanasampanno , pallaṅko āsi so tadā;
มม สงฺกปฺปมญฺญาย, นิพฺพตฺตติ สทา มมฯ
Mama saṅkappamaññāya, nibbattati sadā mama.
๕๐.
50.
‘‘ติํสกปฺปสหสฺสมฺหิ, ปลฺลงฺกมททิํ ตทา;
‘‘Tiṃsakappasahassamhi, pallaṅkamadadiṃ tadā;
ทุคฺคติํ นาภิชานามิ, ปลฺลงฺกสฺส อิทํ ผลํฯ
Duggatiṃ nābhijānāmi, pallaṅkassa idaṃ phalaṃ.
๕๑.
51.
‘‘วีสกปฺปสหสฺสมฺหิ, สุวณฺณาภา ตโย ชนา;
‘‘Vīsakappasahassamhi, suvaṇṇābhā tayo janā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๕๒.
52.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปลฺลงฺกทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā pallaṅkadāyako thero imā gāthāyo abhāsitthāti.
ปลฺลงฺกทายกเตฺถรสฺสาปทานํ ทสมํฯ
Pallaṅkadāyakattherassāpadānaṃ dasamaṃ.
ฉตฺตวโคฺค ปนฺนรสโมฯ
Chattavaggo pannarasamo.
ตสฺสุทฺทานํ –
Tassuddānaṃ –
ฉตฺตํ ถโมฺภ จ เวทิ จ, ปริวารุมปุปฺผิโย;
Chattaṃ thambho ca vedi ca, parivārumapupphiyo;
อนุเลโป จ มโคฺค จ, ผลโก จ วฎํสโก;
Anulepo ca maggo ca, phalako ca vaṭaṃsako;
ปลฺลงฺกทายี จ คาถาโย, ฉปฺปญฺญาส ปกิตฺติตาติฯ
Pallaṅkadāyī ca gāthāyo, chappaññāsa pakittitāti.
