| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬. ਪਲੋਕਸੁਤ੍ਤવਣ੍ਣਨਾ
6. Palokasuttavaṇṇanā
੫੭. ਛਟ੍ਠੇ ਆਚਰਿਯਪਾਚਰਿਯਾਨਨ੍ਤਿ ਆਚਰਿਯਾਨਮ੍ਪਿ ਆਚਰਿਯਾਨਂ। ਨਿਰਨ੍ਤਰਫੁਟੋ ਨੇਰਯਿਕਸਤ੍ਤੇਹਿ ਨਿਰਯਗਾਮਿਕਮ੍ਮਸ੍ਸ ਕਾਰਕਾਨਂ ਬਹੁਭਾવਾ। ਉਭਯਮ੍ਪੇਤਨ੍ਤਿ ਯਥਾવੁਤ੍ਤਂ ਅਤ੍ਥਦ੍વਯਂ। ਘਨਨਿવਾਸਤਨ੍ਤਿ ਗਾਮਾਨਂ ਘਨਸਨ੍ਨਿવਾਸਤਂ। ਏਕਨ੍ਤੇਨੇવ ਅਧਮ੍ਮੋਤਿ ਅਯੋਨਿਸੋਮਨਸਿਕਾਰਹੇਤੁਕਤ੍ਤਾ ਅਨਤ੍ਥਹੇਤੁਤਾਯ ਚ ਨਿਯਮੇਨੇવ ਅਧਮ੍ਮੋ। ਨ ਅਧਮ੍ਮਰਾਗੋਤਿ ਅਧਿਪ੍ਪੇਤੋਤਿ ਪਰਪਰਿਕ੍ਖਾਰੇਸੁ ਰਾਗੋ વਿਯ ਨ ਮਹਾਸਾવਜ੍ਜੋਤਿ ਕਤ੍વਾ વੁਤ੍ਤਂ। ਤਥਾ ਹਿ ਸਕਸਕਪਰਿਕ੍ਖਾਰવਿਸਯੋ ਰਾਗੋ વਿਸਮਲੋਭੋ વਿਯ ਨ ਏਕਨ੍ਤਤੋ ਅਪਾਯੁਪ੍ਪਤ੍ਤਿਜਨਕੋ। ਪਰਪਰਿਕ੍ਖਾਰੇਸੁ ਉਪ੍ਪਜ੍ਜਮਾਨਸ੍ਸ ਮਹਾਸਾવਜ੍ਜਤਾਯ ਅਧਮ੍ਮਰਾਗਤਾ। ਲੋਭਸ੍ਸ ਸਮਕਾਲੋ ਨਾਮ ਨਤ੍ਥਿ ਕਾਯਦੁਚ੍ਚਰਿਤਾਦੀਨਂ વਿਯ ਅਯੋਨਿਸੋਮਨਸਿਕਾਰਸਮੁਟ੍ਠਾਨਤ੍ਤਾ। ਏਸਾਤਿ ਏਸੋ ਪਾਪਧਮ੍ਮੋ। ਸਮਲੋਭੋ વਿਸਮਲਕ੍ਖਣਾਭਾવਤੋ। ਤਥਾ ਹਿ ਤਂਸਮੁਟ੍ਠਾਨੋ ਪਯੋਗੋ ਮਿਚ੍ਛਾਚਾਰੋਤਿ ਨ વੁਚ੍ਚਤਿ। ਅવਤ੍ਥੁਪਟਿਸੇવਨਸਙ੍ਖਾਤੇਨਾਤਿ ਯਂ ਲੋਕਿਯਸਾਧੁਸਮਨੁਞ੍ਞਾਤਂ ਰਾਗਸ੍ਸ વਤ੍ਥੁਟ੍ਠਾਨਂ, ਤਤੋ ਅਞ੍ਞਸ੍ਮਿਂ વਤ੍ਥੁਸ੍ਮਿਂ ਪਟਿਸੇવਨਸਙ੍ਖਾਤੇਨ।
57. Chaṭṭhe ācariyapācariyānanti ācariyānampi ācariyānaṃ. Nirantaraphuṭo nerayikasattehi nirayagāmikammassa kārakānaṃ bahubhāvā. Ubhayampetanti yathāvuttaṃ atthadvayaṃ. Ghananivāsatanti gāmānaṃ ghanasannivāsataṃ. Ekanteneva adhammoti ayonisomanasikārahetukattā anatthahetutāya ca niyameneva adhammo. Na adhammarāgoti adhippetoti paraparikkhāresu rāgo viya na mahāsāvajjoti katvā vuttaṃ. Tathā hi sakasakaparikkhāravisayo rāgo visamalobho viya na ekantato apāyuppattijanako. Paraparikkhāresu