| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
баан̣агат̇ааван̣н̣анаа
Pāṇakathāvaṇṇanā
114. баан̣агат̇ааяам̣ д̇иражчаанаг̇ад̇асса зганд̇зна баад̣̇аг̇гханагад̇аа на самбхавад̇ийд̇и ааха – ‘‘згам̣сзна авахаарагаббахонагабаан̣ам̣ д̣̇ассзнд̇о’’д̇и. бхуж̇иссам̣ харанд̇асса авахааро над̇т̇ийд̇и барабариг̇г̇ахид̇аабхаавад̇о. бхуж̇иссод̇и ад̣̇аасо. аатабид̇од̇и маад̇аабид̇уухи ин̣ам̣ г̇ан̣ханд̇зхи ‘‘яаава ин̣ад̣̇аанаа аяам̣ д̇умхаагам̣ санд̇игз ход̇уу’’д̇и ин̣ад̣̇ааяагаанам̣ нияяаад̇ид̇о. яасмаа маад̇аабид̇аро д̣̇аасаанам̣ вияа буд̇д̇аанам̣ на саамино. язсан̃жа санд̇игз аатабид̇о, д̇зби д̇асса хад̇т̇агаммз саамино, на д̇ассаад̇и ааха ‘‘авахааро над̇т̇ий’’д̇и. д̇ханам̣ бана г̇ад̇адтаанз вад̣дхад̇ийд̇и зд̇т̇а ‘‘аатабзд̇ваа г̇ахид̇ад̇ханам̣ вад̣дхияаа саха авахаарагасса г̇ийваа’’д̇и д̇ийсуби г̇ан̣тибад̣̇зсу вуд̇д̇ам̣.
114. Pāṇakathāyaṃ tiracchānagatassa ekantena pādagghanakatā na sambhavatīti āha – ‘‘ekaṃsena avahārakappahonakapāṇaṃ dassento’’ti. Bhujissaṃ harantassa avahāro natthīti parapariggahitābhāvato. Bhujissoti adāso. Āṭhapitoti mātāpitūhi iṇaṃ gaṇhantehi ‘‘yāva iṇadānā ayaṃ tumhākaṃ santike hotū’’ti iṇadāyakānaṃ niyyātito. Yasmā mātāpitaro dāsānaṃ viya puttānaṃ na sāmino. Yesañca santike āṭhapito, tepi tassa hatthakamme sāmino, na tassāti āha ‘‘avahāro natthī’’ti. Dhanaṃ pana gataṭṭhāne vaḍḍhatīti ettha ‘‘āṭhapetvā gahitadhanaṃ vaḍḍhiyā saha avahārakassa gīvā’’ti tīsupi gaṇṭhipadesu vuttaṃ.
анд̇ож̇аад̇а…бз… авахааро ход̇ийд̇и зд̇т̇а бад̣̇зсажаарид̇д̇авасзна ад̇д̇анаава ад̇д̇аанам̣ нияяаад̇зд̇ваа д̣̇аасаб̣яам̣ убаг̇ад̇ам̣ авахаранд̇ассаби баарааж̇игамзваад̇и взд̣̇ид̇аб̣б̣ам̣. г̇зхад̣̇аасияаа гужчимхи д̣̇аасасса ж̇аад̇од̇и звамби самбхавад̇ийд̇и самбхаванд̇ам̣ г̇ахзд̇ваа вуд̇д̇ам̣. г̇зхад̣̇аасияаа гужчисмим̣ бана ан̃н̃асса ж̇аад̇оби зд̇т̇зва сан̇г̇ахид̇о. гарамараанийд̇о наама б̣анд̇хаг̇аахаг̇ахид̇о. д̇знааха ‘‘барад̣̇зсад̇о бахарид̇ваа’’д̇иаад̣̇и. д̇ад̇т̇а барад̣̇зсад̇о бахарид̇ваад̇и барад̣̇зсам̣ вилумбагзхи рааж̇арааж̇амахаамад̇д̇аад̣̇ийхи махаажорзхи барад̣̇зсад̇о бахарид̇ваа. анаабад̇д̇и баарааж̇игассаад̇и яад̣̇и д̇асса важанзна д̇ад̇о ад̇хигам̣ взг̇ам̣ на вад̣дхзд̇и, анаабад̇д̇и. барияааязнаад̇и барияааяаважанзна. мануссавиг̇г̇ахз ‘‘маран̣аван̣н̣ам̣ ваа сам̣ван̣н̣зяяаа’’д̇и вуд̇д̇ад̇д̇аа барияааяагат̇ааяаби на мужжад̇и, ид̇ха бана ‘‘ад̣̇иннам̣ т̇зяяасан̇каад̇ам̣ аад̣̇иязяяаа’’д̇и аад̣̇аанассзва вуд̇д̇ад̇д̇аа барияааяагат̇ааяа мужжад̇и.
Antojāta…pe… avahāro hotīti ettha padesacārittavasena attanāva attānaṃ niyyātetvā dāsabyaṃ upagataṃ avaharantassapi pārājikamevāti veditabbaṃ. Gehadāsiyā kucchimhi dāsassa jātoti evampi sambhavatīti sambhavantaṃ gahetvā vuttaṃ. Gehadāsiyā kucchismiṃ pana aññassa jātopi ettheva saṅgahito. Karamarānīto nāma bandhagāhagahito. Tenāha ‘‘paradesato paharitvā’’tiādi. Tattha paradesato paharitvāti paradesaṃ vilumpakehi rājarājamahāmattādīhi mahācorehi paradesato paharitvā. Anāpatti pārājikassāti yadi tassa vacanena tato adhikaṃ vegaṃ na vaḍḍheti, anāpatti. Pariyāyenāti pariyāyavacanena. Manussaviggahe ‘‘maraṇavaṇṇaṃ vā saṃvaṇṇeyyā’’ti vuttattā pariyāyakathāyapi na muccati, idha pana ‘‘adinnaṃ theyyasaṅkhātaṃ ādiyeyyā’’ti ādānasseva vuttattā pariyāyakathāya muccati.
баан̣агат̇ааван̣н̣анаа нидтид̇аа.
Pāṇakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баан̣агат̇ааван̣н̣анаа • Pāṇakathāvaṇṇanā
