| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਪਾਣਕਥਾવਣ੍ਣਨਾ
Pāṇakathāvaṇṇanā
੧੧੪. ਪਾਣਕਥਾਯਂ ਆਠਪਿਤੋਤਿ ਮਾਤਾਪਿਤੂਹਿ ਇਣਂ ਗਣ੍ਹਨ੍ਤੇਹਿ ‘‘ਯਾવ ਇਣਦਾਨਾ ਅਯਂ ਤੁਮ੍ਹਾਕਂ ਸਨ੍ਤਿਕੇ ਹੋਤੂ’’ਤਿ ਇਣਦਾਯਕਾਨਂ ਨਿਯ੍ਯਾਤਿਤੋ। ਅવਹਾਰੋ ਨਤ੍ਥੀਤਿ ਮਾਤਾਪਿਤੂਹਿ ਪੁਤ੍ਤਸ੍ਸ ਅਪਰਿਚ੍ਚਤ੍ਤਤ੍ਤਾ ਮਾਤਾਪਿਤੂਨਞ੍ਚ ਅਸਨ੍ਤਕਤ੍ਤਾ ਅવਹਾਰੋ ਨਤ੍ਥਿ। ਧਨਂ ਪਨ ਗਤਟ੍ਠਾਨੇ વਡ੍ਢਤੀਤਿ ਇਮਿਨਾ ਆਠਪੇਤ੍વਾ ਗਹਿਤਧਨਂ વਡ੍ਢਿਯਾ ਸਹ ਆਠਪਿਤਪੁਤ੍ਤਹਾਰਕਸ੍ਸ ਗੀવਾਤਿ ਦਸ੍ਸਿਤਨ੍ਤਿ વਦਨ੍ਤਿ। ਦਾਸਸ੍ਸ ਜਾਤੋਤਿ ਉਕ੍ਕਟ੍ਠਲਕ੍ਖਣਂ ਦਸ੍ਸੇਤੁਂ વੁਤ੍ਤਂ। ਦਾਸਿਕੁਚ੍ਛਿਯਂ ਪਨ ਅਦਾਸਸ੍ਸ ਜਾਤੋਪਿ ਏਤ੍ਥੇવ ਸਙ੍ਗਹਿਤੋ । ਪਰਦੇਸਤੋ ਪਹਰਿਤ੍વਾਤਿ ਪਰਦੇਸવਿਲੁਮ੍ਪਕੇਹਿ ਰਾਜਚੋਰਾਦੀਹਿ ਪਹਰਿਤ੍વਾ। ਸੁਖਂ ਜੀવਾਤਿ વਦਤੀਤਿ ਥੇਯ੍ਯਚਿਤ੍ਤੇਨ ਸਾਮਿਕਾਨਂ ਸਨ੍ਤਿਕਤੋ ਪਲਾਪੇਤੁਕਾਮਤਾਯ વਦਤਿ, ਤਥਾ ਪਨ ਅਚਿਨ੍ਤੇਤ੍વਾ ਕਾਰੁਞ੍ਞੇਨ ‘‘ਸੁਖਂ ਗਨ੍ਤ੍વਾ ਜੀવਾ’’ਤਿ વਦਨ੍ਤਸ੍ਸ ਨਤ੍ਥਿ ਅવਹਾਰੋ, ਗੀવਾ ਪਨ ਹੋਤਿ। ਦੁਤਿਯਪਦવਾਰੇਤਿ ਯਦਿ ਦੁਤਿਯਪਦਂ ਅવਸ੍ਸਂ ਉਦ੍ਧਰਿਸ੍ਸਤਿ, ਭਿਕ੍ਖੁਸ੍ਸ ‘‘ਪਲਾਯਿਤ੍વਾ ਸੁਖਂ ਜੀવਾ’’ਤਿ વਚਨਕ੍ਖਣੇਯੇવ ਪਾਰਾਜਿਕਂ। ਅਨਾਪਤ੍ਤਿ ਪਾਰਾਜਿਕਸ੍ਸਾਤਿ ਤਸ੍ਸ વਚਨੇਨ વੇਗવਡ੍ਢਨੇ ਅਕਤੇਪਿ ਦੁਕ੍ਕਟਾ ਨ ਮੁਚ੍ਚਤੀਤਿ ਦਸ੍ਸੇਤਿ। ‘‘ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯਾ’’ਤਿ (ਪਾਰਾ॰ ੮੯, ੯੧) ਆਦਾਨਸ੍ਸੇવ વੁਤ੍ਤਤ੍ਤਾ વੁਤ੍ਤਪਰਿਯਾਯੇਨ ਮੁਚ੍ਚਤੀਤਿ।
114. Pāṇakathāyaṃ āṭhapitoti mātāpitūhi iṇaṃ gaṇhantehi ‘‘yāva iṇadānā ayaṃ tumhākaṃ santike hotū’’ti iṇadāyakānaṃ niyyātito. Avahāro natthīti mātāpitūhi puttassa apariccattattā mātāpitūnañca asantakattā avahāro natthi. Dhanaṃ pana gataṭṭhāne vaḍḍhatīti iminā āṭhapetvā gahitadhanaṃ vaḍḍhiyā saha āṭhapitaputtahārakassa gīvāti dassitanti vadanti. Dāsassa jātoti ukkaṭṭhalakkhaṇaṃ dassetuṃ vuttaṃ. Dāsikucchiyaṃ pana adāsassa jātopi ettheva saṅgahito . Paradesato paharitvāti paradesavilumpakehi rājacorādīhi paharitvā. Sukhaṃ jīvāti vadatīti theyyacittena sāmikānaṃ santikato palāpetukāmatāya vadati, tathā pana acintetvā kāruññena ‘‘sukhaṃ gantvā jīvā’’ti vadantassa natthi avahāro, gīvā pana hoti. Dutiyapadavāreti yadi dutiyapadaṃ avassaṃ uddharissati, bhikkhussa ‘‘palāyitvā sukhaṃ jīvā’’ti vacanakkhaṇeyeva pārājikaṃ. Anāpatti pārājikassāti tassa vacanena vegavaḍḍhane akatepi dukkaṭā na muccatīti dasseti. ‘‘Adinnaṃ theyyasaṅkhātaṃ ādiyeyyā’’ti (pārā. 89, 91) ādānasseva vuttattā vuttapariyāyena muccatīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਣਕਥਾવਣ੍ਣਨਾ • Pāṇakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਭੂਮਟ੍ਠਕਥਾਦਿવਣ੍ਣਨਾ • Bhūmaṭṭhakathādivaṇṇanā
