| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. чаннаваг̇г̇о
9. Channavaggo
1. балогад̇хаммасуд̇д̇ам̣
1. Palokadhammasuttaṃ
84. саавад̇т̇инид̣̇аанам̣. ат̇а ко ааяасмаа аананд̣̇о язна бхаг̇аваа д̇знубасан̇гами…бз… згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
84. Sāvatthinidānaṃ. Atha kho āyasmā ānando yena bhagavā tenupasaṅkami…pe… ekamantaṃ nisinno kho āyasmā ānando bhagavantaṃ etadavoca –
‘‘‘лого, лого’д̇и, бханд̇з, вужжад̇и. гид̇д̇аавад̇аа ну ко, бханд̇з, логод̇и вужжад̇ий’’д̇и? ‘‘яам̣ ко, аананд̣̇а, балогад̇хаммам̣, аяам̣ вужжад̇и арияасса винаяз лого. гин̃жа, аананд̣̇а, балогад̇хаммам̣? жагку ко, аананд̣̇а, балогад̇хаммам̣, руубаа балогад̇хаммаа, жагкувин̃н̃аан̣ам̣ балогад̇хаммам̣, жагкусампассо балогад̇хаммо, яамбид̣̇ам̣ жагкусампассабажжаяаа…бз… д̇амби балогад̇хаммам̣…бз… ж̇ивхаа балогад̇хаммаа, расаа балогад̇хаммаа, ж̇ивхаавин̃н̃аан̣ам̣ балогад̇хаммам̣, ж̇ивхаасампассо балогад̇хаммо, яамбид̣̇ам̣ ж̇ивхаасампассабажжаяаа…бз… д̇амби балогад̇хаммам̣…бз… мано балогад̇хаммо, д̇хаммаа балогад̇хаммаа, мановин̃н̃аан̣ам̣ балогад̇хаммам̣, маносампассо балогад̇хаммо, яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби балогад̇хаммам̣. яам̣ ко, аананд̣̇а, балогад̇хаммам̣, аяам̣ вужжад̇и арияасса винаяз лого’’д̇и. батамам̣.
‘‘‘Loko, loko’ti, bhante, vuccati. Kittāvatā nu kho, bhante, lokoti vuccatī’’ti? ‘‘Yaṃ kho, ānanda, palokadhammaṃ, ayaṃ vuccati ariyassa vinaye loko. Kiñca, ānanda, palokadhammaṃ? Cakkhu kho, ānanda, palokadhammaṃ, rūpā palokadhammā, cakkhuviññāṇaṃ palokadhammaṃ, cakkhusamphasso palokadhammo, yampidaṃ cakkhusamphassapaccayā…pe… tampi palokadhammaṃ…pe… jivhā palokadhammā, rasā palokadhammā, jivhāviññāṇaṃ palokadhammaṃ, jivhāsamphasso palokadhammo, yampidaṃ jivhāsamphassapaccayā…pe… tampi palokadhammaṃ…pe… mano palokadhammo, dhammā palokadhammā, manoviññāṇaṃ palokadhammaṃ, manosamphasso palokadhammo, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi palokadhammaṃ. Yaṃ kho, ānanda, palokadhammaṃ, ayaṃ vuccati ariyassa vinaye loko’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. балогад̇хаммасуд̇д̇аван̣н̣анаа • 1. Palokadhammasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. балогад̇хаммасуд̇д̇аван̣н̣анаа • 1. Palokadhammasuttavaṇṇanā
