| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
49. бам̣сугуулаваг̇г̇о
49. Paṃsukūlavaggo
1. бам̣сугууласан̃н̃агад̇т̇зраабад̣̇аанам̣
1. Paṃsukūlasaññakattheraapadānaṃ
1.
1.
‘‘д̇иссо наамааси бхаг̇аваа, саяамбхуу аг̇г̇абуг̇г̇ало;
‘‘Tisso nāmāsi bhagavā, sayambhū aggapuggalo;
бам̣сугуулам̣ табзд̇ваана, вихаарам̣ баависий ж̇ино.
Paṃsukūlaṃ ṭhapetvāna, vihāraṃ pāvisī jino.
2.
2.
‘‘винад̇ам̣ 1 д̇ханумаад̣̇ааяа, бхагкад̇т̇ааяа жарим̣ ахам̣;
‘‘Vinataṃ 2 dhanumādāya, bhakkhatthāya cariṃ ahaṃ;
ман̣д̣алаг̇г̇ам̣ г̇ахзд̇ваана, гаананам̣ баависим̣ ахам̣.
Maṇḍalaggaṃ gahetvāna, kānanaṃ pāvisiṃ ahaṃ.
3.
3.
‘‘д̇ад̇т̇ад̣̇д̣̇асам̣ бам̣сугуулам̣, д̣̇умаг̇г̇з лаг̇г̇ид̇ам̣ д̇ад̣̇аа;
‘‘Tatthaddasaṃ paṃsukūlaṃ, dumagge laggitaṃ tadā;
жаабам̣ д̇ад̇т̇зва нигкибба, сирз гад̇ваана ан̃ж̇алим̣.
Cāpaṃ tattheva nikkhippa, sire katvāna añjaliṃ.
4.
4.
‘‘басаннажид̇д̇о сумано, вибулааяа жа бийд̇ияаа;
‘‘Pasannacitto sumano, vipulāya ca pītiyā;
б̣уд̣̇д̇хасздтам̣ сарид̇ваана, бам̣сугуулам̣ аванд̣̇ахам̣.
Buddhaseṭṭhaṃ saritvāna, paṃsukūlaṃ avandahaṃ.
5.
5.
‘‘д̣̇взнавуд̇з ид̇о габбз, бам̣сугууламаванд̣̇ахам̣;
‘‘Dvenavute ito kappe, paṃsukūlamavandahaṃ;
д̣̇уг̇г̇ад̇им̣ наабхиж̇аанаами, ванд̣̇анааяа ид̣̇ам̣ палам̣.
Duggatiṃ nābhijānāmi, vandanāya idaṃ phalaṃ.
6.
6.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
7.
7.
‘‘свааг̇ад̇ам̣ вад̇а мз ааси, мама б̣уд̣̇д̇хасса санд̇игз;
‘‘Svāgataṃ vata me āsi, mama buddhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
8.
8.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа бам̣сугууласан̃н̃аго т̇зро имаа г̇аат̇ааяо
Itthaṃ sudaṃ āyasmā paṃsukūlasaññako thero imā gāthāyo
абхаасид̇т̇аад̇и.
Abhāsitthāti.
бам̣сугууласан̃н̃агад̇т̇зрассаабад̣̇аанам̣ батамам̣.
Paṃsukūlasaññakattherassāpadānaṃ paṭhamaṃ.
Footnotes:
