| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
212. бам̣сугуулабариязсанагат̇аа
212. Paṃsukūlapariyesanakathā
341. д̇зна ко бана самаязна самб̣ахулаа бхигкуу госалзсу ж̇анабад̣̇з ад̣̇д̇хаанамаг̇г̇аббадибаннаа хонд̇и. згажжз бхигкуу сусаанам̣ оггамим̣су бам̣сугуулааяа, згажжз бхигкуу нааг̇амзсум̣. яз д̇з бхигкуу сусаанам̣ оггамим̣су бам̣сугуулааяа д̇з бам̣сугуулаани лабхим̣су. яз д̇з бхигкуу нааг̇амзсум̣ д̇з звамаахам̣су – ‘‘амхаагамби, аавусо, бхааг̇ам̣ д̣̇зт̇аа’’д̇и. д̇з звамаахам̣су – ‘‘на маяам̣, аавусо, д̇умхаагам̣ бхааг̇ам̣ д̣̇ассаама. гисса д̇умхз нааг̇амид̇т̇аа’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, нааг̇амзнд̇аанам̣ наагаамаа бхааг̇ам̣ д̣̇аад̇унд̇и.
341. Tena kho pana samayena sambahulā bhikkhū kosalesu janapade addhānamaggappaṭipannā honti. Ekacce bhikkhū susānaṃ okkamiṃsu paṃsukūlāya, ekacce bhikkhū nāgamesuṃ. Ye te bhikkhū susānaṃ okkamiṃsu paṃsukūlāya te paṃsukūlāni labhiṃsu. Ye te bhikkhū nāgamesuṃ te evamāhaṃsu – ‘‘amhākampi, āvuso, bhāgaṃ dethā’’ti. Te evamāhaṃsu – ‘‘na mayaṃ, āvuso, tumhākaṃ bhāgaṃ dassāma. Kissa tumhe nāgamitthā’’ti? Bhagavato etamatthaṃ ārocesuṃ. Anujānāmi, bhikkhave, nāgamentānaṃ nākāmā bhāgaṃ dātunti.
д̇зна ко бана самаязна самб̣ахулаа бхигкуу госалзсу ж̇анабад̣̇з ад̣̇д̇хаанамаг̇г̇аббадибаннаа хонд̇и. згажжз бхигкуу сусаанам̣ оггамим̣су бам̣сугуулааяа, згажжз бхигкуу ааг̇амзсум̣. яз д̇з бхигкуу сусаанам̣ оггамим̣су бам̣сугуулааяа д̇з бам̣сугуулаани лабхим̣су. яз д̇з бхигкуу ааг̇амзсум̣ д̇з звамаахам̣су – ‘‘амхаагамби, аавусо, бхааг̇ам̣ д̣̇зт̇аа’’д̇и. д̇з звамаахам̣су – ‘‘на маяам̣, аавусо, д̇умхаагам̣ бхааг̇ам̣ д̣̇ассаама. гисса д̇умхз на оггамид̇т̇аа’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ааг̇амзнд̇аанам̣ агаамаа бхааг̇ам̣ д̣̇аад̇унд̇и.
Tena kho pana samayena sambahulā bhikkhū kosalesu janapade addhānamaggappaṭipannā honti. Ekacce bhikkhū susānaṃ okkamiṃsu paṃsukūlāya, ekacce bhikkhū āgamesuṃ. Ye te bhikkhū susānaṃ okkamiṃsu paṃsukūlāya te paṃsukūlāni labhiṃsu. Ye te bhikkhū āgamesuṃ te evamāhaṃsu – ‘‘amhākampi, āvuso, bhāgaṃ dethā’’ti. Te evamāhaṃsu – ‘‘na mayaṃ, āvuso, tumhākaṃ bhāgaṃ dassāma. Kissa tumhe na okkamitthā’’ti? Bhagavato etamatthaṃ ārocesuṃ. Anujānāmi, bhikkhave, āgamentānaṃ akāmā bhāgaṃ dātunti.
д̇зна ко бана самаязна самб̣ахулаа бхигкуу госалзсу ж̇анабад̣̇з ад̣̇д̇хаанамаг̇г̇аббадибаннаа хонд̇и. згажжз бхигкуу батамам̣ сусаанам̣ оггамим̣су бам̣сугуулааяа, згажжз бхигкуу бажчаа оггамим̣су. яз д̇з бхигкуу батамам̣ сусаанам̣ оггамим̣су бам̣сугуулааяа д̇з бам̣сугуулаани лабхим̣су. яз д̇з бхигкуу бажчаа оггамим̣су д̇з на лабхим̣су. д̇з звамаахам̣су – ‘‘амхаагамби, аавусо , бхааг̇ам̣ д̣̇зт̇аа’’д̇и. д̇з звамаахам̣су – ‘‘на маяам̣, аавусо, д̇умхаагам̣ бхааг̇ам̣ д̣̇ассаама. гисса д̇умхз бажчаа оггамид̇т̇аа’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, бажчаа огганд̇аанам̣ наагаамаа бхааг̇ам̣ д̣̇аад̇унд̇и.
