| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. бам̣суд̇ховагасуд̇д̇аван̣н̣анаа
10. Paṃsudhovakasuttavaṇṇanā
102. д̣̇асамз д̇ховад̇ийд̇и вигкаалзд̇и. санд̇ховад̇ийд̇и судту д̇ховад̇и, бунаббунам̣ д̇ховад̇и. нид̣̇д̇ховад̇ийд̇и ниг̇г̇ан̣хид̇ваа д̇ховад̇и. анид̣̇д̇ханд̇агасааванд̇и анийхад̇ад̣̇осам̣ анабанийд̇агасаавам̣. бабхан̇г̇ууд̇и бабхиж̇ж̇анасабхаавам̣, ад̇хигаран̣ийяам̣ табзд̇ваа мудтигааяа бахадамад̇д̇ам̣ бхиж̇ж̇ад̇и. баддигааяаад̇и суван̣н̣абаддагааяа. г̇ийвзяяагзд̇и г̇ийваалан̇гаарз.
102. Dasame dhovatīti vikkhāleti. Sandhovatīti suṭṭhu dhovati, punappunaṃ dhovati. Niddhovatīti niggaṇhitvā dhovati. Aniddhantakasāvanti anīhatadosaṃ anapanītakasāvaṃ. Pabhaṅgūti pabhijjanasabhāvaṃ, adhikaraṇīyaṃ ṭhapetvā muṭṭhikāya pahaṭamattaṃ bhijjati. Paṭṭikāyāti suvaṇṇapaṭṭakāya. Gīveyyaketi gīvālaṅkāre.
ад̇хижид̇д̇анд̇и самат̇авибассанаажид̇д̇ам̣. ануяуд̇д̇ассаад̇и бхаавзнд̇асса. сажзд̇асод̇и жид̇д̇асамбанно. д̣̇аб̣б̣аж̇аад̇игод̇и бан̣д̣ид̇аж̇аад̇иго. гаамавид̇аггаад̣̇ийсу гаамз аараб̣бха уббанно вид̇агго гаамавид̇агго. б̣яаабаад̣̇авихим̣сасамбаяуд̇д̇аа вид̇аггаа б̣яаабаад̣̇авихим̣савид̇аггаа наама. н̃аад̇ивид̇аггаад̣̇ийсу ‘‘амхаагам̣ н̃аад̇агаа б̣ахуу бун̃н̃аванд̇аа’’д̇иаад̣̇инаа наязна н̃аад̇агз аараб̣бха уббанно вид̇агго н̃аад̇ивид̇агго. ‘‘асуго ж̇анабад̣̇о кзмо субхигко’’д̇иаад̣̇инаа наязна ж̇анабад̣̇амаараб̣бха уббанно вид̇агго ж̇анабад̣̇авид̇агго. ‘‘ахо вад̇а мам̣ барз на аваж̇аанзяяу’’нд̇и звам̣ уббанно вид̇агго анаван̃н̃ад̇д̇ибадисам̣яуд̇д̇о вид̇агго наама. д̇хаммавид̇аггаавасиссанд̇ийд̇и д̇хаммавид̇аггаа наама д̣̇асавибассанубаггилзсавид̇аггаа. со ход̇и самаад̇хи на жзва санд̇од̇и со авасидтад̇хаммавид̇агго вибассанаасамаад̇хи авуубасанд̇агилзсад̇д̇аа санд̇о на ход̇и. на бан̣ийд̇од̇и на ад̇аббаго. наббадиббассад̣̇д̇хилад̣̇д̇ход̇и на гилзсабадиббассад̣̇д̇хияаа лад̣̇д̇хо. на згод̣̇ибхааваад̇хиг̇ад̇од̇и на згаг̇г̇абхааваббад̇д̇о. сасан̇каараниг̇г̇аяхаваарид̇аг̇ад̇од̇и сасан̇каарзна саббаяог̇зна гилзсз ниг̇г̇ан̣хид̇ваа ваарзд̇ваа ваарид̇о, на гилзсаанам̣ чиннанд̇з уббанно, гилзсз бана ваарзд̇ваа уббанно.
Adhicittanti samathavipassanācittaṃ. Anuyuttassāti bhāventassa. Sacetasoti cittasampanno. Dabbajātikoti paṇḍitajātiko. Kāmavitakkādīsu kāme ārabbha uppanno vitakko kāmavitakko. Byāpādavihiṃsasampayuttā vitakkā byāpādavihiṃsavitakkā nāma. Ñātivitakkādīsu ‘‘amhākaṃ ñātakā bahū puññavantā’’tiādinā nayena ñātake ārabbha uppanno vitakko ñātivitakko. ‘‘Asuko janapado khemo subhikkho’’tiādinā nayena janapadamārabbha uppanno vitakko janapadavitakko. ‘‘Aho vata maṃ pare na avajāneyyu’’nti evaṃ uppanno vitakko anavaññattipaṭisaṃyutto vitakko nāma. Dhammavitakkāvasissantīti dhammavitakkā nāma dasavipassanupakkilesavitakkā. So hoti samādhi na ceva santoti so avasiṭṭhadhammavitakko vipassanāsamādhi avūpasantakilesattā santo na hoti. Na paṇītoti na atappako. Nappaṭippassaddhiladdhoti na kilesapaṭippassaddhiyā laddho. Na ekodibhāvādhigatoti na ekaggabhāvappatto. Sasaṅkhāraniggayhavāritagatoti sasaṅkhārena sappayogena kilese niggaṇhitvā vāretvā vārito, na kilesānaṃ chinnante uppanno, kilese pana vāretvā uppanno.
