| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. балогасуд̇д̇ам̣
6. Palokasuttaṃ
57. ат̇а ко ан̃н̃ад̇аро б̣раахман̣амахаасаало язна бхаг̇аваа д̇знубасан̇гами…бз… згаманд̇ам̣ нисинно ко со б̣раахман̣амахаасаало бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бхо г̇од̇ама, буб̣б̣агаанам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ – ‘буб̣б̣з суд̣̇ам̣ 1 аяам̣ лого авийжи ман̃н̃з пудо ахоси мануссзхи, гуггудасам̣баад̇игаа г̇ааманиг̇амарааж̇ад̇хаанияо’д̇и. го ну ко, бхо г̇од̇ама, хзд̇у го бажжаяо язнзд̇арахи мануссаанам̣ каяо ход̇и, д̇ануд̇д̇ам̣ бан̃н̃ааяад̇и, г̇аамааби аг̇аамаа хонд̇и , ниг̇амааби аниг̇амаа хонд̇и, наг̇арааби анаг̇араа хонд̇и, ж̇анабад̣̇ааби аж̇анабад̣̇аа хонд̇ий’’д̇и?
57. Atha kho aññataro brāhmaṇamahāsālo yena bhagavā tenupasaṅkami…pe… ekamantaṃ nisinno kho so brāhmaṇamahāsālo bhagavantaṃ etadavoca – ‘‘sutaṃ metaṃ, bho gotama, pubbakānaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ – ‘pubbe sudaṃ 2 ayaṃ loko avīci maññe phuṭo ahosi manussehi, kukkuṭasaṃpātikā gāmanigamarājadhāniyo’ti. Ko nu kho, bho gotama, hetu ko paccayo yenetarahi manussānaṃ khayo hoti, tanuttaṃ paññāyati, gāmāpi agāmā honti , nigamāpi anigamā honti, nagarāpi anagarā honti, janapadāpi ajanapadā hontī’’ti?
‘‘зд̇арахи, б̣раахман̣а, мануссаа ад̇хаммарааг̇арад̇д̇аа висамалобхаабхибхууд̇аа мижчаад̇хаммабарзд̇аа. д̇з ад̇хаммарааг̇арад̇д̇аа висамалобхаабхибхууд̇аа мижчаад̇хаммабарзд̇аа д̇ин̣хаани сад̇т̇аани г̇ахзд̇ваа ан̃н̃аман̃н̃ам̣ 3 ж̇ийвид̇аа воробзнд̇и, д̇зна б̣ахуу мануссаа гаалам̣ гаронд̇и. аяамби ко , б̣раахман̣а, хзд̇у аяам̣ бажжаяо язнзд̇арахи мануссаанам̣ каяо ход̇и, д̇ануд̇д̇ам̣ бан̃н̃ааяад̇и, г̇аамааби аг̇аамаа хонд̇и, ниг̇амааби аниг̇амаа хонд̇и, наг̇арааби анаг̇араа хонд̇и, ж̇анабад̣̇ааби аж̇анабад̣̇аа хонд̇и.
‘‘Etarahi, brāhmaṇa, manussā adhammarāgarattā visamalobhābhibhūtā micchādhammaparetā. Te adhammarāgarattā visamalobhābhibhūtā micchādhammaparetā tiṇhāni satthāni gahetvā aññamaññaṃ 4 jīvitā voropenti, tena bahū manussā kālaṃ karonti. Ayampi kho , brāhmaṇa, hetu ayaṃ paccayo yenetarahi manussānaṃ khayo hoti, tanuttaṃ paññāyati, gāmāpi agāmā honti, nigamāpi anigamā honti, nagarāpi anagarā honti, janapadāpi ajanapadā honti.
