| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
20. бан̣ааманаа камаабанаа
20. Paṇāmanā khamāpanā
80. д̇зна ко бана самаязна анд̇зваасигаа аажариязсу на саммаа вад̇д̇анд̇и…бз… бхаг̇авад̇о зд̇амад̇т̇ам̣ аарожзсум̣…бз… на, бхигкавз, анд̇зваасигзна аажарияамхи на саммаа вад̇д̇ид̇аб̣б̣ам̣. яо на саммаа вад̇д̇зяяа, аабад̇д̇и д̣̇уггадассаад̇и. нзва саммаа вад̇д̇анд̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, асаммаавад̇д̇анд̇ам̣ бан̣аамзд̇ум̣. зван̃жа бана, бхигкавз, бан̣аамзд̇аб̣б̣о – бан̣аамзми д̇анд̇и ваа, мааяид̇ха бадиггамийд̇и ваа, нийхара д̇з бад̇д̇ажийваранд̇и ваа, наахам̣ д̇аяаа убадтаад̇аб̣б̣од̇и ваа. гааязна вин̃н̃аабзд̇и, ваажааяа вин̃н̃аабзд̇и, гааязна ваажааяа вин̃н̃аабзд̇и, бан̣аамид̇о ход̇и анд̇зваасиго; на гааязна вин̃н̃аабзд̇и, на ваажааяа вин̃н̃аабзд̇и, на гааязна ваажааяа вин̃н̃аабзд̇и, на бан̣аамид̇о ход̇и анд̇зваасигод̇и.
80. Tena kho pana samayena antevāsikā ācariyesu na sammā vattanti…pe… bhagavato etamatthaṃ ārocesuṃ…pe… na, bhikkhave, antevāsikena ācariyamhi na sammā vattitabbaṃ. Yo na sammā vatteyya, āpatti dukkaṭassāti. Neva sammā vattanti. Bhagavato etamatthaṃ ārocesuṃ…pe… anujānāmi, bhikkhave, asammāvattantaṃ paṇāmetuṃ. Evañca pana, bhikkhave, paṇāmetabbo – paṇāmemi tanti vā, māyidha paṭikkamīti vā, nīhara te pattacīvaranti vā, nāhaṃ tayā upaṭṭhātabboti vā. Kāyena viññāpeti, vācāya viññāpeti, kāyena vācāya viññāpeti, paṇāmito hoti antevāsiko; na kāyena viññāpeti, na vācāya viññāpeti, na kāyena vācāya viññāpeti, na paṇāmito hoti antevāsikoti.
д̇зна ко бана самаязна анд̇зваасигаа бан̣аамид̇аа на камаабзнд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, камаабзд̇унд̇и. нзва камаабзнд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, бан̣аамид̇зна на камаабзд̇аб̣б̣о. яо на камаабзяяа, аабад̇д̇и д̣̇уггадассаад̇и.
Tena kho pana samayena antevāsikā paṇāmitā na khamāpenti. Bhagavato etamatthaṃ ārocesuṃ. Anujānāmi, bhikkhave, khamāpetunti. Neva khamāpenti. Bhagavato etamatthaṃ ārocesuṃ. Na, bhikkhave, paṇāmitena na khamāpetabbo. Yo na khamāpeyya, āpatti dukkaṭassāti.
д̇зна ко бана самаязна аажарияаа камаабияамаанаа на каманд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, камид̇унд̇и. нзва каманд̇и. анд̇зваасигаа баггаманд̇иби виб̣бхаманд̇иби д̇ид̇т̇иязсуби сан̇гаманд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, камаабияамаанзна на камид̇аб̣б̣ам̣. яо на камзяяа, аабад̇д̇и д̣̇уггадассаад̇и.
Tena kho pana samayena ācariyā khamāpiyamānā na khamanti. Bhagavato etamatthaṃ ārocesuṃ. Anujānāmi, bhikkhave, khamitunti. Neva khamanti. Antevāsikā pakkamantipi vibbhamantipi titthiyesupi saṅkamanti. Bhagavato etamatthaṃ ārocesuṃ. Na, bhikkhave, khamāpiyamānena na khamitabbaṃ. Yo na khameyya, āpatti dukkaṭassāti.