ход̇и со, бхигкавз, самаяод̇и зд̇т̇а самаяо наама уд̇усаббааяам̣ аахаарасаббааяам̣ сзнаасанасаббааяам̣ буг̇г̇аласаббааяам̣ д̇хаммассаванасаббааяанд̇и имзсам̣ бан̃жаннам̣ саббааяаанам̣ бадилаабхагаало. яам̣ д̇ам̣ жид̇д̇анд̇и яасмим̣ самаяз д̇ам̣ вибассанаажид̇д̇ам̣. аж̇жхад̇д̇ам̣язва санд̇идтад̇ийд̇и ад̇д̇аниязва д̇идтад̇и. нияагаж̇жхад̇д̇ан̃хи ид̇ха аж̇жхад̇д̇ам̣ наама. г̇ожараж̇жхад̇д̇амби ваддад̇и. бут̇уд̇д̇аарамман̣ам̣ бахааяа згасмим̣ ниб̣б̣аанаг̇ожарзязва д̇идтад̇ийд̇и вуд̇д̇ам̣ ход̇и. саннисийд̣̇ад̇ийд̇и судту нисийд̣̇ад̇и. згод̣̇и ход̇ийд̇и згаг̇г̇ам̣ ход̇и. самаад̇хияад̇ийд̇и саммаа аад̇хияад̇и. санд̇од̇иаад̣̇ийсу бажжанийгагилзсавуубасамзна санд̇о. ад̇аббагадтзна бан̣ийд̇о. гилзсабадиббассад̣̇д̇хияаа лад̣̇д̇хад̇д̇аа бадиббассад̣̇д̇халад̣̇д̇хо. згаг̇г̇абхаавам̣ г̇ад̇ад̇д̇аа згод̣̇ибхааваад̇хиг̇ад̇о. гилзсаанам̣ чиннанд̇з уббаннад̇д̇аа на саббаяог̇зна гилзсз ниг̇г̇ан̣хид̇ваа ваарзд̇ваа ваарид̇од̇и на сасан̇каараниг̇г̇аяхаваарид̇аг̇ад̇о. зд̇д̇аавад̇аа аяам̣ бхигку виваддзд̇ваа арахад̇д̇ам̣ бад̇д̇о наама ход̇и.
Hotiso, bhikkhave, samayoti ettha samayo nāma utusappāyaṃ āhārasappāyaṃ senāsanasappāyaṃ puggalasappāyaṃ dhammassavanasappāyanti imesaṃ pañcannaṃ sappāyānaṃ paṭilābhakālo. Yaṃ taṃ cittanti yasmiṃ samaye taṃ vipassanācittaṃ. Ajjhattaṃyeva santiṭṭhatīti attaniyeva tiṭṭhati. Niyakajjhattañhi idha ajjhattaṃ nāma. Gocarajjhattampi vaṭṭati. Puthuttārammaṇaṃ pahāya ekasmiṃ nibbānagocareyeva tiṭṭhatīti vuttaṃ hoti. Sannisīdatīti suṭṭhu nisīdati. Ekodi hotīti ekaggaṃ hoti. Samādhiyatīti sammā ādhiyati. Santotiādīsu paccanīkakilesavūpasamena santo. Atappakaṭṭhena paṇīto. Kilesapaṭippassaddhiyā laddhattā paṭippassaddhaladdho. Ekaggabhāvaṃ gatattā ekodibhāvādhigato. Kilesānaṃ chinnante uppannattā na sappayogena kilese niggaṇhitvā vāretvā vāritoti na sasaṅkhāraniggayhavāritagato. Ettāvatā ayaṃ bhikkhu vivaṭṭetvā arahattaṃ patto nāma hoti.
ид̣̇аани кийн̣аасавасса сад̇о абхин̃н̃аабадибад̣̇ам̣ д̣̇ассзнд̇о яасса яасса жаад̇иаад̣̇имааха. д̇ад̇т̇а абхин̃н̃аа сажчигаран̣ийяассаад̇и абхиж̇аанид̇ваа бажжагкам̣ гаад̇аб̣б̣асса. сад̇и сад̇иааяад̇анзд̇и буб̣б̣ахзд̇усан̇каад̇з жзва ид̣̇аани жа бадилад̣̇д̇хаб̣б̣з абхин̃н̃аабаад̣̇агаж̇жхаанаад̣̇ибхзд̣̇з жа сад̇и сад̇игааран̣з. вид̇т̇аарад̇о бана аяам̣ абхин̃н̃аагат̇аа висуд̣̇д̇химаг̇г̇з (висуд̣̇д̇хи. 2.365 аад̣̇аяо) вуд̇д̇анаязнзва взд̣̇ид̇аб̣б̣аа. аасаваанам̣ каяаад̇иаад̣̇и жзд̇т̇а паласамаабад̇д̇ивасзна вуд̇д̇анд̇и взд̣̇ид̇аб̣б̣ам̣.
Idāni khīṇāsavassa sato abhiññāpaṭipadaṃ dassento yassa yassa cātiādimāha. Tattha abhiññā sacchikaraṇīyassāti abhijānitvā paccakkhaṃ kātabbassa. Sati satiāyataneti pubbahetusaṅkhāte ceva idāni ca paṭiladdhabbe abhiññāpādakajjhānādibhede ca sati satikāraṇe. Vitthārato pana ayaṃ abhiññākathā visuddhimagge (visuddhi. 2.365 ādayo) vuttanayeneva veditabbā. Āsavānaṃ khayātiādi cettha phalasamāpattivasena vuttanti veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. бам̣суд̇ховагасуд̇д̇ам̣ • 10. Paṃsudhovakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. бам̣суд̇ховагасуд̇д̇аван̣н̣анаа • 10. Paṃsudhovakasuttavaṇṇanā
