| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. ปานธิทายกเตฺถรอปทานํ
9. Pānadhidāyakattheraapadānaṃ
๗๑.
71.
‘‘อโนมทสฺสี ภควา, โลกเชโฎฺฐ นราสโภ;
‘‘Anomadassī bhagavā, lokajeṭṭho narāsabho;
๗๒.
72.
‘‘ปานธิํ สุกตํ คยฺห, อทฺธานํ ปฎิปชฺชหํ;
‘‘Pānadhiṃ sukataṃ gayha, addhānaṃ paṭipajjahaṃ;
ตตฺถทฺทสาสิํ สมฺพุทฺธํ, ปตฺติกํ จารุทสฺสนํฯ
Tatthaddasāsiṃ sambuddhaṃ, pattikaṃ cārudassanaṃ.
๗๓.
73.
‘‘สกํ จิตฺตํ ปสาเทตฺวา, นีหริตฺวาน ปานธิํ;
‘‘Sakaṃ cittaṃ pasādetvā, nīharitvāna pānadhiṃ;
ปาทมูเล ฐเปตฺวาน, อิทํ วจนมพฺรวิํฯ
Pādamūle ṭhapetvāna, idaṃ vacanamabraviṃ.
๗๔.
74.
‘‘‘อภิรูห มหาวีร, สุคตินฺท วินายก;
‘‘‘Abhirūha mahāvīra, sugatinda vināyaka;
อิโต ผลํ ลภิสฺสามิ, โส เม อโตฺถ สมิชฺฌตุ’ฯ
Ito phalaṃ labhissāmi, so me attho samijjhatu’.
๗๕.
75.
‘‘อโนมทสฺสี ภควา, โลกเชโฎฺฐ นราสโภ;
‘‘Anomadassī bhagavā, lokajeṭṭho narāsabho;
ปานธิํ อภิรูหิตฺวา, อิทํ วจนมพฺรวิฯ
Pānadhiṃ abhirūhitvā, idaṃ vacanamabravi.
๗๖.
76.
‘‘‘โย ปานธิํ เม อทาสิ, ปสโนฺน เสหิ ปาณิภิ;
‘‘‘Yo pānadhiṃ me adāsi, pasanno sehi pāṇibhi;
ตมหํ กิตฺตยิสฺสามิ, สุณาถ มม ภาสโต’ฯ
Tamahaṃ kittayissāmi, suṇātha mama bhāsato’.
๗๗.
77.
‘‘พุทฺธสฺส คิรมญฺญาย, สเพฺพ เทวา สมาคตา;
‘‘Buddhassa giramaññāya, sabbe devā samāgatā;
อุทคฺคจิตฺตา สุมนา, เวทชาตา กตญฺชลีฯ
Udaggacittā sumanā, vedajātā katañjalī.
๗๘.
78.
‘‘ปานธีนํ ปทาเนน, สุขิโตยํ ภวิสฺสติ;
‘‘Pānadhīnaṃ padānena, sukhitoyaṃ bhavissati;
ปญฺจปญฺญาสกฺขตฺตุญฺจ, เทวรชฺชํ กริสฺสติฯ
Pañcapaññāsakkhattuñca, devarajjaṃ karissati.
๗๙.
79.
‘‘สหสฺสกฺขตฺตุํ ราชา จ, จกฺกวตฺตี ภวิสฺสติ;
‘‘Sahassakkhattuṃ rājā ca, cakkavattī bhavissati;
ปเทสรชฺชํ วิปุลํ, คณนาโต อสงฺขิยํฯ
Padesarajjaṃ vipulaṃ, gaṇanāto asaṅkhiyaṃ.
๘๐.
80.
‘‘อปริเมเยฺย อิโต กเปฺป, โอกฺกากกุลสมฺภโว;
‘‘Aparimeyye ito kappe, okkākakulasambhavo;
๘๑.
81.
‘‘ตสฺส ธเมฺมสุ ทายาโท, โอรโส ธมฺมนิมฺมิโต;
‘‘Tassa dhammesu dāyādo, oraso dhammanimmito;
สพฺพาสเว ปริญฺญาย, นิพฺพายิสฺสตินาสโวฯ
Sabbāsave pariññāya, nibbāyissatināsavo.
๘๒.
82.
‘‘เทวโลเก มนุเสฺส วา, นิพฺพตฺติสฺสติ ปุญฺญวา;
‘‘Devaloke manusse vā, nibbattissati puññavā;
เทวยานปฎิภาคํ, ยานํ ปฎิลภิสฺสติฯ
Devayānapaṭibhāgaṃ, yānaṃ paṭilabhissati.
๘๓.
83.
‘‘ปาสาทา สิวิกา วยฺหํ, หตฺถิโน สมลงฺกตา;
‘‘Pāsādā sivikā vayhaṃ, hatthino samalaṅkatā;
รถา วาชญฺญสํยุตฺตา, สทา ปาตุภวนฺติ เมฯ
Rathā vājaññasaṃyuttā, sadā pātubhavanti me.
๘๔.
84.
‘‘อคารา นิกฺขมโนฺตปิ, รเถน นิกฺขมิํ อหํ;
‘‘Agārā nikkhamantopi, rathena nikkhamiṃ ahaṃ;
เกเสสุ ฉิชฺชมาเนสุ, อรหตฺตมปาปุณิํฯ
Kesesu chijjamānesu, arahattamapāpuṇiṃ.
๘๕.
85.
‘‘ลาภา มยฺหํ สุลทฺธํ เม, วาณิชฺชํ สุปฺปโยชิตํ;
‘‘Lābhā mayhaṃ suladdhaṃ me, vāṇijjaṃ suppayojitaṃ;
ทตฺวาน ปานธิํ เอกํ, ปโตฺตมฺหิ อจลํ ปทํฯ
Datvāna pānadhiṃ ekaṃ, pattomhi acalaṃ padaṃ.
๘๖.
86.
‘‘อปริเมเยฺย อิโต กเปฺป, ยํ ปานธิมทาสหํ;
‘‘Aparimeyye ito kappe, yaṃ pānadhimadāsahaṃ;
ทุคฺคติํ นาภิชานามิ, ปานธิสฺส อิทํ ผลํฯ
Duggatiṃ nābhijānāmi, pānadhissa idaṃ phalaṃ.
๘๗.
87.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๘๘.
88.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๘๙.
89.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปานธิทายโก เถโร อิมา คาถาโย
Itthaṃ sudaṃ āyasmā pānadhidāyako thero imā gāthāyo
อภาสิตฺถาติฯ
Abhāsitthāti.
ปานธิทายกเตฺถรสฺสาปทานํ นวมํฯ
Pānadhidāyakattherassāpadānaṃ navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๖๐. สกิํสมฺมชฺชกเตฺถรอปทานาทิวณฺณนา • 1-60. Sakiṃsammajjakattheraapadānādivaṇṇanā
