| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
49. бам̣сугуулаваг̇г̇о
49. Paṃsukūlavaggo
1-10. бам̣сугууласан̃н̃агад̇т̇зраабад̣̇аанаад̣̇иван̣н̣анаа
1-10. Paṃsukūlasaññakattheraapadānādivaṇṇanā
згуунабан̃н̃аасамаваг̇г̇з батамаабад̣̇аанам̣ сувин̃н̃зяяамзва.
Ekūnapaññāsamavagge paṭhamāpadānaṃ suviññeyyameva.
14. д̣̇уд̇ияаабад̣̇аанз ад̇хижжуббад̇д̇игаа б̣уд̣̇д̇хаад̇и ад̇хижжзна агааран̣зна уббад̇д̇игаа саяамбхууд̇аа, ан̃н̃зхи д̣̇зваб̣рахмамаараад̣̇ийхи убад̣̇зсад̣̇ааяагзхи рахид̇аа саяамбхуун̃аан̣зна уббаннаа ж̇аад̇аа баад̇убхууд̇аад̇и ад̇т̇о.
14. Dutiyāpadāne adhiccuppattikā buddhāti adhiccena akāraṇena uppattikā sayambhūtā, aññehi devabrahmamārādīhi upadesadāyakehi rahitā sayambhūñāṇena uppannā jātā pātubhūtāti attho.
16. од̣̇умб̣аригабубпам̣ ваад̇и уд̣̇умб̣араругкз бубпам̣ д̣̇уллабхам̣ д̣̇уллабхуббад̇д̇игам̣ ива. жанд̣̇амхи сасагам̣ яат̇аад̇и жанд̣̇аман̣д̣алз сасалзкааяа руубам̣ д̣̇уллабхам̣ яат̇аа. вааяасаанам̣ яат̇аа кийранд̇и гаагаанам̣ нижжам̣ рад̇д̇инд̣̇ивам̣ куд̣̇д̣̇аабийл̣ид̇абхаавзна кийрам̣ д̣̇уллабхам̣ яат̇аа, звам̣ д̣̇уллабхам̣ логанааяагам̣ жад̇ураасан̇кязяяам̣ ваа адтаасан̇кязяяам̣ ваа сол̣асаасан̇кязяяам̣ ваа габбасад̇асахассам̣ баарамияо буурзд̇ваа б̣уд̣̇д̇хабхаавад̇о д̣̇уллабхо логанааяагод̇и ад̇т̇о.
16.Odumbarikapupphaṃ vāti udumbararukkhe pupphaṃ dullabhaṃ dullabhuppattikaṃ iva. Candamhi sasakaṃ yathāti candamaṇḍale sasalekhāya rūpaṃ dullabhaṃ yathā. Vāyasānaṃ yathā khīranti kākānaṃ niccaṃ rattindivaṃ khuddāpīḷitabhāvena khīraṃ dullabhaṃ yathā, evaṃ dullabhaṃ lokanāyakaṃ caturāsaṅkhyeyyaṃ vā aṭṭhāsaṅkhyeyyaṃ vā soḷasāsaṅkhyeyyaṃ vā kappasatasahassaṃ pāramiyo pūretvā buddhabhāvato dullabho lokanāyakoti attho.
30. д̇ад̇ияаабад̣̇аанз мад̇хум̣ бхисзхи савад̇ийд̇и богкарамад̇хубад̣̇умагзсарзхи савад̇и баг̇гхарад̇и. кийрам̣ саббим̣ мул̣аалибхийд̇и кийран̃жа саббирасан̃жа бад̣̇умамул̣аалзхи савад̇и баг̇гхарад̇и. д̇асмаа д̇ад̣̇убхаяам̣ мама санд̇агам̣ б̣уд̣̇д̇хо бадиг̇г̇ан̣хад̇ууд̇и ад̇т̇о.
30. Tatiyāpadāne madhuṃ bhisehi savatīti pokkharamadhupadumakesarehi savati paggharati. Khīraṃ sappiṃ muḷālibhīti khīrañca sappirasañca padumamuḷālehi savati paggharati. Tasmā tadubhayaṃ mama santakaṃ buddho paṭiggaṇhatūti attho.
жад̇уд̇т̇абан̃жамачадтаабад̣̇аанаани уд̇д̇аанаанзва.
Catutthapañcamachaṭṭhāpadānāni uttānāneva.
119. сад̇д̇амаабад̣̇аанз жад̇д̇аалийсад̣̇иж̇ааби жаад̇и д̣̇вигкад̇д̇ум̣ ж̇аад̇аад̇и д̣̇иж̇аа. гумаараваяз удтид̇ад̣̇анд̇аанам̣ бад̇ид̇ад̇д̇аа буна удтид̇ад̣̇анд̇аа д̣̇иж̇аа, д̇з жа д̣̇анд̇аа. б̣яаагаран̣ан̃жа хздтаа нид̣̇аанагат̇ааяам̣ вуд̇д̇амзва.
119. Sattamāpadāne cattālīsadijāpi cāti dvikkhattuṃ jātāti dijā. Kumāravaye uṭṭhitadantānaṃ patitattā puna uṭṭhitadantā dijā, te ca dantā. Byākaraṇañca heṭṭhā nidānakathāyaṃ vuttameva.
адтамаабад̣̇аанам̣ уд̇д̇аанамзваад̇и.
Aṭṭhamāpadānaṃ uttānamevāti.
171. навамаабад̣̇аанз д̇ад̣̇аахам̣ маан̣аво аасинд̇и яад̣̇аа сумзд̇хабан̣д̣ид̇о д̣̇ийбан̇гарабхаг̇авад̇о санд̇игаа б̣яаагаран̣ам̣ лабхи, д̇ад̣̇аа ахам̣ мзгхо наама б̣раахман̣амаан̣аво худ̇ваа сумзд̇хад̇аабасзна саха исибаб̣б̣аж̇ж̇ам̣ баб̣б̣аж̇ид̇ваа сигкаабад̣̇зсу сигкид̇о гзнажи баабасахааязна сам̣садто сам̣саг̇г̇ад̣̇осзна баабавид̇аггаад̣̇ивасам̣ г̇ад̇о маад̇угхаад̇агаммавасзна нарагз аг̇г̇иж̇аалаад̣̇ид̣̇угкаманубхавид̇ваа д̇ад̇о жуд̇о самуд̣̇д̣̇з д̇имин̇г̇аламахаамажчо худ̇ваа ниб̣б̣ад̇д̇о, самуд̣̇д̣̇амаж̇жхз г̇ажчанд̇ам̣ махаанаавам̣ г̇илид̇угаамо г̇ад̇о. д̣̇исваа мам̣ ваан̣иж̇аа бхийд̇аа ‘‘ахо г̇од̇амо бхаг̇аваа’’д̇и сад̣̇д̣̇амагам̣су. ат̇а махаамажчо буб̣б̣аваасанаавасзна б̣уд̣̇д̇хаг̇ааравам̣ уббаад̣̇зд̇ваа д̇ад̇о жуд̇о саавад̇т̇ияам̣ вибхавасамбаннз б̣раахман̣агулз ниб̣б̣ад̇д̇о сад̣̇д̇хо басанно сад̇т̇у д̇хаммад̣̇зсанам̣ суд̇ваа баб̣б̣аж̇ид̇ваа саха бадисамбхид̣̇аахи арахад̇д̇ам̣ баабун̣ид̇ваа д̣̇ивасасса д̇игкад̇д̇ум̣ убадтаанам̣ г̇анд̇ваа сарамаано ванд̣̇ад̇и. д̇ад̣̇аа бхаг̇аваа ‘‘жирам̣ д̇хаммаружий’’д̇и мам̣ ааха.
171. Navamāpadāne tadāhaṃ māṇavo āsinti yadā sumedhapaṇḍito dīpaṅkarabhagavato santikā byākaraṇaṃ labhi, tadā ahaṃ megho nāma brāhmaṇamāṇavo hutvā sumedhatāpasena saha isipabbajjaṃ pabbajitvā sikkhāpadesu sikkhito kenaci pāpasahāyena saṃsaṭṭho saṃsaggadosena pāpavitakkādivasaṃ gato mātughātakammavasena narake aggijālādidukkhamanubhavitvā tato cuto samudde timiṅgalamahāmaccho hutvā nibbatto, samuddamajjhe gacchantaṃ mahānāvaṃ gilitukāmo gato. Disvā maṃ vāṇijā bhītā ‘‘aho gotamo bhagavā’’ti saddamakaṃsu. Atha mahāmaccho pubbavāsanāvasena buddhagāravaṃ uppādetvā tato cuto sāvatthiyaṃ vibhavasampanne brāhmaṇakule nibbatto saddho pasanno satthu dhammadesanaṃ sutvā pabbajitvā saha paṭisambhidāhi arahattaṃ pāpuṇitvā divasassa tikkhattuṃ upaṭṭhānaṃ gantvā saramāno vandati. Tadā bhagavā ‘‘ciraṃ dhammarucī’’ti maṃ āha.
184. ат̇а со т̇зро ‘‘сужирам̣ сад̇абун̃н̃алагкан̣а’’нд̇иаад̣̇ийхи г̇аат̇аахи т̇омзси. бханд̇з, сад̇абун̃н̃алагкан̣ад̇хара г̇од̇ама. бад̇ибуб̣б̣зна висуд̣̇д̇хабажжаяанд̇и буб̣б̣з д̣̇ийбан̇гарабаад̣̇амуулз барибун̣н̣абаарамийбажжаяасамбхааро судту жирам̣ гаалам̣ маяаа на д̣̇идто асийд̇и ад̇т̇о. ахамаж̇ж̇асубзгкананд̇и аж̇ж̇а имасмим̣ д̣̇ивасз ахам̣ субзгканам̣ сунд̣̇арад̣̇ассанам̣, сунд̣̇арад̣̇идтам̣ ваа нирубамам̣ виг̇г̇ахам̣ убамаарахид̇асарийрам̣ г̇од̇амам̣ вад̇а зганд̇зна бассаами д̣̇агкаамийд̇и ад̇т̇о.
184. Atha so thero ‘‘suciraṃ satapuññalakkhaṇa’’ntiādīhi gāthāhi thomesi. Bhante, satapuññalakkhaṇadhara gotama. Patipubbena visuddhapaccayanti pubbe dīpaṅkarapādamūle paripuṇṇapāramīpaccayasambhāro suṭṭhu ciraṃ kālaṃ mayā na diṭṭho asīti attho. Ahamajjasupekkhananti ajja imasmiṃ divase ahaṃ supekkhanaṃ sundaradassanaṃ, sundaradiṭṭhaṃ vā nirupamaṃ viggahaṃ upamārahitasarīraṃ gotamaṃ vata ekantena passāmi dakkhāmīti attho.
