| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
9. පමාදාදිවග්‌ගවණ්‌ණනා
9. Pamādādivaggavaṇṇanā
81. නවමස්‌සාපි පඨමං අට්‌ඨුප්‌පත්‌තියමෙව කථිතං. සම්‌බහුලා කිර භික්‌ඛූ ධම්‌මසභායං නිසින්‌නා කුම්‌භඝොසකං ආරබ්‌භ ‘‘අසුකං නාම කුලං පුබ්‌බෙ අප්‌පයසං අප්‌පපරිවාරං අහොසි, ඉදානි මහායසං මහාපරිවාරං ජාත’’න්‌ති කථයිංසු. සත්‌ථා පුරිමනයෙනෙව ආගන්‌ත්‌වා තෙසං වචනං සුත්‌වා ඉමං සුත්‌තං ආරභි. තස්‌සත්‌ථො හෙට්‌ඨා වුත්‌තනයෙනෙව වෙදිතබ්‌බො.
81. Navamassāpi paṭhamaṃ aṭṭhuppattiyameva kathitaṃ. Sambahulā kira bhikkhū dhammasabhāyaṃ nisinnā kumbhaghosakaṃ ārabbha ‘‘asukaṃ nāma kulaṃ pubbe appayasaṃ appaparivāraṃ ahosi, idāni mahāyasaṃ mahāparivāraṃ jāta’’nti kathayiṃsu. Satthā purimanayeneva āgantvā tesaṃ vacanaṃ sutvā imaṃ suttaṃ ārabhi. Tassattho heṭṭhā vuttanayeneva veditabbo.
82. දුතියාදීසු මහතො අනත්‌ථායාති මහන්‌තස්‌ස අනත්‌ථස්‌ස අත්‌ථාය. සෙසමෙත්‌ථ උත්‌තානමෙවාති.
82. Dutiyādīsu mahato anatthāyāti mahantassa anatthassa atthāya. Sesamettha uttānamevāti.
පමාදාදිවග්‌ගවණ්‌ණනා.
Pamādādivaggavaṇṇanā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 9. පමාදාදිවග්‌ගො • 9. Pamādādivaggo
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 8. කල්‍යාණමිත්‌තාදිවග්‌ගවණ්‌ණනා • 8. Kalyāṇamittādivaggavaṇṇanā