‘‘буна жабарам̣, б̣раахман̣а, зд̇арахи мануссаа ад̇хаммарааг̇арад̇д̇аа висамалобхаабхибхууд̇аа мижчаад̇хаммабарзд̇аа. д̇зсам̣ ад̇хаммарааг̇арад̇д̇аанам̣ висамалобхаабхибхууд̇аанам̣ мижчаад̇хаммабарзд̇аанам̣ д̣̇зво на саммаад̇хаарам̣ ануббавзжчад̇и. д̇зна д̣̇уб̣бхигкам̣ ход̇и д̣̇уссассам̣ сзд̇адтигам̣ салаагаавуд̇д̇ам̣. д̇зна б̣ахуу мануссаа гаалам̣ гаронд̇и. аяамби ко, б̣раахман̣а, хзд̇у аяам̣ бажжаяо язнзд̇арахи мануссаанам̣ каяо ход̇и, д̇ануд̇д̇ам̣ бан̃н̃ааяад̇и, г̇аамааби аг̇аамаа хонд̇и, ниг̇амааби аниг̇амаа хонд̇и, наг̇арааби анаг̇араа хонд̇и, ж̇анабад̣̇ааби аж̇анабад̣̇аа хонд̇и.
‘‘Puna caparaṃ, brāhmaṇa, etarahi manussā adhammarāgarattā visamalobhābhibhūtā micchādhammaparetā. Tesaṃ adhammarāgarattānaṃ visamalobhābhibhūtānaṃ micchādhammaparetānaṃ devo na sammādhāraṃ anuppavecchati. Tena dubbhikkhaṃ hoti dussassaṃ setaṭṭhikaṃ salākāvuttaṃ. Tena bahū manussā kālaṃ karonti. Ayampi kho, brāhmaṇa, hetu ayaṃ paccayo yenetarahi manussānaṃ khayo hoti, tanuttaṃ paññāyati, gāmāpi agāmā honti, nigamāpi anigamā honti, nagarāpi anagarā honti, janapadāpi ajanapadā honti.
‘‘буна жабарам̣, б̣раахман̣а, зд̇арахи мануссаа ад̇хаммарааг̇арад̇д̇аа висамалобхаабхибхууд̇аа мижчаад̇хаммабарзд̇аа. д̇зсам̣ ад̇хаммарааг̇арад̇д̇аанам̣ висамалобхаабхибхууд̇аанам̣ мижчаад̇хаммабарзд̇аанам̣ яагкаа ваал̣з амануссз оссаж̇ж̇анд̇и 5, д̇зна б̣ахуу мануссаа гаалам̣ гаронд̇и. аяамби ко, б̣раахман̣а, хзд̇у аяам̣ бажжаяо язнзд̇арахи мануссаанам̣ каяо ход̇и, д̇ануд̇д̇ам̣ бан̃н̃ааяад̇и, г̇аамааби аг̇аамаа хонд̇и, ниг̇амааби аниг̇амаа хонд̇и, наг̇арааби анаг̇араа хонд̇и, ж̇анабад̣̇ааби аж̇анабад̣̇аа хонд̇ий’’д̇и.
‘‘Puna caparaṃ, brāhmaṇa, etarahi manussā adhammarāgarattā visamalobhābhibhūtā micchādhammaparetā. Tesaṃ adhammarāgarattānaṃ visamalobhābhibhūtānaṃ micchādhammaparetānaṃ yakkhā vāḷe amanusse ossajjanti 6, tena bahū manussā kālaṃ karonti. Ayampi kho, brāhmaṇa, hetu ayaṃ paccayo yenetarahi manussānaṃ khayo hoti, tanuttaṃ paññāyati, gāmāpi agāmā honti, nigamāpi anigamā honti, nagarāpi anagarā honti, janapadāpi ajanapadā hontī’’ti.
‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. чадтам̣.
‘‘Abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. балогасуд̇д̇аван̣н̣анаа • 6. Palokasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. балогасуд̇д̇аван̣н̣анаа • 6. Palokasuttavaṇṇanā
