| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. бам̣суд̇ховагасуд̇д̇аван̣н̣анаа
10. Paṃsudhovakasuttavaṇṇanā
102. д̣̇асамз анийхад̇ад̣̇осанд̇и анабанийд̇ат̇уулагаал̣агам̣. анабанийд̇агасааванд̇и анабаг̇ад̇асукумагаал̣агам̣. бахадамад̇д̇анд̇и аахадамад̇д̇ам̣.
102. Dasame anīhatadosanti anapanītathūlakāḷakaṃ. Anapanītakasāvanti anapagatasukhumakāḷakaṃ. Pahaṭamattanti āhaṭamattaṃ.
д̣̇асагусалагаммабат̇авасзна уббаннам̣ жид̇д̇ам̣ жид̇д̇амзва, вибассанаабаад̣̇агаадтасамаабад̇д̇ижид̇д̇ам̣ вибассанаажид̇д̇ан̃жа д̇ад̇о жид̇д̇ад̇о ад̇хигам̣ жид̇д̇анд̇и ад̇хижид̇д̇анд̇и ааха ‘‘ад̇хижид̇д̇анд̇и самат̇авибассанаажид̇д̇а’’нд̇и. ануяуд̇д̇ассаад̇и ануббаннасса уббаад̣̇анавасзна уббаннасса бадиб̣рууханавасзна ану ану яуд̇д̇асса, д̇ад̇т̇а яуд̇д̇аббаяуд̇д̇ассаад̇и ад̇т̇о. зд̇т̇а жа бурзбхад̇д̇ам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇аббадигганд̇о нисийд̣̇анам̣ аад̣̇ааяа ‘‘асугасмим̣ ругкамуулз ваа ванасан̣д̣з ваа баб̣бхаарз ваа саман̣ад̇хаммам̣ гариссаамий’’д̇и нигкаманд̇оби д̇ад̇т̇а г̇анд̇ваа хад̇т̇зхи ваа баад̣̇зхи ваа нисаж̇ж̇адтаанад̇о д̇ин̣абан̣н̣аани абанзнд̇оби ад̇хижид̇д̇ам̣ ануяуд̇д̇оязва. нисийд̣̇ид̇ваа бана хад̇т̇абаад̣̇з д̇ховид̇ваа муулагаммадтаанам̣ г̇ахзд̇ваа бхааванам̣ ануяун̃ж̇анд̇о бхааванааяа аббанам̣ аббад̇д̇ааяаби ад̇хижид̇д̇амануяуд̇д̇оязва д̇ад̣̇ад̇т̇знаби д̇ам̣сад̣̇д̣̇авохаарад̇о. жид̇д̇асамбаннод̇и д̇хаммажид̇д̇асса саманнааг̇ад̇ад̇д̇аа самбаннажид̇д̇о. бан̣д̣ид̇аж̇аад̇игод̇и бан̣д̣ид̇асабхааво.
Dasakusalakammapathavasena uppannaṃ cittaṃ cittameva, vipassanāpādakaaṭṭhasamāpatticittaṃ vipassanācittañca tato cittato adhikaṃ cittanti adhicittanti āha ‘‘adhicittanti samathavipassanācitta’’nti. Anuyuttassāti anuppannassa uppādanavasena uppannassa paṭibrūhanavasena anu anu yuttassa, tattha yuttappayuttassāti attho. Ettha ca purebhattaṃ piṇḍāya caritvā pacchābhattaṃ piṇḍapātappaṭikkanto nisīdanaṃ ādāya ‘‘asukasmiṃ rukkhamūle vā vanasaṇḍe vā pabbhāre vā samaṇadhammaṃ karissāmī’’ti nikkhamantopi tattha gantvā hatthehi vā pādehi vā nisajjaṭṭhānato tiṇapaṇṇāni apanentopi adhicittaṃ anuyuttoyeva. Nisīditvā pana hatthapāde dhovitvā mūlakammaṭṭhānaṃ gahetvā bhāvanaṃ anuyuñjanto bhāvanāya appanaṃ appattāyapi adhicittamanuyuttoyeva tadatthenapi taṃsaddavohārato. Cittasampannoti dhammacittassa samannāgatattā sampannacitto. Paṇḍitajātikoti paṇḍitasabhāvo.
