| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๒. คิลานวโคฺค
2. Gilānavaggo
๑. ปาณสุตฺตํ
1. Pāṇasuttaṃ
๑๙๒. ‘‘เสยฺยถาปิ , ภิกฺขเว, เย เกจิ ปาณา จตฺตาโร อิริยาปเถ กเปฺปนฺติ – กาเลน คมนํ, กาเลน ฐานํ, กาเลน นิสชฺชํ, กาเลน เสยฺยํ, สเพฺพ เต ปถวิํ นิสฺสาย ปถวิยํ ปติฎฺฐาย เอวเมเต จตฺตาโร อิริยาปเถ กเปฺปนฺติ; เอวเมว โข, ภิกฺขเว, ภิกฺขุ สีลํ นิสฺสาย สีเล ปติฎฺฐาย สตฺต โพชฺฌเงฺค ภาเวติ, สตฺต โพชฺฌเงฺค พหุลีกโรติฯ
192. ‘‘Seyyathāpi , bhikkhave, ye keci pāṇā cattāro iriyāpathe kappenti – kālena gamanaṃ, kālena ṭhānaṃ, kālena nisajjaṃ, kālena seyyaṃ, sabbe te pathaviṃ nissāya pathaviyaṃ patiṭṭhāya evamete cattāro iriyāpathe kappenti; evameva kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāveti, satta bojjhaṅge bahulīkaroti.
‘‘กถญฺจ , ภิกฺขเว, ภิกฺขุ สีลํ นิสฺสาย สีเล ปติฎฺฐาย สตฺต โพชฺฌเงฺค ภาเวติ สตฺต โพชฺฌเงฺค พหุลีกโรติ? อิธ, ภิกฺขเว, ภิกฺขุ สติสโมฺพชฺฌงฺคํ ภาเวติ วิเวกนิสฺสิตํ วิราคนิสฺสิตํ นิโรธนิสฺสิตํ โวสฺสคฺคปริณามิํ…เป.… อุเปกฺขาสโมฺพชฺฌงฺคํ ภาเวติ วิเวกนิสฺสิตํ วิราคนิสฺสิตํ นิโรธนิสฺสิตํ โวสฺสคฺคปริณามิํฯ เอวํ โข, ภิกฺขเว, ภิกฺขุ สีลํ นิสฺสาย สีเล ปติฎฺฐาย สตฺต โพชฺฌเงฺค ภาเวติ, สตฺต โพชฺฌเงฺค พหุลีกโรตี’’ติฯ ปฐมํฯ
‘‘Kathañca , bhikkhave, bhikkhu sīlaṃ nissāya sīle patiṭṭhāya satta bojjhaṅge bhāveti satta bojjhaṅge bahulīkaroti? Idha, bhikkhave, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu sīlaṃ nissāya sīle patiṭṭhāya satta bojjhaṅge bhāveti, satta bojjhaṅge bahulīkarotī’’ti. Paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑-๓. ปาณสุตฺตาทิวณฺณนา • 1-3. Pāṇasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑-๓. ปาณสุตฺตาทิวณฺณนา • 1-3. Pāṇasuttādivaṇṇanā