д̇зна ко бана самаязна аажарияаа саммаавад̇д̇анд̇ам̣ бан̣аамзнд̇и, асаммаавад̇д̇анд̇ам̣ на бан̣аамзнд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, саммаавад̇д̇анд̇о бан̣аамзд̇аб̣б̣о. яо бан̣аамзяяа, аабад̇д̇и д̣̇уггадасса. на жа, бхигкавз, асаммаавад̇д̇анд̇о на бан̣аамзд̇аб̣б̣о. яо на бан̣аамзяяа, аабад̇д̇и д̣̇уггадасса.
Tena kho pana samayena ācariyā sammāvattantaṃ paṇāmenti, asammāvattantaṃ na paṇāmenti. Bhagavato etamatthaṃ ārocesuṃ. Na, bhikkhave, sammāvattanto paṇāmetabbo. Yo paṇāmeyya, āpatti dukkaṭassa. Na ca, bhikkhave, asammāvattanto na paṇāmetabbo. Yo na paṇāmeyya, āpatti dukkaṭassa.
81. ‘‘бан̃жахи, бхигкавз, ан̇г̇зхи саманнааг̇ад̇о анд̇зваасиго бан̣аамзд̇аб̣б̣о. аажарияамхи наад̇химад̇д̇ам̣ бзмам̣ ход̇и, наад̇химад̇д̇о басаад̣̇о ход̇и, наад̇химад̇д̇аа хирий ход̇и, наад̇химад̇д̇о г̇аараво ход̇и, наад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇о анд̇зваасиго бан̣аамзд̇аб̣б̣о.
81. ‘‘Pañcahi, bhikkhave, aṅgehi samannāgato antevāsiko paṇāmetabbo. Ācariyamhi nādhimattaṃ pemaṃ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti – imehi kho, bhikkhave, pañcahaṅgehi samannāgato antevāsiko paṇāmetabbo.
‘‘бан̃жахи, бхигкавз, ан̇г̇зхи саманнааг̇ад̇о анд̇зваасиго на бан̣аамзд̇аб̣б̣о. аажарияамхи ад̇химад̇д̇ам̣ бзмам̣ ход̇и, ад̇химад̇д̇о басаад̣̇о ход̇и, ад̇химад̇д̇аа хирий ход̇и, ад̇химад̇д̇о г̇аараво ход̇и, ад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇о анд̇зваасиго на бан̣аамзд̇аб̣б̣о.
‘‘Pañcahi, bhikkhave, aṅgehi samannāgato antevāsiko na paṇāmetabbo. Ācariyamhi adhimattaṃ pemaṃ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti – imehi kho, bhikkhave, pañcahaṅgehi samannāgato antevāsiko na paṇāmetabbo.
‘‘бан̃жахи , бхигкавз, ан̇г̇зхи саманнааг̇ад̇о анд̇зваасиго алам̣ бан̣аамзд̇ум̣. аажарияамхи наад̇химад̇д̇ам̣ бзмам̣ ход̇и, наад̇химад̇д̇о басаад̣̇о ход̇и, наад̇химад̇д̇аа хирий ход̇и, наад̇химад̇д̇о г̇аараво ход̇и, наад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇о анд̇зваасиго алам̣ бан̣аамзд̇ум̣.
‘‘Pañcahi , bhikkhave, aṅgehi samannāgato antevāsiko alaṃ paṇāmetuṃ. Ācariyamhi nādhimattaṃ pemaṃ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti – imehi kho, bhikkhave, pañcahaṅgehi samannāgato antevāsiko alaṃ paṇāmetuṃ.
