| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਪਲੋਕਸੁਤ੍ਤવਣ੍ਣਨਾ
6. Palokasuttavaṇṇanā
੫੭. ਛਟ੍ਠੇ ਆਚਰਿਯਪਾਚਰਿਯਾਨਨ੍ਤਿ ਆਚਰਿਯਾਨਞ੍ਚੇવ ਆਚਰਿਯਾਚਰਿਯਾਨਞ੍ਚ। ਅવੀਚਿ ਮਞ੍ਞੇ ਫੁਟੋ ਅਹੋਸੀਤਿ ਯਥਾ ਅવੀਚਿ ਮਹਾਨਿਰਯੋ ਨਿਰਨ੍ਤਰਫੁਟੋ ਨੇਰਯਿਕਸਤ੍ਤੇਹਿ ਪਰਿਪੁਣ੍ਣੋ, ਮਨੁਸ੍ਸੇਹਿ ਏવਂ ਪਰਿਪੁਣ੍ਣੋ ਹੋਤਿ। ਕੁਕ੍ਕੁਟਸਂਪਾਤਿਕਾਤਿ ਏਕਗਾਮਸ੍ਸ ਛਦਨਪਿਟ੍ਠਿਤੋ ਉਪ੍ਪਤਿਤ੍વਾ ਇਤਰਗਾਮਸ੍ਸ ਛਦਨਪਿਟ੍ਠੇ ਪਤਨਸਙ੍ਖਾਤੋ ਕੁਕ੍ਕੁਟਸਂਪਾਤੋ ਏਤਾਸੁ ਅਤ੍ਥੀਤਿ ਕੁਕ੍ਕੁਟਸਂਪਾਤਿਕਾ। ਕੁਕ੍ਕੁਟਸਂਪਾਦਿਕਾਤਿਪਿ ਪਾਠੋ, ਗਾਮਨ੍ਤਰਤੋ ਗਾਮਨ੍ਤਰਂ ਕੁਕ੍ਕੁਟਾਨਂ ਪਦਸਾ ਗਮਨਸਙ੍ਖਾਤੋ ਕੁਕ੍ਕੁਟਸਂਪਾਦੋ ਏਤਾਸੁ ਅਤ੍ਥੀਤਿ ਅਤ੍ਥੋ। ਉਭਯਮ੍ਪੇਤਂ ਘਨਨਿવਾਸਤਂਯੇવ ਦੀਪੇਤਿ। ਅਧਮ੍ਮਰਾਗਰਤ੍ਤਾਤਿ ਰਾਗੋ ਨਾਮ ਏਕਨ੍ਤੇਨੇવ ਅਧਮ੍ਮੋ, ਅਤ੍ਤਨੋ ਪਰਿਕ੍ਖਾਰੇਸੁ ਪਨ ਉਪ੍ਪਜ੍ਜਮਾਨੋ ਨ ਅਧਮ੍ਮਰਾਗੋਤਿ ਅਧਿਪ੍ਪੇਤੋ, ਪਰਪਰਿਕ੍ਖਾਰੇਸੁ ਉਪ੍ਪਜ੍ਜਮਾਨੋવ ਅਧਮ੍ਮਰਾਗੋਤਿ। વਿਸਮਲੋਭਾਭਿਭੂਤਾਤਿ ਲੋਭਸ੍ਸ ਸਮਕਾਲੋ ਨਾਮ ਨਤ੍ਥਿ, ਏਕਨ੍ਤਂ વਿਸਮੋવ ਏਸ। ਅਤ੍ਤਨਾ ਪਰਿਗ੍ਗਹਿਤવਤ੍ਥੁਮ੍ਹਿ ਪਨ ਉਪ੍ਪਜ੍ਜਮਾਨੋ ਸਮਲੋਭੋ ਨਾਮ, ਪਰਪਰਿਗ੍ਗਹਿਤવਤ੍ਥੁਮ੍ਹਿ ਉਪ੍ਪਜ੍ਜਮਾਨੋવ વਿਸਮੋਤਿ ਅਧਿਪ੍ਪੇਤੋ। ਮਿਚ੍ਛਾਧਮ੍ਮਪਰੇਤਾਤਿ ਅવਤ੍ਥੁਪਟਿਸੇવਨਸਙ੍ਖਾਤੇਨ ਮਿਚ੍ਛਾਧਮ੍ਮੇਨ ਸਮਨ੍ਨਾਗਤਾ। ਦੇવੋ ਨ ਸਮ੍ਮਾ ਧਾਰਂ ਅਨੁਪ੍ਪવੇਚ੍ਛਤੀਤਿ વਸ੍ਸਿਤਬ੍ਬਯੁਤ੍ਤੇ ਕਾਲੇ વਸ੍ਸਂ ਨ વਸ੍ਸਤਿ। ਦੁਬ੍ਭਿਕ੍ਖਨ੍ਤਿ ਦੁਲ੍ਲਭਭਿਕ੍ਖਂ। ਦੁਸ੍ਸਸ੍ਸਨ੍ਤਿ વਿવਿਧਸਸ੍ਸਾਨਂ ਅਸਮ੍ਪਜ੍ਜਨੇਨ ਦੁਸ੍ਸਸ੍ਸਂ। ਸੇਤਟ੍ਠਿਕਨ੍ਤਿ ਸਸ੍ਸੇ ਸਮ੍ਪਜ੍ਜਮਾਨੇ ਪਾਣਕਾ ਪਤਨ੍ਤਿ, ਤੇਹਿ ਦਟ੍ਠਤ੍ਤਾ ਨਿਕ੍ਖਨ੍ਤਨਿਕ੍ਖਨ੍ਤਾਨਿ ਸਾਲਿਸੀਸਾਨਿ ਸੇਤવਣ੍ਣਾਨਿ ਹੋਨ੍ਤਿ ਨਿਸ੍ਸਾਰਾਨਿ। ਤਂ ਸਨ੍ਧਾਯ વੁਤ੍ਤਂ ‘‘ਸੇਤਟ੍ਠਿਕ’’ਨ੍ਤਿ। ਸਲਾਕਾવੁਤ੍ਤਨ੍ਤਿ વਪਿਤਂ વਪਿਤਂ ਸਸ੍ਸਂ ਸਲਾਕਾਮਤ੍ਤਮੇવ ਸਮ੍ਪਜ੍ਜਤਿ, ਫਲਂ ਨ ਦੇਤੀਤਿ ਅਤ੍ਥੋ। ਯਕ੍ਖਾਤਿ ਯਕ੍ਖਾਧਿਪਤਿਨੋ। વਾਲ਼ੇ ਅਮਨੁਸ੍ਸੇ ਓਸ੍ਸਜ੍ਜਨ੍ਤੀਤਿ ਚਣ੍ਡਯਕ੍ਖੇ ਮਨੁਸ੍ਸਪਥੇ વਿਸ੍ਸਜ੍ਜੇਨ੍ਤਿ, ਤੇ ਲਦ੍ਧੋਕਾਸਾ ਮਹਾਜਨਂ ਜੀવਿਤਕ੍ਖਯਂ ਪਾਪੇਨ੍ਤਿ।
