| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(9) 4. мажалаваг̇г̇о
(9) 4. Macalavaggo
1-6. баан̣аад̇ибаад̇асуд̇д̇аад̣̇иван̣н̣анаа
1-6. Pāṇātipātasuttādivaṇṇanā
81-86. жад̇уд̇т̇асса батамаад̣̇ийни уд̇д̇аанад̇т̇аанзва. бан̃жамз (сам̣. ни. дий. 1.1.132) ‘‘нийжз гулз бажжааж̇аад̇о’’д̇иаад̣̇игзна аббагаасабхаавзна д̇амад̇ийд̇и д̇амо, д̇зна д̇амзна яуд̇д̇од̇и д̇амо буг̇г̇ало вужжад̇и. д̇ат̇аа хи д̇ам̣яог̇ад̇о буг̇г̇аласса д̇аб̣б̣охааро яат̇аа ‘‘мажчзраяог̇ад̇о мажчаро’’д̇и, д̇асмаа д̇амод̇и аббагаасабхаавзна д̇амо д̇амабхууд̇о анд̇хагаарам̣ вияа ж̇аад̇о, анд̇хагаарад̇д̇ам̣ ваа бад̇д̇од̇и ад̇т̇о. вуд̇д̇алагкан̣ам̣ д̇амамзва барамбарад̇о аяанам̣ г̇ад̇и нидтаа зд̇ассаад̇и д̇амабарааяан̣о. убхаязнаби д̇амаг̇г̇ахан̣зна канд̇хад̇амо гат̇ид̇о, на анд̇хагаарад̇амо. канд̇хад̇амод̇и жа самбад̇д̇ирахид̇аа канд̇хабавад̇д̇иязва д̣̇адтаб̣б̣аа. ‘‘ужжз гулз бажжааж̇аад̇о’’д̇иаад̣̇игзна багаасабхаавзна ж̇од̇зд̇ийд̇и ж̇од̇и, д̇зна ж̇од̇инааяуд̇д̇од̇иаад̣̇и саб̣б̣ам̣ вуд̇д̇анаязна взд̣̇ид̇аб̣б̣ам̣. ид̇арз д̣̇взд̇и ж̇од̇ид̇амабарааяан̣о, ж̇од̇иж̇од̇ибарааяан̣од̇и ид̇арз д̣̇вз буг̇г̇алз.
81-86. Catutthassa paṭhamādīni uttānatthāneva. Pañcame (saṃ. ni. ṭī. 1.1.132) ‘‘nīce kule paccājāto’’tiādikena appakāsabhāvena tamatīti tamo, tena tamena yuttoti tamo puggalo vuccati. Tathā hi taṃyogato puggalassa tabbohāro yathā ‘‘maccherayogato maccharo’’ti, tasmā tamoti appakāsabhāvena tamo tamabhūto andhakāraṃ viya jāto, andhakārattaṃ vā pattoti attho. Vuttalakkhaṇaṃ tamameva paramparato ayanaṃ gati niṭṭhā etassāti tamaparāyaṇo. Ubhayenapi tamaggahaṇena khandhatamo kathito, na andhakāratamo. Khandhatamoti ca sampattirahitā khandhapavattiyeva daṭṭhabbā. ‘‘Ucce kule paccājāto’’tiādikena pakāsabhāvena jotetīti joti, tena jotināyuttotiādi sabbaṃ vuttanayena veditabbaṃ. Itare dveti jotitamaparāyaṇo, jotijotiparāyaṇoti itare dve puggale.
взн̣увзд̇д̇аад̣̇ивилийвзхи бзл̣абхааж̇анаад̣̇игаарагаа вилийвагаарагаа. миг̇амажчаад̣̇ийнам̣ нисаад̣̇анад̇о нзсаад̣̇аа, мааг̇авигамажчаб̣анд̇хаад̣̇аяо. рат̇зсу жаммзна нахан̣агаран̣ад̇о рат̇агаараа, жаммагаараа. буид̇и гарийсасса наамам̣, д̇ам̣ гусзнд̇и абанзнд̇ийд̇и буггусаа, бубпачад̣д̣агаа. д̣̇уб̣б̣ан̣н̣од̇и вируубо. огодимагод̇и аарохаабхаавзна хздтимаго, рассагааяод̇и ад̇т̇о. д̇знааха ‘‘лагун̣д̣аго’’д̇и. лагу вияа гхадигаа вияа д̣зд̇и бавад̇д̇ад̇ийд̇и лагун̣д̣аго, рассо. ган̣ад̇и нимийлад̇ийд̇и гаан̣о. д̇ам̣ банасса нимийланам̣ згзна агкинаа д̣̇вийхиби ваад̇и ааха ‘‘згажчигаан̣о ваа убхаяажчигаан̣о ваа’’д̇и. гун̣анам̣ гун̣о, хад̇т̇авзгаллам̣, со зд̇асса ад̇т̇ийд̇и гун̣ий. кан̃ж̇о вужжад̇и баад̣̇авигало. хздтимагааяасан̇каад̇о сарийрасса багко бад̣̇зсо хад̇о ассаад̇и багкахад̇о. д̇знааха ‘‘бийтасаббий’’д̇и. бад̣̇ийбз бад̣̇ийбанз зд̇аб̣б̣ам̣ нзд̇аб̣б̣анд̇и бад̣̇ийбзяяам̣, д̇злагабаалаад̣̇иубагаран̣ам̣. вуд̇д̇анд̇и адтагат̇ааяам̣ вуд̇д̇ам̣.
