| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
පණාමනාඛමාපනාකථාවණ්‌ණනා
Paṇāmanākhamāpanākathāvaṇṇanā
80. යං පුබ්‌බෙ ලක්‌ඛණං වුත්‌තං, තෙනෙව ලක්‌ඛණෙන නිස්‌සයන්‌තෙවාසිකස්‌ස ආපත්‌ති න වෙදිතබ්‌බාති සම්‌බන්‌ධයොජනා දට්‌ඨබ්‌බා. පොත්‌ථකෙසු පන ‘‘න තෙනෙව ලක්‌ඛණෙනා’’ති එත්‌ථ න-කාරං ඡඩ්‌ඩෙත්‌වා ‘‘තෙනෙව ලක්‌ඛණෙන නිස්‌සයන්‌තෙවාසිකස්‌ස ආපත්‌ති වෙදිතබ්‌බා’’ති ලිඛන්‌ති, තං පමාදලිඛිතං. තථා හි තෙනෙව ලක්‌ඛණෙන ආපත්‌තිභාවෙ ගය්‌හමානෙ නිස්‌සයමුත්‌තකස්‌සාපි අමුත්‌තකස්‌සාපි ආපත්‌ති එවාති වුත්‌තලක්‌ඛණෙන ආපත්‌තිං ආපජ්‌ජෙය්‍ය. තථා ච ‘‘නිස්‌සයන්‌තෙවාසිකෙන හි යාව ආචරියං නිස්‌සාය වසති, තාව සබ්‌බං ආචරියවත්‌තං කාතබ්‌බ’’න්‌ති ඉමිනා අනන්‌තරවචනෙන විරොධො සියා. විසුද්‌ධිමග්‌ගෙපි ච –
80. Yaṃ pubbe lakkhaṇaṃ vuttaṃ, teneva lakkhaṇena nissayantevāsikassa āpatti na veditabbāti sambandhayojanā daṭṭhabbā. Potthakesu pana ‘‘na teneva lakkhaṇenā’’ti ettha na-kāraṃ chaḍḍetvā ‘‘teneva lakkhaṇena nissayantevāsikassa āpatti veditabbā’’ti likhanti, taṃ pamādalikhitaṃ. Tathā hi teneva lakkhaṇena āpattibhāve gayhamāne nissayamuttakassāpi amuttakassāpi āpatti evāti vuttalakkhaṇena āpattiṃ āpajjeyya. Tathā ca ‘‘nissayantevāsikena hi yāva ācariyaṃ nissāya vasati, tāva sabbaṃ ācariyavattaṃ kātabba’’nti iminā anantaravacanena virodho siyā. Visuddhimaggepi ca –
‘‘නිස්‌සයාචරිය, උද්‌දෙසාචරිය, නිස්‌සයන්‌තෙවාසික, උද්‌දෙසන්‌තෙවාසික, සමානාචරියකා පන යාව නිස්‌සයඋද්‌දෙසා අනුපච්‌ඡින්‌නා. තාව පටිජග්‌ගිතබ්‌බා’’ති (විසුද්‌ධි. 1.41) –
‘‘Nissayācariya, uddesācariya, nissayantevāsika, uddesantevāsika, samānācariyakā pana yāva nissayauddesā anupacchinnā. Tāva paṭijaggitabbā’’ti (visuddhi. 1.41) –
වුත්‌තං . තස්‌මා වුත්‌තනයෙන ඉධ පරිගළිතං න-කාරං ආනෙත්‌වා තෙනෙව සද්‌ධිවිහාරිකස්‌ස වුත්‌තෙනෙව ලක්‌ඛණෙන නිස්‌සයන්‌තෙවාසිකස්‌ස ආපත්‌ති න වෙදිතබ්‌බාති එවමත්‌ථො ගහෙතබ්‌බො.
Vuttaṃ . Tasmā vuttanayena idha parigaḷitaṃ na-kāraṃ ānetvā teneva saddhivihārikassa vutteneva lakkhaṇena nissayantevāsikassa āpatti na veditabbāti evamattho gahetabbo.
පණාමනාඛමාපනාකථාවණ්‌ණනා නිට්‌ඨිතා.
Paṇāmanākhamāpanākathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 20. පණාමනා ඛමාපනා • 20. Paṇāmanā khamāpanā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / පණාමනාඛමනාකථා • Paṇāmanākhamanākathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පණාමනාඛමාපනාකථාවණ්‌ණනා • Paṇāmanākhamāpanākathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 20. පණාමනාඛමාපනාකථා • 20. Paṇāmanākhamāpanākathā
