| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪. পমাদৰিহারীসুত্তং
4. Pamādavihārīsuttaṃ
৯৭. ‘‘পমাদৰিহারিঞ্চ ৰো, ভিক্খৰে, দেসেস্সামি অপ্পমাদৰিহারিঞ্চ। তং সুণাথ। কথঞ্চ, ভিক্খৰে, পমাদৰিহারী হোতি? চক্খুন্দ্রিযং অসংৰুতস্স, ভিক্খৰে, ৰিহরতো চিত্তং ব্যাসিঞ্চতি 1। চক্খুৰিঞ্ঞেয্যেসু রূপেসু তস্স ব্যাসিত্তচিত্তস্স পামোজ্জং ন হোতি। পামোজ্জে অসতি পীতি ন হোতি। পীতিযা অসতি পস্সদ্ধি ন হোতি। পস্সদ্ধিযা অসতি দুক্খং হোতি। দুক্খিনো চিত্তং ন সমাধিযতি। অসমাহিতে চিত্তে ধম্মা ন পাতুভৰন্তি। ধম্মানং অপাতুভাৰা পমাদৰিহারী ত্ৰেৰ সঙ্খং গচ্ছতি…পে॰… জিৰ্হিন্দ্রিযং অসংৰুতস্স, ভিক্খৰে, ৰিহরতো চিত্তং ব্যাসিঞ্চতি জিৰ্হাৰিঞ্ঞেয্যেসু রসেসু, তস্স ব্যাসিত্তচিত্তস্স…পে॰… পমাদৰিহারী ত্ৰেৰ সঙ্খং গচ্ছতি…পে॰… মনিন্দ্রিযং অসংৰুতস্স, ভিক্খৰে, ৰিহরতো চিত্তং ব্যাসিঞ্চতি মনোৰিঞ্ঞেয্যেসু ধম্মেসু, তস্স ব্যাসিত্তচিত্তস্স পামোজ্জং ন হোতি। পামোজ্জে অসতি পীতি ন হোতি । পীতিযা অসতি পস্সদ্ধি ন হোতি। পস্সদ্ধিযা অসতি দুক্খং হোতি। দুক্খিনো চিত্তং ন সমাধিযতি। অসমাহিতে চিত্তে ধম্মা ন পাতুভৰন্তি । ধম্মানং অপাতুভাৰা পমাদৰিহারী ত্ৰেৰ সঙ্খং গচ্ছতি। এৰং খো, ভিক্খৰে, পমাদৰিহারী হোতি।
97. ‘‘Pamādavihāriñca vo, bhikkhave, desessāmi appamādavihāriñca. Taṃ suṇātha. Kathañca, bhikkhave, pamādavihārī hoti? Cakkhundriyaṃ asaṃvutassa, bhikkhave, viharato cittaṃ byāsiñcati 2. Cakkhuviññeyyesu rūpesu tassa byāsittacittassa pāmojjaṃ na hoti. Pāmojje asati pīti na hoti. Pītiyā asati passaddhi na hoti. Passaddhiyā asati dukkhaṃ hoti. Dukkhino cittaṃ na samādhiyati. Asamāhite citte dhammā na pātubhavanti. Dhammānaṃ apātubhāvā pamādavihārī tveva saṅkhaṃ gacchati…pe… jivhindriyaṃ asaṃvutassa, bhikkhave, viharato cittaṃ byāsiñcati jivhāviññeyyesu rasesu, tassa byāsittacittassa…pe… pamādavihārī tveva saṅkhaṃ gacchati…pe… manindriyaṃ asaṃvutassa, bhikkhave, viharato cittaṃ byāsiñcati manoviññeyyesu dhammesu, tassa byāsittacittassa pāmojjaṃ na hoti. Pāmojje asati pīti na hoti . Pītiyā asati passaddhi na hoti. Passaddhiyā asati dukkhaṃ hoti. Dukkhino cittaṃ na samādhiyati. Asamāhite citte dhammā na pātubhavanti . Dhammānaṃ apātubhāvā pamādavihārī tveva saṅkhaṃ gacchati. Evaṃ kho, bhikkhave, pamādavihārī hoti.
‘‘কথঞ্চ, ভিক্খৰে, অপ্পমাদৰিহারী হোতি? চক্খুন্দ্রিযং সংৰুতস্স, ভিক্খৰে, ৰিহরতো চিত্তং ন ব্যাসিঞ্চতি চক্খুৰিঞ্ঞেয্যেসু রূপেসু, তস্স অব্যাসিত্তচিত্তস্স পামোজ্জং জাযতি। পমুদিতস্স পীতি জাযতি। পীতিমনস্স কাযো পস্সম্ভতি। পস্সদ্ধকাযো সুখং ৰিহরতি। সুখিনো চিত্তং সমাধিযতি। সমাহিতে চিত্তে ধম্মা পাতুভৰন্তি। ধম্মানং পাতুভাৰা অপ্পমাদৰিহারী ত্ৰেৰ সঙ্খং গচ্ছতি…পে॰… জিৰ্হিন্দ্রিযং সংৰুতস্স, ভিক্খৰে, ৰিহরতো চিত্তং ন ব্যাসিঞ্চতি…পে॰… অপ্পমাদৰিহারী ত্ৰেৰ সঙ্খং গচ্ছতি। মনিন্দ্রিযং সংৰুতস্স, ভিক্খৰে, ৰিহরতো চিত্তং ন ব্যাসিঞ্চতি, মনোৰিঞ্ঞেয্যেসু ধম্মেসু, তস্স অব্যাসিত্তচিত্তস্স পামোজ্জং জাযতি। পমুদিতস্স পীতি জাযতি। পীতিমনস্স কাযো পস্সম্ভতি। পস্সদ্ধকাযো সুখং ৰিহরতি। সুখিনো চিত্তং সমাধিযতি। সমাহিতে চিত্তে ধম্মা পাতুভৰন্তি। ধম্মানং পাতুভাৰা অপ্পমাদৰিহারী ত্ৰেৰ সঙ্খং গচ্ছতি। এৰং খো, ভিক্খৰে, অপ্পমাদৰিহারী হোতী’’তি। চতুত্থং।
‘‘Kathañca, bhikkhave, appamādavihārī hoti? Cakkhundriyaṃ saṃvutassa, bhikkhave, viharato cittaṃ na byāsiñcati cakkhuviññeyyesu rūpesu, tassa abyāsittacittassa pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ viharati. Sukhino cittaṃ samādhiyati. Samāhite citte dhammā pātubhavanti. Dhammānaṃ pātubhāvā appamādavihārī tveva saṅkhaṃ gacchati…pe… jivhindriyaṃ saṃvutassa, bhikkhave, viharato cittaṃ na byāsiñcati…pe… appamādavihārī tveva saṅkhaṃ gacchati. Manindriyaṃ saṃvutassa, bhikkhave, viharato cittaṃ na byāsiñcati, manoviññeyyesu dhammesu, tassa abyāsittacittassa pāmojjaṃ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaṃ viharati. Sukhino cittaṃ samādhiyati. Samāhite citte dhammā pātubhavanti. Dhammānaṃ pātubhāvā appamādavihārī tveva saṅkhaṃ gacchati. Evaṃ kho, bhikkhave, appamādavihārī hotī’’ti. Catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. পমাদৰিহারীসুত্তৰণ্ণনা • 4. Pamādavihārīsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পমাদৰিহারীসুত্তৰণ্ণনা • 4. Pamādavihārīsuttavaṇṇanā
