| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
бан̣ааманаакаманаагат̇аа
Paṇāmanākhamanākathā
80. анд̇зваасигаа аажариязсу на саммаа вад̇д̇анд̇ийд̇и зд̇т̇а бана яам̣ буб̣б̣з ‘‘насаммаавад̇д̇анааяа жа яаава жийварараж̇анам̣, д̇аава вад̇д̇з агарияамаанз убаж̇жхааяасса барихаани ход̇и, д̇асмаа д̇ам̣ агаронд̇асса ниссаяамуд̇д̇агассааби амуд̇д̇агассааби аабад̇д̇иязваа’’д̇и жа, ‘‘згажжасса бад̇д̇ад̣̇аанад̇о бадтааяа амуд̇д̇аганиссаяассзва аабад̇д̇ий’’д̇и жа лагкан̣ам̣ вуд̇д̇ам̣, на д̇знзва лагкан̣зна ниссаяанд̇зваасигасса аабад̇д̇и взд̣̇ид̇аб̣б̣аа. ниссаяанд̇зваасигзна хи яаава аажарияам̣ ниссааяа васад̇и, д̇аава саб̣б̣ам̣ аажарияавад̇д̇ам̣ гаад̇аб̣б̣ам̣. баб̣б̣аж̇ж̇ааубасамбад̣̇аад̇хамманд̇зваасигзхи бана ниссаяамуд̇д̇агзхиби аад̣̇ид̇о бадтааяа яаава жийварараж̇анам̣, д̇аава вад̇д̇ам̣ гаад̇аб̣б̣ам̣; анаабужчид̇ваа бад̇д̇ад̣̇аанаад̣̇имхи бана зд̇зсам̣ анаабад̇д̇и. зд̇зсу жа баб̣б̣аж̇ж̇анд̇зваасиго жа убасамбад̣̇анд̇зваасиго жа аажарияасса яааваж̇ийвам̣ бхааро. ниссаяанд̇зваасиго жа д̇хамманд̇зваасиго жа яаава самийбз васанд̇и, д̇аавад̣̇зва. д̇асмаа аажариязнааби д̇зсу саммаа вад̇д̇ид̇аб̣б̣ам̣. аажарияанд̇зваасигзсу хи яо яо на саммаа вад̇д̇ад̇и, д̇асса д̇асса аабад̇д̇и.
80.Antevāsikā ācariyesu na sammā vattantīti ettha pana yaṃ pubbe ‘‘nasammāvattanāya ca yāva cīvararajanaṃ, tāva vatte akariyamāne upajjhāyassa parihāni hoti, tasmā taṃ akarontassa nissayamuttakassāpi amuttakassāpi āpattiyevā’’ti ca, ‘‘ekaccassa pattadānato paṭṭhāya amuttakanissayasseva āpattī’’ti ca lakkhaṇaṃ vuttaṃ, na teneva lakkhaṇena nissayantevāsikassa āpatti veditabbā. Nissayantevāsikena hi yāva ācariyaṃ nissāya vasati, tāva sabbaṃ ācariyavattaṃ kātabbaṃ. Pabbajjāupasampadādhammantevāsikehi pana nissayamuttakehipi ādito paṭṭhāya yāva cīvararajanaṃ, tāva vattaṃ kātabbaṃ; anāpucchitvā pattadānādimhi pana etesaṃ anāpatti. Etesu ca pabbajjantevāsiko ca upasampadantevāsiko ca ācariyassa yāvajīvaṃ bhāro. Nissayantevāsiko ca dhammantevāsiko ca yāva samīpe vasanti, tāvadeva. Tasmā ācariyenāpi tesu sammā vattitabbaṃ. Ācariyantevāsikesu hi yo yo na sammā vattati, tassa tassa āpatti.
бан̣ааманаакаманаагат̇аа нидтид̇аа.
Paṇāmanākhamanākathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 20. бан̣ааманаа камаабанаа • 20. Paṇāmanā khamāpanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̣ааманаакамаабанаагат̇ааван̣н̣анаа • Paṇāmanākhamāpanākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̣ааманаакамаабанаагат̇ааван̣н̣анаа • Paṇāmanākhamāpanākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 20. бан̣ааманаакамаабанаагат̇аа • 20. Paṇāmanākhamāpanākathā