185-186. сужирам̣ вихад̇ад̇амо маяаад̇и висзсзна хад̇ад̇амо вид̣̇д̇хам̣сид̇амохо д̇вам̣ маяааби судту жирам̣ т̇омид̇од̇и ад̇т̇о. сужирагкзна над̣̇ий висосид̇аад̇и зсаа д̇ан̣хаанад̣̇ий сунд̣̇арарагкзна г̇обанзна висзсзна сосид̇аа, абхаб̣б̣уббад̇д̇игад̇аа д̇аяаад̇и ад̇т̇о. сужирам̣ амалам̣ висод̇хид̇анд̇и судту жирам̣ д̣̇ийгхзна ад̣̇д̇хунаа амалам̣ ниб̣б̣аанам̣ висзсзна сод̇хид̇ам̣, судту гад̇ам̣ ад̇хиг̇ад̇ам̣ д̇аяаад̇и ад̇т̇о. наяанам̣ н̃аан̣амаяам̣ махаамунз. жирагааласаман̇г̇ид̇од̇и махаамунз махаасаман̣а н̃аан̣амаяам̣ наяанам̣ д̣̇иб̣б̣ажагкум̣ жирагаалам̣ самад̇хиг̇ад̇о самбад̇д̇о д̇ванд̇и ад̇т̇о. авинадто бунаранд̇аранд̇и ахам̣ буна анд̇арам̣ анд̇араабхавз маж̇жхз баринадто барихийно ахосинд̇и ад̇т̇о. бунараж̇ж̇асамааг̇ад̇о д̇аяаад̇и аж̇ж̇а имасмим̣ гаалз д̇аяаа сад̣̇д̇хим̣ бунаби самааг̇ад̇о згийбхууд̇о саха васаамийд̇и ад̇т̇о. на хи нассанд̇и гад̇аани г̇од̇амаад̇и г̇од̇ама саб̣б̣ан̃н̃уб̣уд̣̇д̇ха, д̇аяаа сад̣̇д̇хим̣ гад̇аани самааг̇амаад̣̇ийни на хи нассанд̇и яаава канд̇хабариниб̣б̣аанаа на винаа бхависсанд̇ийд̇и ад̇т̇о. сзсам̣ уд̇д̇аанамзваад̇и.
185-186.Suciraṃ vihatatamo mayāti visesena hatatamo viddhaṃsitamoho tvaṃ mayāpi suṭṭhu ciraṃ thomitoti attho. Sucirakkhena nadī visositāti esā taṇhānadī sundararakkhena gopanena visesena sositā, abhabbuppattikatā tayāti attho. Suciraṃ amalaṃ visodhitanti suṭṭhu ciraṃ dīghena addhunā amalaṃ nibbānaṃ visesena sodhitaṃ, suṭṭhu kataṃ adhigataṃ tayāti attho. Nayanaṃ ñāṇamayaṃ mahāmune. Cirakālasamaṅgitoti mahāmune mahāsamaṇa ñāṇamayaṃ nayanaṃ dibbacakkhuṃ cirakālaṃ samadhigato sampatto tvanti attho. Avinaṭṭho punarantaranti ahaṃ puna antaraṃ antarābhave majjhe parinaṭṭho parihīno ahosinti attho. Punarajjasamāgato tayāti ajja imasmiṃ kāle tayā saddhiṃ punapi samāgato ekībhūto saha vasāmīti attho. Na hi nassanti katāni gotamāti gotama sabbaññubuddha, tayā saddhiṃ katāni samāgamādīni na hi nassanti yāva khandhaparinibbānā na vinā bhavissantīti attho. Sesaṃ uttānamevāti.
д̇хаммаружияад̇т̇зраабад̣̇аанаван̣н̣анаа самад̇д̇аа.
Dhammaruciyattheraapadānavaṇṇanā samattā.
д̣̇асамаабад̣̇аанам̣ сувин̃н̃зяяамзваад̇и.
Dasamāpadānaṃ suviññeyyamevāti.
згуунабан̃н̃аасамаваг̇г̇аван̣н̣анаа самад̇д̇аа.
Ekūnapaññāsamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
2. б̣уд̣̇д̇хасан̃н̃агад̇т̇зраабад̣̇аанам̣ • 2. Buddhasaññakattheraapadānaṃ
3. бхисад̣̇ааяагад̇т̇зраабад̣̇аанам̣ • 3. Bhisadāyakattheraapadānaṃ
7. булинуббаад̣̇агад̇т̇зраабад̣̇аанам̣ • 7. Pulinuppādakattheraapadānaṃ
9. д̇хаммаружияад̇т̇зраабад̣̇аанам̣ • 9. Dhammaruciyattheraapadānaṃ
