| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. баллан̇гад̣̇ааяагад̇т̇зраабад̣̇аанаван̣н̣анаа
10. Pallaṅkadāyakattheraapadānavaṇṇanā
сумзд̇хасса бхаг̇авад̇од̇иаад̣̇игам̣ ааяасмад̇о баллан̇гад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгзсу бхавзсу ниб̣б̣аанаад̇хиг̇амад̇т̇ааяа гад̇абун̃н̃уубажаяо сумзд̇хасса бхаг̇авад̇о гаалз г̇ахабад̇игулз ниб̣б̣ад̇д̇о вуд̣̇д̇химанвааяа махаабхог̇асамбанно сад̇т̇ари басийд̣̇ид̇ваа д̇хаммам̣ суд̇ваа д̇асса сад̇т̇уно сад̇д̇арад̇анамаяам̣ баллан̇гам̣ гаарзд̇ваа маханд̇ам̣ бууж̇ам̣ агааси. со д̇зна бун̃н̃зна д̣̇звамануссзсу сам̣саранд̇о саб̣б̣ад̇т̇а бууж̇ид̇о ахоси. со ануггамзна имасмим̣ б̣уд̣̇д̇хуббаад̣̇з вибхавасамбаннз згасмим̣ гулз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ сан̣табзд̇ваа сад̇т̇у д̇хаммад̣̇зсанам̣ суд̇ваа басанно баб̣б̣аж̇ид̇ваа нажирассзва арахад̇д̇ам̣ бад̇ваа буб̣б̣з гад̇абун̃н̃анаамзна баллан̇гад̣̇ааяагад̇т̇зрод̇и баагадо ахоси. хздтаа вияа убариби буб̣б̣з гад̇абун̃н̃анаамзна т̇зраанам̣ наамаани звамзва взд̣̇ид̇аб̣б̣аани.
Sumedhassabhagavatotiādikaṃ āyasmato pallaṅkadāyakattherassa apadānaṃ. Ayampi purimabuddhesu katādhikāro anekesu bhavesu nibbānādhigamatthāya katapuññūpacayo sumedhassa bhagavato kāle gahapatikule nibbatto vuddhimanvāya mahābhogasampanno satthari pasīditvā dhammaṃ sutvā tassa satthuno sattaratanamayaṃ pallaṅkaṃ kāretvā mahantaṃ pūjaṃ akāsi. So tena puññena devamanussesu saṃsaranto sabbattha pūjito ahosi. So anukkamena imasmiṃ buddhuppāde vibhavasampanne ekasmiṃ kule nibbatto viññutaṃ patto gharāvāsaṃ saṇṭhapetvā satthu dhammadesanaṃ sutvā pasanno pabbajitvā nacirasseva arahattaṃ patvā pubbe katapuññanāmena pallaṅkadāyakattheroti pākaṭo ahosi. Heṭṭhā viya uparipi pubbe katapuññanāmena therānaṃ nāmāni evameva veditabbāni.
47. со згад̣̇ивасам̣ ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о сумзд̇хасса бхаг̇авад̇од̇иаад̣̇имааха. баллан̇го хи маяаа д̣̇иннод̇и баллан̇гам̣ ууруб̣ад̣̇д̇хаасанам̣ гад̇ваа яад̇т̇а убавийсанд̇и нисийд̣̇анд̇и, со баллан̇год̇и вужжад̇и, со баллан̇го сад̇д̇арад̇анамаяо маяаа д̣̇инно бууж̇ид̇од̇и ад̇т̇о. сауд̇д̇арасабажчад̣̇од̇и саха уд̇д̇аражчад̣̇зна саха бажчад̣̇зна сауд̇д̇арасабажчад̣̇о, убаривид̇аанам̣ б̣анд̇хид̇ваа аасанам̣ уд̇д̇амавад̇т̇зхи ажчаад̣̇зд̇ваад̇и ад̇т̇о. сзсам̣ баагадамзваад̇и.
47. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento sumedhassa bhagavatotiādimāha. Pallaṅko hi mayā dinnoti pallaṅkaṃ ūrubaddhāsanaṃ katvā yattha upavīsanti nisīdanti, so pallaṅkoti vuccati, so pallaṅko sattaratanamayo mayā dinno pūjitoti attho. Sauttarasapacchadoti saha uttaracchadena saha pacchadena sauttarasapacchado, uparivitānaṃ bandhitvā āsanaṃ uttamavatthehi acchādetvāti attho. Sesaṃ pākaṭamevāti.
баллан̇гад̣̇ааяагад̇т̇зраабад̣̇аанаван̣н̣анаа самад̇д̇аа.
Pallaṅkadāyakattheraapadānavaṇṇanā samattā.
баннарасамаваг̇г̇аван̣н̣анаа самад̇д̇аа.
Pannarasamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. вадам̣сагияад̇т̇зраабад̣̇аанам̣ • 9. Vaṭaṃsakiyattheraapadānaṃ
