| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(২৭) ৭. কম্মপথৰগ্গো
(27) 7. Kammapathavaggo
১. পাণাতিপাতীসুত্তং
1. Pāṇātipātīsuttaṃ
২৬৪. ‘‘চতূহি , ভিক্খৰে, ধম্মেহি সমন্নাগতো যথাভতং নিক্খিত্তো এৰং নিরযে। কতমেহি চতূহি? অত্তনা চ পাণাতিপাতী হোতি, পরঞ্চ পাণাতিপাতে সমাদপেতি, পাণাতিপাতে চ সমনুঞ্ঞো হোতি, পাণাতিপাতস্স চ ৰণ্ণং ভাসতি – ইমেহি খো, ভিক্খৰে, চতূহি ধম্মেহি সমন্নাগতো যথাভতং নিক্খিত্তো এৰং নিরযে।
264. ‘‘Catūhi , bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Attanā ca pāṇātipātī hoti, parañca pāṇātipāte samādapeti, pāṇātipāte ca samanuñño hoti, pāṇātipātassa ca vaṇṇaṃ bhāsati – imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.
‘‘চতূহি, ভিক্খৰে, ধম্মেহি সমন্নাগতো যথাভতং নিক্খিত্তো এৰং সগ্গে। কতমেহি চতূহি? অত্তনা চ পাণাতিপাতা পটিৰিরতো হোতি, পরঞ্চ পাণাতিপাতা ৰেরমণিযা সমাদপেতি, পাণাতিপাতা ৰেরমণিযা চ সমনুঞ্ঞো হোতি, পাণাতিপাতা ৰেরমণিযা চ ৰণ্ণং ভাসতি – ইমেহি খো, ভিক্খৰে, চতূহি ধম্মেহি সমন্নাগতো যথাভতং নিক্খিত্তো এৰং সগ্গে’’তি। পঠমং।
‘‘Catūhi, bhikkhave, dhammehi samannāgato yathābhataṃ nikkhitto evaṃ sagge. Katamehi catūhi? Attanā ca pāṇātipātā paṭivirato hoti, parañca pāṇātipātā veramaṇiyā samādapeti, pāṇātipātā veramaṇiyā ca samanuñño hoti, pāṇātipātā veramaṇiyā ca vaṇṇaṃ bhāsati – imehi kho, bhikkhave, catūhi dhammehi samannāgato yathābhataṃ nikkhitto evaṃ sagge’’ti. Paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / (২৭) ৭. কম্মপথৰগ্গৰণ্ণনা • (27) 7. Kammapathavaggavaṇṇanā