гаамз аараб̣бхаад̇и вад̇т̇угаамз аараб̣бха. гаамарааг̇асан̇каад̇зна ваа гаамзна бадисам̣яуд̇д̇о вид̇агго гаамавид̇агго. б̣яаабаж̇ж̇ад̇и жид̇д̇ам̣ зд̇знаад̇и б̣яаабаад̣̇о, д̣̇осо. вихим̣санд̇и зд̇ааяа сад̇д̇з, вихим̣санам̣ ваа д̇зсам̣ зд̇анд̇и вихим̣саа, барзсам̣ вихзтанаагаарзна бавад̇д̇асса гарун̣аабадибагкасса баабад̇хаммассзд̇ам̣ ад̇хиважанам̣. н̃аад̇агз аараб̣бха уббанно вид̇аггод̇и н̃аад̇агз аараб̣бха г̇зхассид̇абзмавасзна уббанно вид̇агго. ж̇анабад̣̇амаараб̣бха уббанно вид̇аггод̇и зд̇т̇ааби зсзва наяо. ахо вад̇а мам̣…бз… уббанно вид̇аггод̇и ‘‘ахо вад̇а мам̣ барз на аваж̇аанзяяум̣, на хздтаа гад̇ваа ман̃н̃зяяум̣, баасаан̣ажчад̇д̇ам̣ вияа г̇арум̣ гарзяяу’’нд̇и звам̣ уббаннавид̇агго. д̣̇асавибассанубаггилзсавид̇аггаад̇и обхаасаад̣̇ид̣̇асавибассанубаггилзсз аараб̣бха уббаннавид̇аггаа.
Kāme ārabbhāti vatthukāme ārabbha. Kāmarāgasaṅkhātena vā kāmena paṭisaṃyutto vitakko kāmavitakko. Byāpajjati cittaṃ etenāti byāpādo, doso. Vihiṃsanti etāya satte, vihiṃsanaṃ vā tesaṃ etanti vihiṃsā, paresaṃ viheṭhanākārena pavattassa karuṇāpaṭipakkhassa pāpadhammassetaṃ adhivacanaṃ. Ñātake ārabbha uppanno vitakkoti ñātake ārabbha gehassitapemavasena uppanno vitakko. Janapadamārabbha uppanno vitakkoti etthāpi eseva nayo. Aho vata maṃ…pe… uppanno vitakkoti ‘‘aho vata maṃ pare na avajāneyyuṃ, na heṭṭhā katvā maññeyyuṃ, pāsāṇacchattaṃ viya garuṃ kareyyu’’nti evaṃ uppannavitakko. Dasavipassanupakkilesavitakkāti obhāsādidasavipassanupakkilese ārabbha uppannavitakkā.
авасидтаа д̇хаммавид̇аггаа зд̇ассаад̇и авасидтад̇хаммавид̇агго, вибассанаасамаад̇хи. на згаг̇г̇абхааваббад̇д̇о на згаг̇г̇ад̇ам̣ бад̇д̇о. згам̣ уд̣̇зд̇ийд̇и хи згод̣̇и, бадибагкзхи анабхибхууд̇ад̇д̇аа аг̇г̇ам̣ сздтам̣ худ̇ваа уд̣̇зд̇ийд̇и ад̇т̇о. сздтоби хи логз згод̇и вужжад̇и, згасмим̣ аарамман̣з самаад̇хаанавасзна бавад̇д̇ажид̇д̇ассзд̇ам̣ ад̇хиважанам̣. згод̣̇исса бхааво згод̣̇ибхааво, згаг̇г̇ад̇ааязд̇ам̣ ад̇хиважанам̣.
Avasiṭṭhā dhammavitakkā etassāti avasiṭṭhadhammavitakko, vipassanāsamādhi. Na ekaggabhāvappatto na ekaggataṃ patto. Ekaṃ udetīti hi ekodi, paṭipakkhehi anabhibhūtattā aggaṃ seṭṭhaṃ hutvā udetīti attho. Seṭṭhopi hi loke ekoti vuccati, ekasmiṃ ārammaṇe samādhānavasena pavattacittassetaṃ adhivacanaṃ. Ekodissa bhāvo ekodibhāvo, ekaggatāyetaṃ adhivacanaṃ.
