| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੯. ਛਨ੍ਨવਗ੍ਗੋ
9. Channavaggo
੧. ਪਲੋਕਧਮ੍ਮਸੁਤ੍ਤਂ
1. Palokadhammasuttaṃ
੮੪. ਸਾવਤ੍ਥਿਨਿਦਾਨਂ। ਅਥ ਖੋ ਆਯਸ੍ਮਾ ਆਨਨ੍ਦੋ ਯੇਨ ਭਗવਾ ਤੇਨੁਪਸਙ੍ਕਮਿ…ਪੇ॰… ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਆਨਨ੍ਦੋ ਭਗવਨ੍ਤਂ ਏਤਦવੋਚ –
84. Sāvatthinidānaṃ. Atha kho āyasmā ānando yena bhagavā tenupasaṅkami…pe… ekamantaṃ nisinno kho āyasmā ānando bhagavantaṃ etadavoca –
‘‘‘ਲੋਕੋ, ਲੋਕੋ’ਤਿ, ਭਨ੍ਤੇ, વੁਚ੍ਚਤਿ। ਕਿਤ੍ਤਾવਤਾ ਨੁ ਖੋ, ਭਨ੍ਤੇ, ਲੋਕੋਤਿ વੁਚ੍ਚਤੀ’’ਤਿ? ‘‘ਯਂ ਖੋ, ਆਨਨ੍ਦ, ਪਲੋਕਧਮ੍ਮਂ, ਅਯਂ વੁਚ੍ਚਤਿ ਅਰਿਯਸ੍ਸ વਿਨਯੇ ਲੋਕੋ। ਕਿਞ੍ਚ, ਆਨਨ੍ਦ, ਪਲੋਕਧਮ੍ਮਂ? ਚਕ੍ਖੁ ਖੋ, ਆਨਨ੍ਦ, ਪਲੋਕਧਮ੍ਮਂ, ਰੂਪਾ ਪਲੋਕਧਮ੍ਮਾ, ਚਕ੍ਖੁવਿਞ੍ਞਾਣਂ ਪਲੋਕਧਮ੍ਮਂ, ਚਕ੍ਖੁਸਮ੍ਫਸ੍ਸੋ ਪਲੋਕਧਮ੍ਮੋ, ਯਮ੍ਪਿਦਂ ਚਕ੍ਖੁਸਮ੍ਫਸ੍ਸਪਚ੍ਚਯਾ…ਪੇ॰… ਤਮ੍ਪਿ ਪਲੋਕਧਮ੍ਮਂ…ਪੇ॰… ਜਿવ੍ਹਾ ਪਲੋਕਧਮ੍ਮਾ, ਰਸਾ ਪਲੋਕਧਮ੍ਮਾ, ਜਿવ੍ਹਾવਿਞ੍ਞਾਣਂ ਪਲੋਕਧਮ੍ਮਂ, ਜਿવ੍ਹਾਸਮ੍ਫਸ੍ਸੋ ਪਲੋਕਧਮ੍ਮੋ, ਯਮ੍ਪਿਦਂ ਜਿવ੍ਹਾਸਮ੍ਫਸ੍ਸਪਚ੍ਚਯਾ…ਪੇ॰… ਤਮ੍ਪਿ ਪਲੋਕਧਮ੍ਮਂ…ਪੇ॰… ਮਨੋ ਪਲੋਕਧਮ੍ਮੋ, ਧਮ੍ਮਾ ਪਲੋਕਧਮ੍ਮਾ, ਮਨੋવਿਞ੍ਞਾਣਂ ਪਲੋਕਧਮ੍ਮਂ, ਮਨੋਸਮ੍ਫਸ੍ਸੋ ਪਲੋਕਧਮ੍ਮੋ, ਯਮ੍ਪਿਦਂ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ વੇਦਯਿਤਂ ਸੁਖਂ વਾ ਦੁਕ੍ਖਂ વਾ ਅਦੁਕ੍ਖਮਸੁਖਂ વਾ ਤਮ੍ਪਿ ਪਲੋਕਧਮ੍ਮਂ। ਯਂ ਖੋ, ਆਨਨ੍ਦ, ਪਲੋਕਧਮ੍ਮਂ, ਅਯਂ વੁਚ੍ਚਤਿ ਅਰਿਯਸ੍ਸ વਿਨਯੇ ਲੋਕੋ’’ਤਿ। ਪਠਮਂ।
‘‘‘Loko, loko’ti, bhante, vuccati. Kittāvatā nu kho, bhante, lokoti vuccatī’’ti? ‘‘Yaṃ kho, ānanda, palokadhammaṃ, ayaṃ vuccati ariyassa vinaye loko. Kiñca, ānanda, palokadhammaṃ? Cakkhu kho, ānanda, palokadhammaṃ, rūpā palokadhammā, cakkhuviññāṇaṃ palokadhammaṃ, cakkhusamphasso palokadhammo, yampidaṃ cakkhusamphassapaccayā…pe… tampi palokadhammaṃ…pe… jivhā palokadhammā, rasā palokadhammā, jivhāviññāṇaṃ palokadhammaṃ, jivhāsamphasso palokadhammo, yampidaṃ jivhāsamphassapaccayā…pe… tampi palokadhammaṃ…pe… mano palokadhammo, dhammā palokadhammā, manoviññāṇaṃ palokadhammaṃ, manosamphasso palokadhammo, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi palokadhammaṃ. Yaṃ kho, ānanda, palokadhammaṃ, ayaṃ vuccati ariyassa vinaye loko’’ti. Paṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਪਲੋਕਧਮ੍ਮਸੁਤ੍ਤવਣ੍ਣਨਾ • 1. Palokadhammasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਪਲੋਕਧਮ੍ਮਸੁਤ੍ਤવਣ੍ਣਨਾ • 1. Palokadhammasuttavaṇṇanā