57. Chaṭṭhe ācariyapācariyānanti ācariyānañceva ācariyācariyānañca. Avīci maññe phuṭo ahosīti yathā avīci mahānirayo nirantaraphuṭo nerayikasattehi paripuṇṇo, manussehi evaṃ paripuṇṇo hoti. Kukkuṭasaṃpātikāti ekagāmassa chadanapiṭṭhito uppatitvā itaragāmassa chadanapiṭṭhe patanasaṅkhāto kukkuṭasaṃpāto etāsu atthīti kukkuṭasaṃpātikā. Kukkuṭasaṃpādikātipi pāṭho, gāmantarato gāmantaraṃ kukkuṭānaṃ padasā gamanasaṅkhāto kukkuṭasaṃpādo etāsu atthīti attho. Ubhayampetaṃ ghananivāsataṃyeva dīpeti. Adhammarāgarattāti rāgo nāma ekanteneva adhammo, attano parikkhāresu pana uppajjamāno na adhammarāgoti adhippeto, paraparikkhāresu uppajjamānova adhammarāgoti. Visamalobhābhibhūtāti lobhassa samakālo nāma natthi, ekantaṃ visamova esa. Attanā pariggahitavatthumhi pana uppajjamāno samalobho nāma, parapariggahitavatthumhi uppajjamānova visamoti adhippeto. Micchādhammaparetāti avatthupaṭisevanasaṅkhātena micchādhammena samannāgatā. Devo na sammā dhāraṃ anuppavecchatīti vassitabbayutte kāle vassaṃ na vassati. Dubbhikkhanti dullabhabhikkhaṃ. Dussassanti vividhasassānaṃ asampajjanena dussassaṃ. Setaṭṭhikanti sasse sampajjamāne pāṇakā patanti, tehi daṭṭhattā nikkhantanikkhantāni sālisīsāni setavaṇṇāni honti nissārāni. Taṃ sandhāya vuttaṃ ‘‘setaṭṭhika’’nti. Salākāvuttanti vapitaṃ vapitaṃ sassaṃ salākāmattameva sampajjati, phalaṃ na detīti attho. Yakkhāti yakkhādhipatino. Vāḷe amanusse ossajjantīti caṇḍayakkhe manussapathe vissajjenti, te laddhokāsā mahājanaṃ jīvitakkhayaṃ pāpenti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਪਲੋਕਸੁਤ੍ਤਂ • 6. Palokasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਪਲੋਕਸੁਤ੍ਤવਣ੍ਣਨਾ • 6. Palokasuttavaṇṇanā