нияагаж̇жхад̇д̇анд̇и ад̇д̇асанд̇аанассзд̇ам̣ ад̇хиважанам̣. г̇ожараж̇жхад̇д̇анд̇и ид̇ха ниб̣б̣аанам̣ ад̇хиббзд̇ам̣. д̇знааха ‘‘згасмим̣ ниб̣б̣аанаг̇ожарзязва д̇идтад̇ий’’д̇и. судту нисийд̣̇ад̇ийд̇и самаад̇хибадибагкз гилзсз саннисийд̣̇знд̇о судту нисийд̣̇ад̇и. згаг̇г̇ам̣ ход̇ийд̇и аб̣яаг̇г̇абхааваббад̇д̇ияаа згаг̇г̇ам̣ ход̇и. саммаа аад̇хияад̇ийд̇и яат̇аа аарамман̣з судту аббид̇ам̣ ход̇и, звам̣ саммаа саммад̣̇зва аад̇хияад̇и.
Niyakajjhattanti attasantānassetaṃ adhivacanaṃ. Gocarajjhattanti idha nibbānaṃ adhippetaṃ. Tenāha ‘‘ekasmiṃ nibbānagocareyeva tiṭṭhatī’’ti. Suṭṭhu nisīdatīti samādhipaṭipakkhe kilese sannisīdento suṭṭhu nisīdati. Ekaggaṃ hotīti abyaggabhāvappattiyā ekaggaṃ hoti. Sammā ādhiyatīti yathā ārammaṇe suṭṭhu appitaṃ hoti, evaṃ sammā sammadeva ādhiyati.
абхин̃н̃аа сажчигаран̣ийяассаад̇и зд̇т̇а ‘‘абхин̃н̃ааяа сажчигаран̣ийяассаа’’д̇и вад̇д̇аб̣б̣з ‘‘абхин̃н̃аа’’д̇и яа-гааралобзна бана буна гаалагирияаанид̣̇д̣̇зсо гад̇од̇и ааха ‘‘абхиж̇аанид̇ваа бажжагкам̣ гаад̇аб̣б̣ассаа’’д̇и. абхин̃н̃ааяа ид̣̇д̇хивид̇хаад̣̇ин̃аан̣зна сажчигирияам̣ ид̣̇д̇хивид̇хабажжанубхаванаад̣̇игам̣ абхин̃н̃аасажчигаран̣ийяанд̇и звам̣ ваа зд̇т̇а ад̇т̇о д̣̇адтаб̣б̣о. сагкибхаб̣б̣ад̇ам̣ баабун̣аад̇ийд̇и зд̇т̇а бана яасса бажжагкам̣ ад̇т̇и, со сагкий, сагкино бхаб̣б̣ад̇аа сагкибхаб̣б̣ад̇аа, сагкибхавананд̇и вуд̇д̇ам̣ ход̇и. сагкий жа со бхаб̣б̣о жаад̇и сагкибхаб̣б̣о. аяан̃хи ид̣̇д̇хивид̇хаад̣̇ийнам̣ бхаб̣б̣о д̇ад̇т̇а жа сагкийд̇и сагкибхаб̣б̣о, д̇асса бхааво сагкибхаб̣б̣ад̇аа, д̇ам̣ баабун̣аад̇ийд̇и ад̇т̇о.
Abhiññāsacchikaraṇīyassāti ettha ‘‘abhiññāya sacchikaraṇīyassā’’ti vattabbe ‘‘abhiññā’’ti ya-kāralopena pana puna kālakiriyāniddeso katoti āha ‘‘abhijānitvā paccakkhaṃ kātabbassā’’ti. Abhiññāya iddhividhādiñāṇena sacchikiriyaṃ iddhividhapaccanubhavanādikaṃ abhiññāsacchikaraṇīyanti evaṃ vā ettha attho daṭṭhabbo. Sakkhibhabbataṃ pāpuṇātīti ettha pana yassa paccakkhaṃ atthi, so sakkhī, sakkhino bhabbatā sakkhibhabbatā, sakkhibhavananti vuttaṃ hoti. Sakkhī ca so bhabbo cāti sakkhibhabbo. Ayañhi iddhividhādīnaṃ bhabbo tattha ca sakkhīti sakkhibhabbo, tassa bhāvo sakkhibhabbatā, taṃ pāpuṇātīti attho.