Veṇuvettādivilīvehi peḷabhājanādikārakā vilīvakārakā. Migamacchādīnaṃ nisādanato nesādā, māgavikamacchabandhādayo. Rathesu cammena nahaṇakaraṇato rathakārā, cammakārā. Puiti karīsassa nāmaṃ, taṃ kusenti apanentīti pukkusā, pupphachaḍḍakā. Dubbaṇṇoti virūpo. Okoṭimakoti ārohābhāvena heṭṭhimako, rassakāyoti attho. Tenāha ‘‘lakuṇḍako’’ti. Laku viya ghaṭikā viya ḍeti pavattatīti lakuṇḍako, rasso. Kaṇati nimīlatīti kāṇo. Taṃ panassa nimīlanaṃ ekena akkhinā dvīhipi vāti āha ‘‘ekacchikāṇo vā ubhayacchikāṇo vā’’ti. Kuṇanaṃ kuṇo, hatthavekallaṃ, so etassa atthīti kuṇī. Khañjo vuccati pādavikalo. Heṭṭhimakāyasaṅkhāto sarīrassa pakkho padeso hato assāti pakkhahato. Tenāha ‘‘pīṭhasappī’’ti. Padīpe padīpane etabbaṃ netabbanti padīpeyyaṃ, telakapālādiupakaraṇaṃ. Vuttanti aṭṭhakathāyaṃ vuttaṃ.
ааг̇аманавибад̇д̇ийд̇и ааг̇аманадтаанавасзна вибад̇д̇и ‘‘ааг̇амо зд̇т̇аа’’д̇и гад̇ваа. буб̣б̣уббаннабажжаяавибад̇д̇ийд̇и батамуббаннабажжаяавасзна вибараавад̇д̇и. жан̣д̣аалаад̣̇исабхааваа хисса маад̇аабид̇аро батамуббаннабажжаяо. бавад̇д̇абажжаяавибад̇д̇ийд̇и бавад̇д̇з сукабажжаяавибад̇д̇и. д̇аад̣̇исз нихийнагулз уббанноби гожи вибхавасамбанно сияаа, аяам̣ бана д̣̇уг̇г̇ад̇о д̣̇уруубо. ааж̇ийвубааяавибад̇д̇ийд̇и ааж̇ийванубааяавасзна вибад̇д̇и. сукзна хи ж̇ийвигам̣ бавад̇д̇зд̇ум̣ убааяабхууд̇аа хад̇т̇исиббаад̣̇аяо имасса над̇т̇и, бубпачад̣д̣анасилаагодданаад̣̇игаммам̣ бана гад̇ваа ж̇ийвигам̣ бавад̇д̇зд̇и. д̇знааха ‘‘гасиравуд̇д̇игз’’д̇и. ад̇д̇абхаававибад̇д̇ийд̇и убад̇хивибад̇д̇и. д̣̇угкагааран̣асамааяог̇од̇и гааяигажзд̇асигад̣̇угкуббад̇д̇ияаа бажжаяасамод̇хаанам̣. сукагааран̣авибад̇д̇ийд̇и сукабажжаяабарихаани. убабхог̇авибад̇д̇ийд̇и убабхог̇асукасса винаасо анубалад̣̇д̇хи. ж̇од̇и жзва ж̇од̇ибарааяан̣абхааво жа суггабагко. чадтам̣ уд̇д̇аанамзва.
Āgamanavipattīti āgamanaṭṭhānavasena vipatti ‘‘āgamo etthā’’ti katvā. Pubbuppannapaccayavipattīti paṭhamuppannapaccayavasena viparāvatti. Caṇḍālādisabhāvā hissa mātāpitaro paṭhamuppannapaccayo. Pavattapaccayavipattīti pavatte sukhapaccayavipatti. Tādise nihīnakule uppannopi koci vibhavasampanno siyā, ayaṃ pana duggato durūpo. Ājīvupāyavipattīti ājīvanupāyavasena vipatti. Sukhena hi jīvikaṃ pavattetuṃ upāyabhūtā hatthisippādayo imassa natthi, pupphachaḍḍanasilākoṭṭanādikammaṃ pana katvā jīvikaṃ pavatteti. Tenāha ‘‘kasiravuttike’’ti. Attabhāvavipattīti upadhivipatti. Dukkhakāraṇasamāyogoti kāyikacetasikadukkhuppattiyā paccayasamodhānaṃ. Sukhakāraṇavipattīti sukhapaccayaparihāni. Upabhogavipattīti upabhogasukhassa vināso anupaladdhi. Joti ceva jotiparāyaṇabhāvo ca sukkapakkho. Chaṭṭhaṃ uttānameva.
баан̣аад̇ибаад̇асуд̇д̇аад̣̇иван̣н̣анаа нидтид̇аа.
Pāṇātipātasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. баан̣аад̇ибаад̇асуд̇д̇ам̣ • 1. Pāṇātipātasuttaṃ
2. мусааваад̣̇асуд̇д̇ам̣ • 2. Musāvādasuttaṃ
3. аван̣н̣аарахасуд̇д̇ам̣ • 3. Avaṇṇārahasuttaṃ
4. год̇хаг̇арусуд̇д̇ам̣ • 4. Kodhagarusuttaṃ
5. д̇амод̇амасуд̇д̇ам̣ • 5. Tamotamasuttaṃ
6. он̣ад̇он̣ад̇асуд̇д̇ам̣ • 6. Oṇatoṇatasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1-5. баан̣аад̇ибаад̇аад̣̇исуд̇д̇абан̃жагаван̣н̣анаа • 1-5. Pāṇātipātādisuttapañcakavaṇṇanā
6. он̣ад̇он̣ад̇асуд̇д̇аван̣н̣анаа • 6. Oṇatoṇatasuttavaṇṇanā
