| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၂၀. ပဏာမနာခမာပနာကထာ
20. Paṇāmanākhamāpanākathā
၈၀. ယံ လက္ခဏံ ဝုတ္တန္တိ သမ္ဗန္ဓော။ နိသ္သယန္တေဝာသိကေန ကာတဗ္ဗန္တိ ယောဇနာ။ ပဗ္ဗဇ္ဇာဥပသမ္ပဒာဓမ္မန္တေဝာသိကေဟီတိ ပဗ္ဗဇ္ဇန္တေဝာသိကေန စ ဥပသမ္ပဒန္တေဝာသိကေန စ ဓမ္မန္တေဝာသိကေန စ။ ဧတေသန္တိ ပဗ္ဗဇ္ဇာဥပသမ္ပဒာဓမ္မန္တေဝာသိကာနံ။ ဧတေသူတိ ဧတေသု တီသု အန္တေဝာသိကေသု။ အာစရိယသ္သာတိ ပဗ္ဗဇ္ဇန္တေဝာသိကော ပဗ္ဗဇ္ဇာစရိယသ္သ, ဥပသမ္ပဒန္တေဝာသိကော ဥပသမ္ပဒာစရိယသ္သာတိ အတ္ထော။ သမီပေတိ နိသ္သယာစရိယသ္သ စ ဓမ္မာစရိယသ္သ စ အာသန္နေ။ တသ္မာတိ ယသ္မာ အန္တေဝာသိကေန အာစရိယမ္ဟိ သမ္မာ ဝတ္တိတဗ္ဗံ, တသ္မာ။ အာစရိယေနာပီတိ နိသ္သယပဗ္ဗဇ္ဇာ ဥပသမ္ပဒာ ဓမ္မာစရိယေနာပိ။ ဩဝာဒာစရိယော တေသု သင္ဂဟံ ဂစ္ဆတိ။ တေသူတိ စတူသု အန္တေဝာသိကေသု။
80. Yaṃ lakkhaṇaṃ vuttanti sambandho. Nissayantevāsikena kātabbanti yojanā. Pabbajjāupasampadādhammantevāsikehīti pabbajjantevāsikena ca upasampadantevāsikena ca dhammantevāsikena ca. Etesanti pabbajjāupasampadādhammantevāsikānaṃ. Etesūti etesu tīsu antevāsikesu. Ācariyassāti pabbajjantevāsiko pabbajjācariyassa, upasampadantevāsiko upasampadācariyassāti attho. Samīpeti nissayācariyassa ca dhammācariyassa ca āsanne. Tasmāti yasmā antevāsikena ācariyamhi sammā vattitabbaṃ, tasmā. Ācariyenāpīti nissayapabbajjā upasampadā dhammācariyenāpi. Ovādācariyo tesu saṅgahaṃ gacchati. Tesūti catūsu antevāsikesu.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၀. ပဏာမနာ ခမာပနာ • 20. Paṇāmanā khamāpanā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ပဏာမနာခမနာကထာ • Paṇāmanākhamanākathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဏာမနာခမာပနာကထာဝဏ္ဏနာ • Paṇāmanākhamāpanākathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပဏာမနာခမာပနာကထာဝဏ္ဏနာ • Paṇāmanākhamāpanākathāvaṇṇanā