абхин̃н̃аабаад̣̇агаж̇жхаанаад̣̇ибхзд̣̇зд̇и зд̇т̇а абхин̃н̃аабаад̣̇аа жа абхин̃н̃аабаад̣̇агаж̇жхаанан̃жа абхин̃н̃аабаад̣̇агаж̇жхаанаани. аад̣̇и-сад̣̇д̣̇зна арахад̇д̇ан̃жа арахад̇д̇асса вибассанаа жа сан̇г̇ахид̇аад̇и д̣̇адтаб̣б̣ам̣. д̇знзва маж̇жхиманигааяадтагат̇ааяам̣ (ма. ни. адта. 2.198) –
Abhiññāpādakajjhānādibhedeti ettha abhiññāpādā ca abhiññāpādakajjhānañca abhiññāpādakajjhānāni. Ādi-saddena arahattañca arahattassa vipassanā ca saṅgahitāti daṭṭhabbaṃ. Teneva majjhimanikāyaṭṭhakathāyaṃ (ma. ni. aṭṭha. 2.198) –
‘‘сад̇и сад̇иааяад̇анзд̇и сад̇и сад̇игааран̣з. гин̃жзд̇т̇а гааран̣ам̣? абхин̃н̃аа ваа абхин̃н̃аабаад̣̇агаж̇жхаанам̣ ваа, авасаанз бана арахад̇д̇ам̣ ваа гааран̣ам̣ арахад̇д̇асса вибассанаа ваад̇и взд̣̇ид̇аб̣б̣а’’нд̇и вуд̇д̇ам̣.
‘‘Sati satiāyataneti sati satikāraṇe. Kiñcettha kāraṇaṃ? Abhiññā vā abhiññāpādakajjhānaṃ vā, avasāne pana arahattaṃ vā kāraṇaṃ arahattassa vipassanā vāti veditabba’’nti vuttaṃ.
яан̃хи д̇ам̣ д̇ад̇ра д̇ад̇ра сагкибхаб̣б̣ад̇аасан̇каад̇ам̣ ид̣̇д̇хивид̇хабажжанубхаванаад̣̇и, д̇асса абхин̃н̃аа гааран̣ам̣ . ат̇а ид̣̇д̇хивид̇хабажжанубхаванаад̣̇и абхин̃н̃аа, звам̣ сад̇и абхин̃н̃аабаад̣̇агаж̇жхаанам̣ гааран̣ам̣. авасаанз чадтаабхин̃н̃ааяа бана арахад̇д̇ам̣, арахад̇д̇асса вибассанаа ваа гааран̣ам̣. арахад̇д̇ан̃хи ‘‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихариссаами, яад̣̇арияаа зд̇арахи убасамбаж̇ж̇а вихаранд̇ий’’д̇и (ма. ни. 1.465; 3.307) ануд̇д̇арзсу вимогкзсу бихам̣ убадтабзд̇ваа абхин̃н̃аа ниб̣б̣ад̇д̇знд̇асса гааран̣ам̣. ид̣̇ан̃жа саад̇хааран̣ам̣ на ход̇и, саад̇хааран̣авасзна бана арахад̇д̇асса вибассанаа гааран̣ам̣. имасмин̃хи суд̇д̇з арахад̇д̇апалавасзна чадтаабхин̃н̃аа вуд̇д̇аа. д̇знзвааха ‘‘аасаваанам̣ каяаад̇иаад̣̇и жзд̇т̇а паласамаабад̇д̇ивасзна вуд̇д̇анд̇и взд̣̇ид̇аб̣б̣а’’нд̇и.
Yañhi taṃ tatra tatra sakkhibhabbatāsaṅkhātaṃ iddhividhapaccanubhavanādi, tassa abhiññā kāraṇaṃ . Atha iddhividhapaccanubhavanādi abhiññā, evaṃ sati abhiññāpādakajjhānaṃ kāraṇaṃ. Avasāne chaṭṭhābhiññāya pana arahattaṃ, arahattassa vipassanā vā kāraṇaṃ. Arahattañhi ‘‘kudāssu nāmāhaṃ tadāyatanaṃ upasampajja viharissāmi, yadariyā etarahi upasampajja viharantī’’ti (ma. ni. 1.465; 3.307) anuttaresu vimokkhesu pihaṃ upaṭṭhapetvā abhiññā nibbattentassa kāraṇaṃ. Idañca sādhāraṇaṃ na hoti, sādhāraṇavasena pana arahattassa vipassanā kāraṇaṃ. Imasmiñhi sutte arahattaphalavasena chaṭṭhābhiññā vuttā. Tenevāha ‘‘āsavānaṃ khayātiādi cettha phalasamāpattivasena vuttanti veditabba’’nti.
бам̣суд̇ховагасуд̇д̇аван̣н̣анаа нидтид̇аа.
Paṃsudhovakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. бам̣суд̇ховагасуд̇д̇ам̣ • 10. Paṃsudhovakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. бам̣суд̇ховагасуд̇д̇аван̣н̣анаа • 10. Paṃsudhovakasuttavaṇṇanā