Tena kho pana samayena sambahulā bhikkhū kosalesu janapade addhānamaggappaṭipannā honti. Ekacce bhikkhū paṭhamaṃ susānaṃ okkamiṃsu paṃsukūlāya, ekacce bhikkhū pacchā okkamiṃsu. Ye te bhikkhū paṭhamaṃ susānaṃ okkamiṃsu paṃsukūlāya te paṃsukūlāni labhiṃsu. Ye te bhikkhū pacchā okkamiṃsu te na labhiṃsu. Te evamāhaṃsu – ‘‘amhākampi, āvuso , bhāgaṃ dethā’’ti. Te evamāhaṃsu – ‘‘na mayaṃ, āvuso, tumhākaṃ bhāgaṃ dassāma. Kissa tumhe pacchā okkamitthā’’ti? Bhagavato etamatthaṃ ārocesuṃ. Anujānāmi, bhikkhave, pacchā okkantānaṃ nākāmā bhāgaṃ dātunti.
д̇зна ко бана самаязна самб̣ахулаа бхигкуу госалзсу ж̇анабад̣̇з ад̣̇д̇хаанамаг̇г̇аббадибаннаа хонд̇и. д̇з сад̣̇исаа сусаанам̣ оггамим̣су бам̣сугуулааяа. згажжз бхигкуу бам̣сугуулаани лабхим̣су, згажжз бхигкуу на лабхим̣су . яз д̇з бхигкуу на лабхим̣су, д̇з звамаахам̣су – ‘‘амхаагамби, аавусо, бхааг̇ам̣ д̣̇зт̇аа’’д̇и. д̇з звамаахам̣су – ‘‘на маяам̣, аавусо, д̇умхаагам̣ бхааг̇ам̣ д̣̇ассаама. гисса д̇умхз на лабхид̇т̇аа’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сад̣̇исаанам̣ огганд̇аанам̣ агаамаа бхааг̇ам̣ д̣̇аад̇унд̇и.
Tena kho pana samayena sambahulā bhikkhū kosalesu janapade addhānamaggappaṭipannā honti. Te sadisā susānaṃ okkamiṃsu paṃsukūlāya. Ekacce bhikkhū paṃsukūlāni labhiṃsu, ekacce bhikkhū na labhiṃsu . Ye te bhikkhū na labhiṃsu, te evamāhaṃsu – ‘‘amhākampi, āvuso, bhāgaṃ dethā’’ti. Te evamāhaṃsu – ‘‘na mayaṃ, āvuso, tumhākaṃ bhāgaṃ dassāma. Kissa tumhe na labhitthā’’ti? Bhagavato etamatthaṃ ārocesuṃ. Anujānāmi, bhikkhave, sadisānaṃ okkantānaṃ akāmā bhāgaṃ dātunti.
д̇зна ко бана самаязна самб̣ахулаа бхигкуу госалзсу ж̇анабад̣̇з ад̣̇д̇хаанамаг̇г̇аббадибаннаа хонд̇и. д̇з гад̇игам̣ гад̇ваа сусаанам̣ оггамим̣су бам̣сугуулааяа. згажжз бхигкуу бам̣сугуулаани лабхим̣су, згажжз бхигкуу на лабхим̣су. яз д̇з бхигкуу на лабхим̣су д̇з звамаахам̣су – ‘‘амхаагамби, аавусо, бхааг̇ам̣ д̣̇зт̇аа’’д̇и. д̇з звамаахам̣су – ‘‘на маяам̣, аавусо, д̇умхаагам̣ бхааг̇ам̣ д̣̇ассаама. гисса д̇умхз на лабхид̇т̇аа’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, гад̇игам̣ гад̇ваа огганд̇аанам̣ агаамаа бхааг̇ам̣ д̣̇аад̇унд̇и.
Tena kho pana samayena sambahulā bhikkhū kosalesu janapade addhānamaggappaṭipannā honti. Te katikaṃ katvā susānaṃ okkamiṃsu paṃsukūlāya. Ekacce bhikkhū paṃsukūlāni labhiṃsu, ekacce bhikkhū na labhiṃsu. Ye te bhikkhū na labhiṃsu te evamāhaṃsu – ‘‘amhākampi, āvuso, bhāgaṃ dethā’’ti. Te evamāhaṃsu – ‘‘na mayaṃ, āvuso, tumhākaṃ bhāgaṃ dassāma. Kissa tumhe na labhitthā’’ti? Bhagavato etamatthaṃ ārocesuṃ. Anujānāmi, bhikkhave, katikaṃ katvā okkantānaṃ akāmā bhāgaṃ dātunti.
бам̣сугуулабариязсанагат̇аа нидтид̇аа.
Paṃsukūlapariyesanakathā niṭṭhitā.
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
