| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔๙. ปํสุกูลวโคฺค
49. Paṃsukūlavaggo
๑. ปํสุกูลสญฺญกเตฺถรอปทานํ
1. Paṃsukūlasaññakattheraapadānaṃ
๑.
1.
‘‘ติโสฺส นามาสิ ภควา, สยมฺภู อคฺคปุคฺคโล;
‘‘Tisso nāmāsi bhagavā, sayambhū aggapuggalo;
ปํสุกูลํ ฐเปตฺวาน, วิหารํ ปาวิสี ชิโนฯ
Paṃsukūlaṃ ṭhapetvāna, vihāraṃ pāvisī jino.
๒.
2.
มณฺฑลคฺคํ คเหตฺวาน, กานนํ ปาวิสิํ อหํฯ
Maṇḍalaggaṃ gahetvāna, kānanaṃ pāvisiṃ ahaṃ.
๓.
3.
‘‘ตตฺถทฺทสํ ปํสุกูลํ, ทุมเคฺค ลคฺคิตํ ตทา;
‘‘Tatthaddasaṃ paṃsukūlaṃ, dumagge laggitaṃ tadā;
จาปํ ตเตฺถว นิกฺขิปฺป, สิเร กตฺวาน อญฺชลิํฯ
Cāpaṃ tattheva nikkhippa, sire katvāna añjaliṃ.
๔.
4.
‘‘ปสนฺนจิโตฺต สุมโน, วิปุลาย จ ปีติยา;
‘‘Pasannacitto sumano, vipulāya ca pītiyā;
พุทฺธเสฎฺฐํ สริตฺวาน, ปํสุกูลํ อวนฺทหํฯ
Buddhaseṭṭhaṃ saritvāna, paṃsukūlaṃ avandahaṃ.
๕.
5.
‘‘เทฺวนวุเต อิโต กเปฺป, ปํสุกูลมวนฺทหํ;
‘‘Dvenavute ito kappe, paṃsukūlamavandahaṃ;
ทุคฺคติํ นาภิชานามิ, วนฺทนาย อิทํ ผลํฯ
Duggatiṃ nābhijānāmi, vandanāya idaṃ phalaṃ.
๖.
6.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
นาโคว พนฺธนํ เฉตฺวา, วิหรามิ อนาสโวฯ
Nāgova bandhanaṃ chetvā, viharāmi anāsavo.
๗.
7.
‘‘สฺวาคตํ วต เม อาสิ, มม พุทฺธสฺส สนฺติเก;
‘‘Svāgataṃ vata me āsi, mama buddhassa santike;
ติโสฺส วิชฺชา อนุปฺปตฺตา, กตํ พุทฺธสฺส สาสนํฯ
Tisso vijjā anuppattā, kataṃ buddhassa sāsanaṃ.
๘.
8.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา ปํสุกูลสญฺญโก เถโร อิมา คาถาโย
Itthaṃ sudaṃ āyasmā paṃsukūlasaññako thero imā gāthāyo
อภาสิตฺถาติฯ
Abhāsitthāti.
ปํสุกูลสญฺญกเตฺถรสฺสาปทานํ ปฐมํฯ
Paṃsukūlasaññakattherassāpadānaṃ paṭhamaṃ.
Footnotes:
