| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. балогасуд̇д̇аван̣н̣анаа
6. Palokasuttavaṇṇanā
57. чадтз аажарияабаажарияаананд̇и аажарияаанамби аажарияаанам̣. ниранд̇арапудо нзраяигасад̇д̇зхи нираяаг̇аамигаммасса гаарагаанам̣ б̣ахубхааваа. убхаяамбзд̇анд̇и яат̇аавуд̇д̇ам̣ ад̇т̇ад̣̇ваяам̣. гхананиваасад̇анд̇и г̇аамаанам̣ гханасанниваасад̇ам̣. зганд̇знзва ад̇хаммод̇и аяонисоманасигаарахзд̇угад̇д̇аа анад̇т̇ахзд̇уд̇ааяа жа нияамзнзва ад̇хаммо. на ад̇хаммарааг̇од̇и ад̇хиббзд̇од̇и барабаригкаарзсу рааг̇о вияа на махаасааваж̇ж̇од̇и гад̇ваа вуд̇д̇ам̣. д̇ат̇аа хи сагасагабаригкаарависаяо рааг̇о висамалобхо вияа на зганд̇ад̇о абааяуббад̇д̇иж̇анаго. барабаригкаарзсу уббаж̇ж̇амаанасса махаасааваж̇ж̇ад̇ааяа ад̇хаммарааг̇ад̇аа. лобхасса самагаало наама над̇т̇и гааяад̣̇ужжарид̇аад̣̇ийнам̣ вияа аяонисоманасигаарасамудтаанад̇д̇аа. зсаад̇и зсо баабад̇хаммо. самалобхо висамалагкан̣аабхаавад̇о. д̇ат̇аа хи д̇ам̣самудтаано баяог̇о мижчаажаарод̇и на вужжад̇и. авад̇т̇убадисзванасан̇каад̇знаад̇и яам̣ логияасаад̇хусаманун̃н̃аад̇ам̣ рааг̇асса вад̇т̇удтаанам̣, д̇ад̇о ан̃н̃асмим̣ вад̇т̇усмим̣ бадисзванасан̇каад̇зна.
57. Chaṭṭhe ācariyapācariyānanti ācariyānampi ācariyānaṃ. Nirantaraphuṭo nerayikasattehi nirayagāmikammassa kārakānaṃ bahubhāvā. Ubhayampetanti yathāvuttaṃ atthadvayaṃ. Ghananivāsatanti gāmānaṃ ghanasannivāsataṃ. Ekanteneva adhammoti ayonisomanasikārahetukattā anatthahetutāya ca niyameneva adhammo. Na adhammarāgoti adhippetoti paraparikkhāresu rāgo viya na mahāsāvajjoti katvā vuttaṃ. Tathā hi sakasakaparikkhāravisayo rāgo visamalobho viya na ekantato apāyuppattijanako. Paraparikkhāresu uppajjamānassa mahāsāvajjatāya adhammarāgatā. Lobhassa samakālo nāma natthi kāyaduccaritādīnaṃ viya ayonisomanasikārasamuṭṭhānattā. Esāti eso pāpadhammo. Samalobho visamalakkhaṇābhāvato. Tathā hi taṃsamuṭṭhāno payogo micchācāroti na vuccati. Avatthupaṭisevanasaṅkhātenāti yaṃ lokiyasādhusamanuññātaṃ rāgassa vatthuṭṭhānaṃ, tato aññasmiṃ vatthusmiṃ paṭisevanasaṅkhātena.
вивид̇хасассаананд̇и сааливийхиаад̣̇инаанаббагаарасассаанам̣. д̣̇уссассанд̇и бажжаяад̣̇уусзна д̣̇уусид̇ам̣ сассам̣. самбаж̇ж̇амаанзд̇и нибпаж̇ж̇анад̇о баг̇зва г̇аб̣бхабаривуд̣̇д̇хигаалз. баан̣агаад̇и салабхаад̣̇ибаан̣агаа. бад̇анд̇ийд̇и сассаанам̣ мад̇т̇агз бад̇анд̇и. салаагаамад̇д̇амзва самбаж̇ж̇ад̇ийд̇и вад̣дхид̇ваа г̇аб̣бхам̣ г̇ахзд̇ум̣ асамад̇т̇ам̣ самбаж̇ж̇ад̇и. д̇зд̇и ваал̣аамануссаа. лад̣̇д̇хогаасаад̇и яагкаад̇хибад̇ийхи анун̃н̃аад̇ад̇д̇аа лад̣̇д̇хогаасаа.
Vividhasassānanti sālivīhiādinānappakārasassānaṃ. Dussassanti paccayadūsena dūsitaṃ sassaṃ. Sampajjamāneti nipphajjanato pageva gabbhaparivuddhikāle. Pāṇakāti salabhādipāṇakā. Patantīti sassānaṃ matthake patanti. Salākāmattameva sampajjatīti vaḍḍhitvā gabbhaṃ gahetuṃ asamatthaṃ sampajjati. Teti vāḷaamanussā. Laddhokāsāti yakkhādhipatīhi anuññātattā laddhokāsā.
балогасуд̇д̇аван̣н̣анаа нидтид̇аа.
Palokasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. балогасуд̇д̇ам̣ • 6. Palokasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. балогасуд̇д̇аван̣н̣анаа • 6. Palokasuttavaṇṇanā
