| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. පංසුකූලපූජකත්‌ථෙරඅපදානං
2. Paṃsukūlapūjakattheraapadānaṃ
8.
8.
‘‘හිමවන්‌තස්‌සාවිදූරෙ , උදඞ්‌ගණො නාම පබ්‌බතො;
‘‘Himavantassāvidūre , udaṅgaṇo nāma pabbato;
තත්‌ථද්‌දසං පංසුකූලං, දුමග්‌ගම්‌හි විලම්‌බිතං.
Tatthaddasaṃ paṃsukūlaṃ, dumaggamhi vilambitaṃ.
9.
9.
‘‘තීණි කිඞ්‌කණිපුප්‌ඵානි, ඔචිනිත්‌වානහං තදා;
‘‘Tīṇi kiṅkaṇipupphāni, ocinitvānahaṃ tadā;
හට්‌ඨො හට්‌ඨෙන චිත්‌තෙන, පංසුකූලමපූජයිං.
Haṭṭho haṭṭhena cittena, paṃsukūlamapūjayiṃ.
10.
10.
‘‘තෙන කම්‌මෙන සුකතෙන, චෙතනාපණිධීහි ච;
‘‘Tena kammena sukatena, cetanāpaṇidhīhi ca;
ජහිත්‌වා මානුසං දෙහං, තාවතිංසමගච්‌ඡහං.
Jahitvā mānusaṃ dehaṃ, tāvatiṃsamagacchahaṃ.
11.
11.
‘‘එකනවුතිතො කප්‌පෙ, යං කම්‌මමකරිං තදා;
‘‘Ekanavutito kappe, yaṃ kammamakariṃ tadā;
දුග්‌ගතිං නාභිජානාමි, පූජිත්‌වා අරහද්‌ධජං.
Duggatiṃ nābhijānāmi, pūjitvā arahaddhajaṃ.
12.
12.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
13.
13.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
14.
14.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පංසුකූලපූජකො ථෙරො ඉමා ගාථායො
Itthaṃ sudaṃ āyasmā paṃsukūlapūjako thero imā gāthāyo
අභාසිත්‌ථාති.
Abhāsitthāti.
පංසුකූලපූජකත්‌ථෙරස්‌සාපදානං දුතියං.
Paṃsukūlapūjakattherassāpadānaṃ dutiyaṃ.
