| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. கி³லானவக்³கோ³
2. Gilānavaggo
1. பாணஸுத்தங்
1. Pāṇasuttaṃ
192. ‘‘ஸெய்யதா²பி , பி⁴க்க²வே, யே கேசி பாணா சத்தாரோ இரியாபதே² கப்பெந்தி – காலேன க³மனங், காலேன டா²னங், காலேன நிஸஜ்ஜங், காலேன ஸெய்யங், ஸப்³பே³ தே பத²விங் நிஸ்ஸாய பத²வியங் பதிட்டா²ய ஏவமேதே சத்தாரோ இரியாபதே² கப்பெந்தி; ஏவமேவ கோ², பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய ஸத்த பொ³ஜ்ஜ²ங்கே³ பா⁴வேதி, ஸத்த பொ³ஜ்ஜ²ங்கே³ ப³ஹுலீகரோதி.
192. ‘‘Seyyathāpi , bhikkhave, ye keci pāṇā cattāro iriyāpathe kappenti – kālena gamanaṃ, kālena ṭhānaṃ, kālena nisajjaṃ, kālena seyyaṃ, sabbe te pathaviṃ nissāya pathaviyaṃ patiṭṭhāya evamete cattāro iriyāpathe kappenti; evameva kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāveti, satta bojjhaṅge bahulīkaroti.
‘‘கத²ஞ்ச , பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய ஸத்த பொ³ஜ்ஜ²ங்கே³ பா⁴வேதி ஸத்த பொ³ஜ்ஜ²ங்கே³ ப³ஹுலீகரோதி? இத⁴, பி⁴க்க²வே, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங் கோ², பி⁴க்க²வே, பி⁴க்கு² ஸீலங் நிஸ்ஸாய ஸீலே பதிட்டா²ய ஸத்த பொ³ஜ்ஜ²ங்கே³ பா⁴வேதி, ஸத்த பொ³ஜ்ஜ²ங்கே³ ப³ஹுலீகரோதீ’’தி. பட²மங்.
‘‘Kathañca , bhikkhave, bhikkhu sīlaṃ nissāya sīle patiṭṭhāya satta bojjhaṅge bhāveti satta bojjhaṅge bahulīkaroti? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāveti, satta bojjhaṅge bahulīkarotī’’ti. Paṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-3. பாணஸுத்தாதி³வண்ணனா • 1-3. Pāṇasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-3. பாணஸுத்தாதி³வண்ணனா • 1-3. Pāṇasuttādivaṇṇanā