uppajjamānassa mahāsāvajjatāya adhammarāgatā. Lobhassa samakālo nāma natthi kāyaduccaritādīnaṃ viya ayonisomanasikārasamuṭṭhānattā. Esāti eso pāpadhammo. Samalobho visamalakkhaṇābhāvato. Tathā hi taṃsamuṭṭhāno payogo micchācāroti na vuccati. Avatthupaṭisevanasaṅkhātenāti yaṃ lokiyasādhusamanuññātaṃ rāgassa vatthuṭṭhānaṃ, tato aññasmiṃ vatthusmiṃ paṭisevanasaṅkhātena.
વਿવਿਧਸਸ੍ਸਾਨਨ੍ਤਿ ਸਾਲਿવੀਹਿਆਦਿਨਾਨਪ੍ਪਕਾਰਸਸ੍ਸਾਨਂ। ਦੁਸ੍ਸਸ੍ਸਨ੍ਤਿ ਪਚ੍ਚਯਦੂਸੇਨ ਦੂਸਿਤਂ ਸਸ੍ਸਂ। ਸਮ੍ਪਜ੍ਜਮਾਨੇਤਿ ਨਿਪ੍ਫਜ੍ਜਨਤੋ ਪਗੇવ ਗਬ੍ਭਪਰਿવੁਦ੍ਧਿਕਾਲੇ। ਪਾਣਕਾਤਿ ਸਲਭਾਦਿਪਾਣਕਾ। ਪਤਨ੍ਤੀਤਿ ਸਸ੍ਸਾਨਂ ਮਤ੍ਥਕੇ ਪਤਨ੍ਤਿ। ਸਲਾਕਾਮਤ੍ਤਮੇવ ਸਮ੍ਪਜ੍ਜਤੀਤਿ વਡ੍ਢਿਤ੍વਾ ਗਬ੍ਭਂ ਗਹੇਤੁਂ ਅਸਮਤ੍ਥਂ ਸਮ੍ਪਜ੍ਜਤਿ। ਤੇਤਿ વਾਲ਼ਅਮਨੁਸ੍ਸਾ। ਲਦ੍ਧੋਕਾਸਾਤਿ ਯਕ੍ਖਾਧਿਪਤੀਹਿ ਅਨੁਞ੍ਞਾਤਤ੍ਤਾ ਲਦ੍ਧੋਕਾਸਾ।
Vividhasassānanti sālivīhiādinānappakārasassānaṃ. Dussassanti paccayadūsena dūsitaṃ sassaṃ. Sampajjamāneti nipphajjanato pageva gabbhaparivuddhikāle. Pāṇakāti salabhādipāṇakā. Patantīti sassānaṃ matthake patanti. Salākāmattameva sampajjatīti vaḍḍhitvā gabbhaṃ gahetuṃ asamatthaṃ sampajjati. Teti vāḷaamanussā. Laddhokāsāti yakkhādhipatīhi anuññātattā laddhokāsā.
ਪਲੋਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Palokasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਪਲੋਕਸੁਤ੍ਤਂ • 6. Palokasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਪਲੋਕਸੁਤ੍ਤવਣ੍ਣਨਾ • 6. Palokasuttavaṇṇanā
