| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
баан̣агат̇ааван̣н̣анаа
Pāṇakathāvaṇṇanā
114. баан̣агат̇ааяам̣ аатабид̇од̇и маад̇аабид̇уухи ин̣ам̣ г̇ан̣ханд̇зхи ‘‘яаава ин̣ад̣̇аанаа аяам̣ д̇умхаагам̣ санд̇игз ход̇уу’’д̇и ин̣ад̣̇ааяагаанам̣ нияяаад̇ид̇о. авахааро над̇т̇ийд̇и маад̇аабид̇уухи буд̇д̇асса абарижжад̇д̇ад̇д̇аа маад̇аабид̇уунан̃жа асанд̇агад̇д̇аа авахааро над̇т̇и. д̇ханам̣ бана г̇ад̇адтаанз вад̣дхад̇ийд̇и иминаа аатабзд̇ваа г̇ахид̇ад̇ханам̣ вад̣дхияаа саха аатабид̇абуд̇д̇ахаарагасса г̇ийваад̇и д̣̇ассид̇анд̇и вад̣̇анд̇и. д̣̇аасасса ж̇аад̇од̇и уггадталагкан̣ам̣ д̣̇ассзд̇ум̣ вуд̇д̇ам̣. д̣̇аасигужчияам̣ бана ад̣̇аасасса ж̇аад̇оби зд̇т̇зва сан̇г̇ахид̇о . барад̣̇зсад̇о бахарид̇ваад̇и барад̣̇зсавилумбагзхи рааж̇ажораад̣̇ийхи бахарид̇ваа. сукам̣ ж̇ийваад̇и вад̣̇ад̇ийд̇и т̇зяяажид̇д̇зна саамигаанам̣ санд̇игад̇о балаабзд̇угаамад̇ааяа вад̣̇ад̇и, д̇ат̇аа бана ажинд̇зд̇ваа гаарун̃н̃зна ‘‘сукам̣ г̇анд̇ваа ж̇ийваа’’д̇и вад̣̇анд̇асса над̇т̇и авахааро, г̇ийваа бана ход̇и. д̣̇уд̇ияабад̣̇аваарзд̇и яад̣̇и д̣̇уд̇ияабад̣̇ам̣ авассам̣ уд̣̇д̇хариссад̇и, бхигкусса ‘‘балааяид̇ваа сукам̣ ж̇ийваа’’д̇и важанагкан̣зязва баарааж̇игам̣. анаабад̇д̇и баарааж̇игассаад̇и д̇асса важанзна взг̇авад̣дханз агад̇зби д̣̇уггадаа на мужжад̇ийд̇и д̣̇ассзд̇и. ‘‘ад̣̇иннам̣ т̇зяяасан̇каад̇ам̣ аад̣̇иязяяаа’’д̇и (баараа. 89, 91) аад̣̇аанассзва вуд̇д̇ад̇д̇аа вуд̇д̇абарияааязна мужжад̇ийд̇и.
114. Pāṇakathāyaṃ āṭhapitoti mātāpitūhi iṇaṃ gaṇhantehi ‘‘yāva iṇadānā ayaṃ tumhākaṃ santike hotū’’ti iṇadāyakānaṃ niyyātito. Avahāro natthīti mātāpitūhi puttassa apariccattattā mātāpitūnañca asantakattā avahāro natthi. Dhanaṃ pana gataṭṭhāne vaḍḍhatīti iminā āṭhapetvā gahitadhanaṃ vaḍḍhiyā saha āṭhapitaputtahārakassa gīvāti dassitanti vadanti. Dāsassa jātoti ukkaṭṭhalakkhaṇaṃ dassetuṃ vuttaṃ. Dāsikucchiyaṃ pana adāsassa jātopi ettheva saṅgahito . Paradesato paharitvāti paradesavilumpakehi rājacorādīhi paharitvā. Sukhaṃ jīvāti vadatīti theyyacittena sāmikānaṃ santikato palāpetukāmatāya vadati, tathā pana acintetvā kāruññena ‘‘sukhaṃ gantvā jīvā’’ti vadantassa natthi avahāro, gīvā pana hoti. Dutiyapadavāreti yadi dutiyapadaṃ avassaṃ uddharissati, bhikkhussa ‘‘palāyitvā sukhaṃ jīvā’’ti vacanakkhaṇeyeva pārājikaṃ. Anāpatti pārājikassāti tassa vacanena vegavaḍḍhane akatepi dukkaṭā na muccatīti dasseti. ‘‘Adinnaṃ theyyasaṅkhātaṃ ādiyeyyā’’ti (pārā. 89, 91) ādānasseva vuttattā vuttapariyāyena muccatīti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баан̣агат̇ааван̣н̣анаа • Pāṇakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