‘‘бан̃жахи, бхигкавз, ан̇г̇зхи саманнааг̇ад̇о анд̇зваасиго наалам̣ бан̣аамзд̇ум̣. аажарияамхи ад̇химад̇д̇ам̣ бзмам̣ ход̇и, ад̇химад̇д̇о басаад̣̇о ход̇и, ад̇химад̇д̇аа хирий ход̇и, ад̇химад̇д̇о г̇аараво ход̇и, ад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇о анд̇зваасиго наалам̣ бан̣аамзд̇ум̣.
‘‘Pañcahi, bhikkhave, aṅgehi samannāgato antevāsiko nālaṃ paṇāmetuṃ. Ācariyamhi adhimattaṃ pemaṃ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti – imehi kho, bhikkhave, pañcahaṅgehi samannāgato antevāsiko nālaṃ paṇāmetuṃ.
‘‘бан̃жахи, бхигкавз, ан̇г̇зхи саманнааг̇ад̇ам̣ анд̇зваасигам̣ аббан̣аамзнд̇о аажарияо саад̇исааро ход̇и, бан̣аамзнд̇о анад̇исааро ход̇и. аажарияамхи наад̇химад̇д̇ам̣ бзмам̣ ход̇и, наад̇химад̇д̇о басаад̣̇о ход̇и, наад̇химад̇д̇аа хирий ход̇и, наад̇химад̇д̇о г̇аараво ход̇и, наад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇ам̣ анд̇зваасигам̣ аббан̣аамзнд̇о аажарияо саад̇исааро ход̇и, бан̣аамзнд̇о анад̇исааро ход̇и.
‘‘Pañcahi, bhikkhave, aṅgehi samannāgataṃ antevāsikaṃ appaṇāmento ācariyo sātisāro hoti, paṇāmento anatisāro hoti. Ācariyamhi nādhimattaṃ pemaṃ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti – imehi kho, bhikkhave, pañcahaṅgehi samannāgataṃ antevāsikaṃ appaṇāmento ācariyo sātisāro hoti, paṇāmento anatisāro hoti.
‘‘бан̃жахи , бхигкавз, ан̇г̇зхи саманнааг̇ад̇ам̣ анд̇зваасигам̣ бан̣аамзнд̇о аажарияо саад̇исааро ход̇и, аббан̣аамзнд̇о анад̇исааро ход̇и. аажарияамхи ад̇химад̇д̇ам̣ бзмам̣ ход̇и, ад̇химад̇д̇о басаад̣̇о ход̇и, ад̇химад̇д̇аа хирий ход̇и, ад̇химад̇д̇о г̇аараво ход̇и, ад̇химад̇д̇аа бхааванаа ход̇и – имзхи ко, бхигкавз, бан̃жахан̇г̇зхи саманнааг̇ад̇ам̣ анд̇зваасигам̣ бан̣аамзнд̇о аажарияо саад̇исааро ход̇и, аббан̣аамзнд̇о анад̇исааро ход̇ий’’д̇и.
‘‘Pañcahi , bhikkhave, aṅgehi samannāgataṃ antevāsikaṃ paṇāmento ācariyo sātisāro hoti, appaṇāmento anatisāro hoti. Ācariyamhi adhimattaṃ pemaṃ hoti, adhimatto pasādo hoti, adhimattā hirī hoti, adhimatto gāravo hoti, adhimattā bhāvanā hoti – imehi kho, bhikkhave, pañcahaṅgehi samannāgataṃ antevāsikaṃ paṇāmento ācariyo sātisāro hoti, appaṇāmento anatisāro hotī’’ti.
бан̣ааманаа камаабанаа нидтид̇аа.
Paṇāmanā khamāpanā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̣ааманаакаманаагат̇аа • Paṇāmanākhamanākathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̣ааманаакамаабанаагат̇ааван̣н̣анаа • Paṇāmanākhamāpanākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̣ааманаакамаабанаагат̇ааван̣н̣анаа • Paṇāmanākhamāpanākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 20. бан̣ааманаакамаабанаагат̇аа • 20. Paṇāmanākhamāpanākathā
